| Library / Tipiṭaka / ཏིཔིཊཀ • Tipiṭaka / ཙཱུལ༹ཝགྒཔཱལི༹ • Cūḷavaggapāḷi |
པཊིཔྤསྶམྦྷེཏབྦཨཊྛཱརསཀཾ
Paṭippassambhetabbaaṭṭhārasakaṃ
༩. ‘‘པཉྩཧི, བྷིཀྑཝེ, ཨངྒེཧི སམནྣཱགཏསྶ བྷིཀྑུནོ ཏཛྫནཱིཡཀམྨཾ པཊིཔྤསྶམྦྷེཏབྦཾ། ན ཨུཔསམྤཱདེཏི, ན ནིསྶཡཾ དེཏི, ན སཱམཎེརཾ ཨུཔཊྛཱཔེཏི, ན བྷིཀྑུནོཝཱདཀསམྨུཏིཾ སཱདིཡཏི, སམྨཏོཔི བྷིཀྑུནིཡོ ན ཨོཝདཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ ཏཛྫནཱིཡཀམྨཾ པཊིཔྤསྶམྦྷེཏབྦཾ།
9. ‘‘Pañcahi, bhikkhave, aṅgehi samannāgatassa bhikkhuno tajjanīyakammaṃ paṭippassambhetabbaṃ. Na upasampādeti, na nissayaṃ deti, na sāmaṇeraṃ upaṭṭhāpeti, na bhikkhunovādakasammutiṃ sādiyati, sammatopi bhikkhuniyo na ovadati – imehi kho, bhikkhave, pañcahaṅgehi samannāgatassa bhikkhuno tajjanīyakammaṃ paṭippassambhetabbaṃ.
‘‘ཨཔརེཧིཔི , བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ ཏཛྫནཱིཡཀམྨཾ པཊིཔྤསྶམྦྷེཏབྦཾ། ཡཱཡ ཨཱཔཏྟིཡཱ སངྒྷེན ཏཛྫནཱིཡཀམྨཾ ཀཏཾ ཧོཏི ཏཾ ཨཱཔཏྟིཾ ན ཨཱཔཛྫཏི, ཨཉྙཾ ཝཱ ཏཱདིསིཀཾ, ཏཏོ ཝཱ པཱཔིཊྛཏརཾ; ཀམྨཾ ན གརཧཏི, ཀམྨིཀེ ན གརཧཏི – ཨིམེཧི ཁོ, བྷིཀྑཝེ, པཉྩཧངྒེཧི སམནྣཱགཏསྶ བྷིཀྑུནོ ཏཛྫནཱིཡཀམྨཾ པཊིཔྤསྶམྦྷེཏབྦཾ།
‘‘Aparehipi , bhikkhave, pañcahaṅgehi samannāgatassa bhikkhuno tajjanīyakammaṃ paṭippassambhetabbaṃ. Yāya āpattiyā saṅghena tajjanīyakammaṃ kataṃ hoti taṃ āpattiṃ na āpajjati, aññaṃ vā tādisikaṃ, tato vā pāpiṭṭhataraṃ; kammaṃ na garahati, kammike na garahati – imehi kho, bhikkhave, pañcahaṅgehi samannāgatassa bhikkhuno tajjanīyakammaṃ paṭippassambhetabbaṃ.
‘‘ཨཊྛཧི, བྷིཀྑཝེ, ཨངྒེཧི སམནྣཱགཏསྶ བྷིཀྑུནོ ཏཛྫནཱིཡཀམྨཾ པཊིཔྤསྶམྦྷེཏབྦཾ།
‘‘Aṭṭhahi, bhikkhave, aṅgehi samannāgatassa bhikkhuno tajjanīyakammaṃ paṭippassambhetabbaṃ.
ན པཀཏཏྟསྶ བྷིཀྑུནོ ཨུཔོསཐཾ ཋཔེཏི, ན པཝཱརཎཾ ཋཔེཏི, ན སཝཙནཱིཡཾ ཀརོཏི, ན ཨནུཝཱདཾ པཊྛཔེཏི, ན ཨོཀཱསཾ ཀཱརེཏི, ན ཙོདེཏི, ན སཱརེཏི, ན བྷིཀྑཱུཧི སམྤཡོཛེཏི – ཨིམེཧི ཁོ, བྷིཀྑཝེ, ཨཊྛཧངྒེཧི སམནྣཱགཏསྶ བྷིཀྑུནོ , ཏཛྫནཱིཡཀམྨཾ པཊིཔྤསྶམྦྷེཏབྦཾ།
Na pakatattassa bhikkhuno uposathaṃ ṭhapeti, na pavāraṇaṃ ṭhapeti, na savacanīyaṃ karoti, na anuvādaṃ paṭṭhapeti, na okāsaṃ kāreti, na codeti, na sāreti, na bhikkhūhi sampayojeti – imehi kho, bhikkhave, aṭṭhahaṅgehi samannāgatassa bhikkhuno , tajjanīyakammaṃ paṭippassambhetabbaṃ.
