| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੪. ਪਟਿਪਤ੍ਤਿવਗ੍ਗવਣ੍ਣਨਾ
4. Paṭipattivaggavaṇṇanā
੩੧-੪੦. ਚਤੁਤ੍ਥੇ ਮਿਚ੍ਛਾਪਟਿਪਤ੍ਤਿਨ੍ਤਿ ਅਯਾਥਾવਪਟਿਪਤ੍ਤਿਂ। ਮਿਚ੍ਛਾਪਟਿਪਨ੍ਨਨ੍ਤਿ ਅਯਾਥਾવਪਟਿਪਨ੍ਨਂ। ਇਤਿ ਏਕਂ ਸੁਤ੍ਤਂ ਧਮ੍ਮવਸੇਨ ਕਥਿਤਂ, ਏਕਂ ਪੁਗ੍ਗਲવਸੇਨ। ਅਪਾਰਾ ਪਾਰਨ੍ਤਿ વਟ੍ਟਤੋ ਨਿਬ੍ਬਾਨਂ। ਪਾਰਗਾਮਿਨੋਤਿ ਏਤ੍ਥ ਯੇਪਿ ਪਾਰਙ੍ਗਤਾ, ਯੇਪਿ ਗਚ੍ਛਨ੍ਤਿ, ਯੇਪਿ ਗਮਿਸ੍ਸਨ੍ਤਿ, ਸਬ੍ਬੇ ਪਾਰਗਾਮਿਨੋਤ੍વੇવ વੇਦਿਤਬ੍ਬਾ।
31-40. Catutthe micchāpaṭipattinti ayāthāvapaṭipattiṃ. Micchāpaṭipannanti ayāthāvapaṭipannaṃ. Iti ekaṃ suttaṃ dhammavasena kathitaṃ, ekaṃ puggalavasena. Apārā pāranti vaṭṭato nibbānaṃ. Pāragāminoti ettha yepi pāraṅgatā, yepi gacchanti, yepi gamissanti, sabbe pāragāminotveva veditabbā.
ਤੀਰਮੇવਾਨੁਧਾવਤੀਤਿ વਟ੍ਟਮੇવ ਅਨੁਧਾવਤਿ, વਟ੍ਟੇ વਿਚਰਤਿ। ਕਣ੍ਹਨ੍ਤਿ ਅਕੁਸਲਧਮ੍ਮਂ। ਸੁਕ੍ਕਨ੍ਤਿ ਕੁਸਲਧਮ੍ਮਂ। ਓਕਾ ਅਨੋਕਨ੍ਤਿ વਟ੍ਟਤੋ ਨਿਬ੍ਬਾਨਂ। ਆਗਮ੍ਮਾਤਿ ਆਰਬ੍ਭ ਸਨ੍ਧਾਯ ਪਟਿਚ੍ਚ। ਪਰਿਯੋਦਪੇਯ੍ਯਾਤਿ ਪਰਿਸੁਦ੍ਧਂ ਕਰੇਯ੍ਯ। ਚਿਤ੍ਤਕ੍ਲੇਸੇਹੀਤਿ ਚਿਤ੍ਤਂ ਕਿਲਿਸ੍ਸਾਪੇਨ੍ਤੇਹਿ ਨੀવਰਣੇਹਿ। ਸਮ੍ਬੋਧਿਯਙ੍ਗੇਸੂਤਿ ਸਤ੍ਤਸੁ ਬੋਜ੍ਝਙ੍ਗੇਸੁ।
Tīramevānudhāvatīti vaṭṭameva anudhāvati, vaṭṭe vicarati. Kaṇhanti akusaladhammaṃ. Sukkanti kusaladhammaṃ. Okā anokanti vaṭṭato nibbānaṃ. Āgammāti ārabbha sandhāya paṭicca. Pariyodapeyyāti parisuddhaṃ kareyya. Cittaklesehīti cittaṃ kilissāpentehi nīvaraṇehi. Sambodhiyaṅgesūti sattasu bojjhaṅgesu.
