| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൪. പടിപത്തിവഗ്ഗവണ്ണനാ
4. Paṭipattivaggavaṇṇanā
൩൧-൪൦. ചതുത്ഥേ മിച്ഛാപടിപത്തിന്തി അയാഥാവപടിപത്തിം. മിച്ഛാപടിപന്നന്തി അയാഥാവപടിപന്നം. ഇതി ഏകം സുത്തം ധമ്മവസേന കഥിതം, ഏകം പുഗ്ഗലവസേന. അപാരാ പാരന്തി വട്ടതോ നിബ്ബാനം. പാരഗാമിനോതി ഏത്ഥ യേപി പാരങ്ഗതാ, യേപി ഗച്ഛന്തി, യേപി ഗമിസ്സന്തി, സബ്ബേ പാരഗാമിനോത്വേവ വേദിതബ്ബാ.
31-40. Catutthe micchāpaṭipattinti ayāthāvapaṭipattiṃ. Micchāpaṭipannanti ayāthāvapaṭipannaṃ. Iti ekaṃ suttaṃ dhammavasena kathitaṃ, ekaṃ puggalavasena. Apārā pāranti vaṭṭato nibbānaṃ. Pāragāminoti ettha yepi pāraṅgatā, yepi gacchanti, yepi gamissanti, sabbe pāragāminotveva veditabbā.
തീരമേവാനുധാവതീതി വട്ടമേവ അനുധാവതി, വട്ടേ വിചരതി. കണ്ഹന്തി അകുസലധമ്മം. സുക്കന്തി കുസലധമ്മം. ഓകാ അനോകന്തി വട്ടതോ നിബ്ബാനം. ആഗമ്മാതി ആരബ്ഭ സന്ധായ പടിച്ച. പരിയോദപേയ്യാതി പരിസുദ്ധം കരേയ്യ. ചിത്തക്ലേസേഹീതി ചിത്തം കിലിസ്സാപേന്തേഹി നീവരണേഹി. സമ്ബോധിയങ്ഗേസൂതി സത്തസു ബോജ്ഝങ്ഗേസു.
Tīramevānudhāvatīti vaṭṭameva anudhāvati, vaṭṭe vicarati. Kaṇhanti akusaladhammaṃ. Sukkanti kusaladhammaṃ. Okā anokanti vaṭṭato nibbānaṃ. Āgammāti ārabbha sandhāya paṭicca. Pariyodapeyyāti parisuddhaṃ kareyya. Cittaklesehīti cittaṃ kilissāpentehi nīvaraṇehi. Sambodhiyaṅgesūti sattasu bojjhaṅgesu.
സാമഞ്ഞത്ഥന്തി നിബ്ബാനം. തഞ്ഹി സാമഞ്ഞേന ഉപഗന്തബ്ബതോ സാമഞ്ഞത്ഥോതി വുച്ചതി. ബ്രഹ്മഞ്ഞന്തി സേട്ഠഭാവം. ബ്രഹ്മഞ്ഞത്ഥന്തി നിബ്ബാനം ബ്രഹ്മഞ്ഞേന ഉപഗന്തബ്ബതോ. യത്ഥ യത്ഥ പന ഹേട്ഠാ ച ഇമേസു ച തീസു സുത്തേസു ‘‘രാഗക്ഖയോ’’തി ആഗതം, തത്ഥ തത്ഥ അരഹത്തമ്പി വട്ടതിയേവാതി വദന്തി.
Sāmaññatthanti nibbānaṃ. Tañhi sāmaññena upagantabbato sāmaññatthoti vuccati. Brahmaññanti seṭṭhabhāvaṃ. Brahmaññatthanti nibbānaṃ brahmaññena upagantabbato. Yattha yattha pana heṭṭhā ca imesu ca tīsu suttesu ‘‘rāgakkhayo’’ti āgataṃ, tattha tattha arahattampi vaṭṭatiyevāti vadanti.
പടിപത്തിവഗ്ഗോ ചതുത്ഥോ.
Paṭipattivaggo catuttho.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya
൧. പഠമപടിപത്തിസുത്തം • 1. Paṭhamapaṭipattisuttaṃ
൨. ദുതിയപടിപത്തിസുത്തം • 2. Dutiyapaṭipattisuttaṃ
൩. വിരദ്ധസുത്തം • 3. Viraddhasuttaṃ
൪. പാരങ്ഗമസുത്തം • 4. Pāraṅgamasuttaṃ
൫. പഠമസാമഞ്ഞസുത്തം • 5. Paṭhamasāmaññasuttaṃ
൬. ദുതിയസാമഞ്ഞസുത്തം • 6. Dutiyasāmaññasuttaṃ
൭. പഠമബ്രഹ്മഞ്ഞസുത്തം • 7. Paṭhamabrahmaññasuttaṃ
൮. ദുതിയബ്രഹ്മഞ്ഞസുത്തം • 8. Dutiyabrahmaññasuttaṃ
൯. പഠമബ്രഹ്മചരിയസുത്തം • 9. Paṭhamabrahmacariyasuttaṃ
൧൦. ദുതിയബ്രഹ്മചരിയസുത്തം • 10. Dutiyabrahmacariyasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൪. പടിപത്തിവഗ്ഗവണ്ണനാ • 4. Paṭipattivaggavaṇṇanā
