| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
бадиббассамбхзд̇аб̣б̣аадтаарасагам̣
Paṭippassambhetabbaaṭṭhārasakaṃ
19. ‘‘бан̃жахи , бхигкавз, ан̇г̇зхи саманнааг̇ад̇асса бхигкуно нияассагаммам̣ бадиббассамбхзд̇аб̣б̣ам̣ . на убасамбаад̣̇зд̇и, на ниссаяам̣ д̣̇зд̇и, на сааман̣зрам̣ убадтаабзд̇и, на бхигкуноваад̣̇агасаммуд̇им̣ саад̣̇ияад̇и, саммад̇оби бхигкунияо на овад̣̇ад̇и – имзхи ко, бхигкавз, бан̃жахан̇г̇зхи саманнааг̇ад̇асса бхигкуно нияассагаммам̣ бадиббассамбхзд̇аб̣б̣ам̣.
19. ‘‘Pañcahi , bhikkhave, aṅgehi samannāgatassa bhikkhuno niyassakammaṃ paṭippassambhetabbaṃ . Na upasampādeti, na nissayaṃ deti, na sāmaṇeraṃ upaṭṭhāpeti, na bhikkhunovādakasammutiṃ sādiyati, sammatopi bhikkhuniyo na ovadati – imehi kho, bhikkhave, pañcahaṅgehi samannāgatassa bhikkhuno niyassakammaṃ paṭippassambhetabbaṃ.
‘‘абарзхиби, бхигкавз, бан̃жахан̇г̇зхи саманнааг̇ад̇асса бхигкуно нияассагаммам̣ бадиббассамбхзд̇аб̣б̣ам̣. яааяа аабад̇д̇ияаа сан̇гхзна нияассагаммам̣ гад̇ам̣ ход̇и д̇ам̣ аабад̇д̇им̣ на аабаж̇ж̇ад̇и, ан̃н̃ам̣ ваа д̇аад̣̇исигам̣, д̇ад̇о ваа баабидтад̇арам̣; гаммам̣ на г̇арахад̇и, гаммигз на г̇арахад̇и – имзхи ко, бхигкавз, бан̃жахан̇г̇зхи саманнааг̇ад̇асса бхигкуно нияассагаммам̣ бадиббассамбхзд̇аб̣б̣ам̣.
‘‘Aparehipi, bhikkhave, pañcahaṅgehi samannāgatassa bhikkhuno niyassakammaṃ paṭippassambhetabbaṃ. Yāya āpattiyā saṅghena niyassakammaṃ kataṃ hoti taṃ āpattiṃ na āpajjati, aññaṃ vā tādisikaṃ, tato vā pāpiṭṭhataraṃ; kammaṃ na garahati, kammike na garahati – imehi kho, bhikkhave, pañcahaṅgehi samannāgatassa bhikkhuno niyassakammaṃ paṭippassambhetabbaṃ.
‘‘адтахи, бхигкавз, ан̇г̇зхи саманнааг̇ад̇асса бхигкуно нияассагаммам̣ бадиббассамбхзд̇аб̣б̣ам̣.
‘‘Aṭṭhahi, bhikkhave, aṅgehi samannāgatassa bhikkhuno niyassakammaṃ paṭippassambhetabbaṃ.
на багад̇ад̇д̇асса бхигкуно убосат̇ам̣ табзд̇и, на бавааран̣ам̣ табзд̇и, на саважанийяам̣ гарод̇и, на ануваад̣̇ам̣ бадтабзд̇и, на огаасам̣ гаарзд̇и, на жод̣̇зд̇и, на саарзд̇и, на бхигкуухи самбаяож̇зд̇и – имзхи ко, бхигкавз, адтахан̇г̇зхи саманнааг̇ад̇асса бхигкуно нияассагаммам̣ бадиббассамбхзд̇аб̣б̣ам̣.
Na pakatattassa bhikkhuno uposathaṃ ṭhapeti, na pavāraṇaṃ ṭhapeti, na savacanīyaṃ karoti, na anuvādaṃ paṭṭhapeti, na okāsaṃ kāreti, na codeti, na sāreti, na bhikkhūhi sampayojeti – imehi kho, bhikkhave, aṭṭhahaṅgehi samannāgatassa bhikkhuno niyassakammaṃ paṭippassambhetabbaṃ.
бадиббассамбхзд̇аб̣б̣аадтаарасагам̣ нидтид̇ам̣.
Paṭippassambhetabbaaṭṭhārasakaṃ niṭṭhitaṃ.
20. ‘‘зван̃жа бана, бхигкавз, бадиббассамбхзд̇аб̣б̣ам̣. д̇зна, бхигкавз, сзяяасагзна бхигкунаа сан̇гхам̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа вуд̣дхаанам̣ бхигкуунам̣ баад̣̇з ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо – ‘ахам̣, бханд̇з, сан̇гхзна нияассагаммагад̇о саммаа вад̇д̇аами, ломам̣ баад̇зми, нзд̇т̇аарам̣ вад̇д̇аами, нияассасса гаммасса бадиббассад̣̇д̇хим̣ яаажаамий’д̇и. д̣̇уд̇ияамби яаажид̇аб̣б̣аа. д̇ад̇ияамби яаажид̇аб̣б̣аа . б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
20. ‘‘Evañca pana, bhikkhave, paṭippassambhetabbaṃ. Tena, bhikkhave, seyyasakena bhikkhunā saṅghaṃ upasaṅkamitvā ekaṃsaṃ uttarāsaṅgaṃ karitvā vuḍḍhānaṃ bhikkhūnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo – ‘ahaṃ, bhante, saṅghena niyassakammakato sammā vattāmi, lomaṃ pātemi, netthāraṃ vattāmi, niyassassa kammassa paṭippassaddhiṃ yācāmī’ti. Dutiyampi yācitabbā. Tatiyampi yācitabbā . Byattena bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з, сан̇гхо. аяам̣ сзяяасаго бхигку сан̇гхзна нияассагаммагад̇о саммаа вад̇д̇ад̇и, ломам̣ баад̇зд̇и, нзд̇т̇аарам̣ вад̇д̇ад̇и, нияассасса гаммасса бадиббассад̣̇д̇хим̣ яаажад̇и. яад̣̇и сан̇гхасса бад̇д̇агаллам̣, сан̇гхо сзяяасагасса бхигкуно нияассагаммам̣ бадиббассамбхзяяа. зсаа н̃ад̇д̇и.