ਸਾਮਞ੍ਞਤ੍ਥਨ੍ਤਿ ਨਿਬ੍ਬਾਨਂ। ਤਞ੍ਹਿ ਸਾਮਞ੍ਞੇਨ ਉਪਗਨ੍ਤਬ੍ਬਤੋ ਸਾਮਞ੍ਞਤ੍ਥੋਤਿ વੁਚ੍ਚਤਿ। ਬ੍ਰਹ੍ਮਞ੍ਞਨ੍ਤਿ ਸੇਟ੍ਠਭਾવਂ। ਬ੍ਰਹ੍ਮਞ੍ਞਤ੍ਥਨ੍ਤਿ ਨਿਬ੍ਬਾਨਂ ਬ੍ਰਹ੍ਮਞ੍ਞੇਨ ਉਪਗਨ੍ਤਬ੍ਬਤੋ। ਯਤ੍ਥ ਯਤ੍ਥ ਪਨ ਹੇਟ੍ਠਾ ਚ ਇਮੇਸੁ ਚ ਤੀਸੁ ਸੁਤ੍ਤੇਸੁ ‘‘ਰਾਗਕ੍ਖਯੋ’’ਤਿ ਆਗਤਂ, ਤਤ੍ਥ ਤਤ੍ਥ ਅਰਹਤ੍ਤਮ੍ਪਿ વਟ੍ਟਤਿਯੇવਾਤਿ વਦਨ੍ਤਿ।
Sāmaññatthanti nibbānaṃ. Tañhi sāmaññena upagantabbato sāmaññatthoti vuccati. Brahmaññanti seṭṭhabhāvaṃ. Brahmaññatthanti nibbānaṃ brahmaññena upagantabbato. Yattha yattha pana heṭṭhā ca imesu ca tīsu suttesu ‘‘rāgakkhayo’’ti āgataṃ, tattha tattha arahattampi vaṭṭatiyevāti vadanti.
ਪਟਿਪਤ੍ਤਿવਗ੍ਗੋ ਚਤੁਤ੍ਥੋ।
Paṭipattivaggo catuttho.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੧. ਪਠਮਪਟਿਪਤ੍ਤਿਸੁਤ੍ਤਂ • 1. Paṭhamapaṭipattisuttaṃ
੨. ਦੁਤਿਯਪਟਿਪਤ੍ਤਿਸੁਤ੍ਤਂ • 2. Dutiyapaṭipattisuttaṃ
੩. વਿਰਦ੍ਧਸੁਤ੍ਤਂ • 3. Viraddhasuttaṃ
੪. ਪਾਰਙ੍ਗਮਸੁਤ੍ਤਂ • 4. Pāraṅgamasuttaṃ
੫. ਪਠਮਸਾਮਞ੍ਞਸੁਤ੍ਤਂ • 5. Paṭhamasāmaññasuttaṃ
੬. ਦੁਤਿਯਸਾਮਞ੍ਞਸੁਤ੍ਤਂ • 6. Dutiyasāmaññasuttaṃ
੭. ਪਠਮਬ੍ਰਹ੍ਮਞ੍ਞਸੁਤ੍ਤਂ • 7. Paṭhamabrahmaññasuttaṃ
੮. ਦੁਤਿਯਬ੍ਰਹ੍ਮਞ੍ਞਸੁਤ੍ਤਂ • 8. Dutiyabrahmaññasuttaṃ
੯. ਪਠਮਬ੍ਰਹ੍ਮਚਰਿਯਸੁਤ੍ਤਂ • 9. Paṭhamabrahmacariyasuttaṃ
੧੦. ਦੁਤਿਯਬ੍ਰਹ੍ਮਚਰਿਯਸੁਤ੍ਤਂ • 10. Dutiyabrahmacariyasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੪. ਪਟਿਪਤ੍ਤਿવਗ੍ਗવਣ੍ਣਨਾ • 4. Paṭipattivaggavaṇṇanā