པཊིཔྤསྶམྦྷེཏབྦཨཊྛཱརསཀཾ ནིཊྛིཏཾ།
Paṭippassambhetabbaaṭṭhārasakaṃ niṭṭhitaṃ.
༡༠. ‘‘ཨེཝཉྩ པན, བྷིཀྑཝེ, པཊིཔྤསྶམྦྷེཏབྦཾ། ཏེཧི, བྷིཀྑཝེ, པཎྜུཀལོཧིཏཀེཧི བྷིཀྑཱུཧི སངྒྷཾ ཨུཔསངྐམིཏྭཱ ཨེཀཾསཾ ཨུཏྟརཱསངྒཾ ཀརིཏྭཱ ཝུཌྜྷཱནཾ བྷིཀྑཱུནཾ པཱདེ ཝནྡིཏྭཱ ཨུཀྐུཊིཀཾ ནིསཱིདིཏྭཱ ཨཉྫལིཾ པགྒཧེཏྭཱ ཨེཝམསྶ ཝཙནཱིཡོ – ‘མཡཾ, བྷནྟེ, སངྒྷེན ཏཛྫནཱིཡཀམྨཀཏཱ སམྨཱ ཝཏྟཱམ, ལོམཾ པཱཏེམ, ནེཏྠཱརཾ ཝཏྟཱམ, ཏཛྫནཱིཡསྶ ཀམྨསྶ པཊིཔྤསྶདྡྷིཾ ཡཱཙཱམཱ’ཏི། དུཏིཡམྤི ཡཱཙིཏབྦཱ། ཏཏིཡམྤི ཡཱཙིཏབྦཱ། བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –
10. ‘‘Evañca pana, bhikkhave, paṭippassambhetabbaṃ. Tehi, bhikkhave, paṇḍukalohitakehi bhikkhūhi saṅghaṃ upasaṅkamitvā ekaṃsaṃ uttarāsaṅgaṃ karitvā vuḍḍhānaṃ bhikkhūnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo – ‘mayaṃ, bhante, saṅghena tajjanīyakammakatā sammā vattāma, lomaṃ pātema, netthāraṃ vattāma, tajjanīyassa kammassa paṭippassaddhiṃ yācāmā’ti. Dutiyampi yācitabbā. Tatiyampi yācitabbā. Byattena bhikkhunā paṭibalena saṅgho ñāpetabbo –
‘‘སུཎཱཏུ མེ, བྷནྟེ, སངྒྷོ། ཨིམེ པཎྜུཀལོཧིཏཀཱ བྷིཀྑཱུ སངྒྷེན ཏཛྫནཱིཡཀམྨཀཏཱ སམྨཱ ཝཏྟནྟི, ལོམཾ པཱཏེནྟི, ནེཏྠཱརཾ ཝཏྟནྟི , ཏཛྫནཱིཡསྶ ཀམྨསྶ པཊིཔྤསྶདྡྷིཾ ཡཱཙནྟི། ཡདི སངྒྷསྶ པཏྟཀལླཾ, སངྒྷོ པཎྜུཀལོཧིཏཀཱནཾ བྷིཀྑཱུནཾ ཏཛྫནཱིཡཀམྨཾ པཊིཔྤསྶམྦྷེཡྻ། ཨེསཱ ཉཏྟི།
‘‘Suṇātu me, bhante, saṅgho. Ime paṇḍukalohitakā bhikkhū saṅghena tajjanīyakammakatā sammā vattanti, lomaṃ pātenti, netthāraṃ vattanti , tajjanīyassa kammassa paṭippassaddhiṃ yācanti. Yadi saṅghassa pattakallaṃ, saṅgho paṇḍukalohitakānaṃ bhikkhūnaṃ tajjanīyakammaṃ paṭippassambheyya. Esā ñatti.
‘‘སུཎཱཏུ མེ, བྷནྟེ, སངྒྷོ། ཨིམེ པཎྜུཀལོཧིཏཀཱ བྷིཀྑཱུ སངྒྷེན ཏཛྫནཱིཡཀམྨཀཏཱ སམྨཱ ཝཏྟནྟི, ལོམཾ པཱཏེནྟི, ནེཏྠཱརཾ ཝཏྟནྟི, ཏཛྫནཱིཡསྶ ཀམྨསྶ པཊིཔྤསྶདྡྷིཾ ཡཱཙནྟི། སངྒྷོ པཎྜུཀལོཧིཏཀཱནཾ བྷིཀྑཱུནཾ ཏཛྫནཱིཡཀམྨཾ པཊིཔྤསྶམྦྷེཏི། ཡསྶཱཡསྨཏོ ཁམཏི པཎྜུཀལོཧིཏཀཱནཾ བྷིཀྑཱུནཾ ཏཛྫནཱིཡསྶ ཀམྨསྶ པཊིཔྤསྶདྡྷི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ།
‘‘Suṇātu me, bhante, saṅgho. Ime paṇḍukalohitakā bhikkhū saṅghena tajjanīyakammakatā sammā vattanti, lomaṃ pātenti, netthāraṃ vattanti, tajjanīyassa kammassa paṭippassaddhiṃ yācanti. Saṅgho paṇḍukalohitakānaṃ bhikkhūnaṃ tajjanīyakammaṃ paṭippassambheti. Yassāyasmato khamati paṇḍukalohitakānaṃ bhikkhūnaṃ tajjanīyassa kammassa paṭippassaddhi, so tuṇhassa; yassa nakkhamati, so bhāseyya.
