| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๔. ปฎิปตฺติวคฺควณฺณนา
4. Paṭipattivaggavaṇṇanā
๓๑-๔๐. จตุเตฺถ มิจฺฉาปฎิปตฺตินฺติ อยาถาวปฎิปตฺติํฯ มิจฺฉาปฎิปนฺนนฺติ อยาถาวปฎิปนฺนํฯ อิติ เอกํ สุตฺตํ ธมฺมวเสน กถิตํ, เอกํ ปุคฺคลวเสนฯ อปารา ปารนฺติ วฎฺฎโต นิพฺพานํฯ ปารคามิโนติ เอตฺถ เยปิ ปารงฺคตา, เยปิ คจฺฉนฺติ, เยปิ คมิสฺสนฺติ, สเพฺพ ปารคามิโนเตฺวว เวทิตพฺพาฯ
31-40. Catutthe micchāpaṭipattinti ayāthāvapaṭipattiṃ. Micchāpaṭipannanti ayāthāvapaṭipannaṃ. Iti ekaṃ suttaṃ dhammavasena kathitaṃ, ekaṃ puggalavasena. Apārā pāranti vaṭṭato nibbānaṃ. Pāragāminoti ettha yepi pāraṅgatā, yepi gacchanti, yepi gamissanti, sabbe pāragāminotveva veditabbā.
ตีรเมวานุธาวตีติ วฎฺฎเมว อนุธาวติ, วเฎฺฎ วิจรติฯ กณฺหนฺติ อกุสลธมฺมํฯ สุกฺกนฺติ กุสลธมฺมํฯ โอกา อโนกนฺติ วฎฺฎโต นิพฺพานํฯ อาคมฺมาติ อารพฺภ สนฺธาย ปฎิจฺจฯ ปริโยทเปยฺยาติ ปริสุทฺธํ กเรยฺยฯ จิตฺตเกฺลเสหีติ จิตฺตํ กิลิสฺสาเปเนฺตหิ นีวรเณหิฯ สโมฺพธิยเงฺคสูติ สตฺตสุ โพชฺฌเงฺคสุฯ
Tīramevānudhāvatīti vaṭṭameva anudhāvati, vaṭṭe vicarati. Kaṇhanti akusaladhammaṃ. Sukkanti kusaladhammaṃ. Okā anokanti vaṭṭato nibbānaṃ. Āgammāti ārabbha sandhāya paṭicca. Pariyodapeyyāti parisuddhaṃ kareyya. Cittaklesehīti cittaṃ kilissāpentehi nīvaraṇehi. Sambodhiyaṅgesūti sattasu bojjhaṅgesu.
สามญฺญตฺถนฺติ นิพฺพานํฯ ตญฺหิ สามเญฺญน อุปคนฺตพฺพโต สามญฺญโตฺถติ วุจฺจติฯ พฺรหฺมญฺญนฺติ เสฎฺฐภาวํฯ พฺรหฺมญฺญตฺถนฺติ นิพฺพานํ พฺรหฺมเญฺญน อุปคนฺตพฺพโตฯ ยตฺถ ยตฺถ ปน เหฎฺฐา จ อิเมสุ จ ตีสุ สุเตฺตสุ ‘‘ราคกฺขโย’’ติ อาคตํ, ตตฺถ ตตฺถ อรหตฺตมฺปิ วฎฺฎติเยวาติ วทนฺติฯ
Sāmaññatthanti nibbānaṃ. Tañhi sāmaññena upagantabbato sāmaññatthoti vuccati. Brahmaññanti seṭṭhabhāvaṃ. Brahmaññatthanti nibbānaṃ brahmaññena upagantabbato. Yattha yattha pana heṭṭhā ca imesu ca tīsu suttesu ‘‘rāgakkhayo’’ti āgataṃ, tattha tattha arahattampi vaṭṭatiyevāti vadanti.
ปฎิปตฺติวโคฺค จตุโตฺถฯ
Paṭipattivaggo catuttho.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya
๑. ปฐมปฎิปตฺติสุตฺตํ • 1. Paṭhamapaṭipattisuttaṃ
๒. ทุติยปฎิปตฺติสุตฺตํ • 2. Dutiyapaṭipattisuttaṃ
๓. วิรทฺธสุตฺตํ • 3. Viraddhasuttaṃ
๔. ปารงฺคมสุตฺตํ • 4. Pāraṅgamasuttaṃ
๕. ปฐมสามญฺญสุตฺตํ • 5. Paṭhamasāmaññasuttaṃ
๖. ทุติยสามญฺญสุตฺตํ • 6. Dutiyasāmaññasuttaṃ
๗. ปฐมพฺรหฺมญฺญสุตฺตํ • 7. Paṭhamabrahmaññasuttaṃ
๘. ทุติยพฺรหฺมญฺญสุตฺตํ • 8. Dutiyabrahmaññasuttaṃ
๙. ปฐมพฺรหฺมจริยสุตฺตํ • 9. Paṭhamabrahmacariyasuttaṃ
๑๐. ทุติยพฺรหฺมจริยสุตฺตํ • 10. Dutiyabrahmacariyasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๔. ปฎิปตฺติวคฺควณฺณนา • 4. Paṭipattivaggavaṇṇanā