‘‘Suṇātu me, bhante, saṅgho. Ayaṃ seyyasako bhikkhu saṅghena niyassakammakato sammā vattati, lomaṃ pāteti, netthāraṃ vattati, niyassassa kammassa paṭippassaddhiṃ yācati. Yadi saṅghassa pattakallaṃ, saṅgho seyyasakassa bhikkhuno niyassakammaṃ paṭippassambheyya. Esā ñatti.
‘‘сун̣аад̇у мз, бханд̇з, сан̇гхо. аяам̣ сзяяасаго бхигку сан̇гхзна нияассагаммагад̇о саммаа вад̇д̇ад̇и, ломам̣ баад̇зд̇и, нзд̇т̇аарам̣ вад̇д̇ад̇и, нияассасса гаммасса бадиббассад̣̇д̇хим̣ яаажад̇и. сан̇гхо сзяяасагасса бхигкуно нияассагаммам̣ бадиббассамбхзд̇и. яассааяасмад̇о камад̇и сзяяасагасса бхигкуно нияассасса гаммасса бадиббассад̣̇д̇хи, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Ayaṃ seyyasako bhikkhu saṅghena niyassakammakato sammā vattati, lomaṃ pāteti, netthāraṃ vattati, niyassassa kammassa paṭippassaddhiṃ yācati. Saṅgho seyyasakassa bhikkhuno niyassakammaṃ paṭippassambheti. Yassāyasmato khamati seyyasakassa bhikkhuno niyassassa kammassa paṭippassaddhi, so tuṇhassa; yassa nakkhamati, so bhāseyya.
‘‘д̣̇уд̇ияамби зд̇амад̇т̇ам̣ вад̣̇аами – сун̣аад̇у мз, бханд̇з, сан̇гхо. аяам̣ сзяяасаго бхигку сан̇гхзна нияассагаммагад̇о саммаа вад̇д̇ад̇и, ломам̣ баад̇зд̇и, нзд̇т̇аарам̣ вад̇д̇ад̇и, нияассасса гаммасса бадиббассад̣̇д̇хим̣ яаажад̇и. сан̇гхо сзяяасагасса бхигкуно нияассагаммам̣ бадиббассамбхзд̇и. яассааяасмад̇о камад̇и сзяяасагасса бхигкуно нияассасса гаммасса бадиббассад̣̇д̇хи, со д̇ун̣хасса; яасса нагкамад̇и, со бхаасзяяа.
‘‘Dutiyampi etamatthaṃ vadāmi – suṇātu me, bhante, saṅgho. Ayaṃ seyyasako bhikkhu saṅghena niyassakammakato sammā vattati, lomaṃ pāteti, netthāraṃ vattati, niyassassa kammassa paṭippassaddhiṃ yācati. Saṅgho seyyasakassa bhikkhuno niyassakammaṃ paṭippassambheti. Yassāyasmato khamati seyyasakassa bhikkhuno niyassassa kammassa paṭippassaddhi, so tuṇhassa; yassa nakkhamati, so bhāseyya.
‘‘д̇ад̇ияамби зд̇амад̇т̇ам̣ вад̣̇аами – сун̣аад̇у мз, бханд̇з, сан̇гхо. аяам̣ сзяяасаго бхигку сан̇гхзна нияассагаммагад̇о саммаа вад̇д̇ад̇и, ломам̣ баад̇зд̇и, нзд̇т̇аарам̣ вад̇д̇ад̇и, нияассасса гаммасса бадиббассад̣̇д̇хим̣ яаажад̇и. сан̇гхо сзяяасагасса бхигкуно нияассагаммам̣ бадиббассамбхзд̇и. яассааяасмад̇о камад̇и сзяяасагасса бхигкуно нияассасса гаммасса бадиббассад̣̇д̇хи, со д̇ун̣хасса; яасса нагкамад̇и, со бхаасзяяа.
‘‘Tatiyampi etamatthaṃ vadāmi – suṇātu me, bhante, saṅgho. Ayaṃ seyyasako bhikkhu saṅghena niyassakammakato sammā vattati, lomaṃ pāteti, netthāraṃ vattati, niyassassa kammassa paṭippassaddhiṃ yācati. Saṅgho seyyasakassa bhikkhuno niyassakammaṃ paṭippassambheti. Yassāyasmato khamati seyyasakassa bhikkhuno niyassassa kammassa paṭippassaddhi, so tuṇhassa; yassa nakkhamati, so bhāseyya.
‘‘бадиббассад̣̇д̇хам̣ сан̇гхзна сзяяасагасса бхигкуно нияассагаммам̣. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Paṭippassaddhaṃ saṅghena seyyasakassa bhikkhuno niyassakammaṃ. Khamati saṅghassa, tasmā tuṇhī, evametaṃ dhārayāmī’’ti.
нияассагаммам̣ нидтид̇ам̣ д̣̇уд̇ияам̣.
Niyassakammaṃ niṭṭhitaṃ dutiyaṃ.