‘‘དུཏིཡམྤི ཨེཏམཏྠཾ ཝདཱམི – སུཎཱཏུ མེ , བྷནྟེ, སངྒྷོ། ཨིམེ པཎྜུཀལོཧིཏཀཱ བྷིཀྑཱུ སངྒྷེན ཏཛྫནཱིཡཀམྨཀཏཱ སམྨཱ ཝཏྟནྟི, ལོམཾ པཱཏེནྟི, ནེཏྠཱརཾ ཝཏྟནྟི, ཏཛྫནཱིཡསྶ ཀམྨསྶ པཊིཔྤསྶདྡྷིཾ ཡཱཙནྟི། སངྒྷོ པཎྜུཀལོཧིཏཀཱནཾ བྷིཀྑཱུནཾ ཏཛྫནཱིཡཀམྨཾ པཊིཔྤསྶམྦྷེཏི། ཡསྶཱཡསྨཏོ ཁམཏི པཎྜུཀལོཧིཏཀཱནཾ བྷིཀྑཱུནཾ ཏཛྫནཱིཡསྶ ཀམྨསྶ པཊིཔྤསྶདྡྷི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ།
‘‘Dutiyampi etamatthaṃ vadāmi – suṇātu me , bhante, saṅgho. Ime paṇḍukalohitakā bhikkhū saṅghena tajjanīyakammakatā sammā vattanti, lomaṃ pātenti, netthāraṃ vattanti, tajjanīyassa kammassa paṭippassaddhiṃ yācanti. Saṅgho paṇḍukalohitakānaṃ bhikkhūnaṃ tajjanīyakammaṃ paṭippassambheti. Yassāyasmato khamati paṇḍukalohitakānaṃ bhikkhūnaṃ tajjanīyassa kammassa paṭippassaddhi, so tuṇhassa; yassa nakkhamati, so bhāseyya.
‘‘ཏཏིཡམྤི ཨེཏམཏྠཾ ཝདཱམི – སུཎཱཏུ མེ, བྷནྟེ, སངྒྷོ། ཨིམེ པཎྜུཀལོཧིཏཀཱ བྷིཀྑཱུ སངྒྷེན ཏཛྫནཱིཡཀམྨཀཏཱ སམྨཱ ཝཏྟནྟི, ལོམཾ པཱཏེནྟི, ནེཏྠཱརཾ ཝཏྟནྟི, ཏཛྫནཱིཡསྶ ཀམྨསྶ པཊིཔྤསྶདྡྷིཾ ཡཱཙནྟི། སངྒྷོ པཎྜུཀལོཧིཏཀཱནཾ བྷིཀྑཱུནཾ ཏཛྫནཱིཡཀམྨཾ པཊིཔྤསྶམྦྷེཏི། ཡསྶཱཡསྨཏོ ཁམཏི པཎྜུཀལོཧིཏཀཱནཾ བྷིཀྑཱུནཾ ཏཛྫནཱིཡསྶ ཀམྨསྶ པཊིཔྤསྶདྡྷི, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ།
‘‘Tatiyampi etamatthaṃ vadāmi – suṇātu me, bhante, saṅgho. Ime paṇḍukalohitakā bhikkhū saṅghena tajjanīyakammakatā sammā vattanti, lomaṃ pātenti, netthāraṃ vattanti, tajjanīyassa kammassa paṭippassaddhiṃ yācanti. Saṅgho paṇḍukalohitakānaṃ bhikkhūnaṃ tajjanīyakammaṃ paṭippassambheti. Yassāyasmato khamati paṇḍukalohitakānaṃ bhikkhūnaṃ tajjanīyassa kammassa paṭippassaddhi, so tuṇhassa; yassa nakkhamati, so bhāseyya.
‘‘པཊིཔྤསྶདྡྷཾ སངྒྷེན པཎྜུཀལོཧིཏཀཱནཾ བྷིཀྑཱུནཾ ཏཛྫནཱིཡཀམྨཾ། ཁམཏི སངྒྷསྶ,
‘‘Paṭippassaddhaṃ saṅghena paṇḍukalohitakānaṃ bhikkhūnaṃ tajjanīyakammaṃ. Khamati saṅghassa,
ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི།
Tasmā tuṇhī, evametaṃ dhārayāmī’’ti.
ཏཛྫནཱིཡཀམྨཾ ནིཊྛིཏཾ པཋམཾ།
Tajjanīyakammaṃ niṭṭhitaṃ paṭhamaṃ.
