| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi |
ਪਟਿਪ੍ਪਸ੍ਸਮ੍ਭੇਤਬ੍ਬਤੇਚਤ੍ਤਾਲੀਸਕਂ
Paṭippassambhetabbatecattālīsakaṃ
੭੩. ‘‘ਪਞ੍ਚਹਿ , ਭਿਕ੍ਖવੇ, ਅਙ੍ਗੇਹਿ ਸਮਨ੍ਨਾਗਤਸ੍ਸ ਭਿਕ੍ਖੁਨੋ, ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ, ਉਕ੍ਖੇਪਨੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਤਬ੍ਬਂ। ਨ ਉਪਸਮ੍ਪਾਦੇਤਿ, ਨ ਨਿਸ੍ਸਯਂ ਦੇਤਿ, ਨ ਸਾਮਣੇਰਂ ਉਪਟ੍ਠਾਪੇਤਿ, ਨ ਭਿਕ੍ਖੁਨੋવਾਦਕਸਮ੍ਮੁਤਿਂ ਸਾਦਿਯਤਿ, ਸਮ੍ਮਤੋਪਿ ਭਿਕ੍ਖੁਨਿਯੋ ਨ ਓવਦਤਿ – ਇਮੇਹਿ ਖੋ, ਭਿਕ੍ਖવੇ, ਪਞ੍ਚਹਙ੍ਗੇਹਿ ਸਮਨ੍ਨਾਗਤਸ੍ਸ ਭਿਕ੍ਖੁਨੋ, ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ, ਉਕ੍ਖੇਪਨੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਤਬ੍ਬਂ।
73. ‘‘Pañcahi , bhikkhave, aṅgehi samannāgatassa bhikkhuno, pāpikāya diṭṭhiyā appaṭinissagge, ukkhepanīyakammaṃ paṭippassambhetabbaṃ. Na upasampādeti, na nissayaṃ deti, na sāmaṇeraṃ upaṭṭhāpeti, na bhikkhunovādakasammutiṃ sādiyati, sammatopi bhikkhuniyo na ovadati – imehi kho, bhikkhave, pañcahaṅgehi samannāgatassa bhikkhuno, pāpikāya diṭṭhiyā appaṭinissagge, ukkhepanīyakammaṃ paṭippassambhetabbaṃ.
‘‘ਅਪਰੇਹਿਪਿ, ਭਿਕ੍ਖવੇ, ਪਞ੍ਚਹਙ੍ਗੇਹਿ ਸਮਨ੍ਨਾਗਤਸ੍ਸ ਭਿਕ੍ਖੁਨੋ, ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ, ਉਕ੍ਖੇਪਨੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਤਬ੍ਬਂ। ਯਾਯ ਆਪਤ੍ਤਿਯਾ ਸਙ੍ਘੇਨ, ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ, ਉਕ੍ਖੇਪਨੀਯਕਮ੍ਮਂ ਕਤਂ ਹੋਤਿ ਤਂ ਆਪਤ੍ਤਿਂ ਨ ਆਪਜ੍ਜਤਿ, ਅਞ੍ਞਂ વਾ ਤਾਦਿਸਿਕਂ , ਤਤੋ વਾ ਪਾਪਿਟ੍ਠਤਰਂ; ਕਮ੍ਮਂ ਨ ਗਰਹਤਿ, ਕਮ੍ਮਿਕੇ ਨ ਗਰਹਤਿ – ਇਮੇਹਿ ਖੋ, ਭਿਕ੍ਖવੇ, ਪਞ੍ਚਹਙ੍ਗੇਹਿ ਸਮਨ੍ਨਾਗਤਸ੍ਸ ਭਿਕ੍ਖੁਨੋ, ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ, ਉਕ੍ਖੇਪਨੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਤਬ੍ਬਂ…ਪੇ॰…।
‘‘Aparehipi, bhikkhave, pañcahaṅgehi samannāgatassa bhikkhuno, pāpikāya diṭṭhiyā appaṭinissagge, ukkhepanīyakammaṃ paṭippassambhetabbaṃ. Yāya āpattiyā saṅghena, pāpikāya diṭṭhiyā appaṭinissagge, ukkhepanīyakammaṃ kataṃ hoti taṃ āpattiṃ na āpajjati, aññaṃ vā tādisikaṃ , tato vā pāpiṭṭhataraṃ; kammaṃ na garahati, kammike na garahati – imehi kho, bhikkhave, pañcahaṅgehi samannāgatassa bhikkhuno, pāpikāya diṭṭhiyā appaṭinissagge, ukkhepanīyakammaṃ paṭippassambhetabbaṃ…pe….
‘‘ਅਟ੍ਠਹਿ, ਭਿਕ੍ਖવੇ, ਅਙ੍ਗੇਹਿ ਸਮਨ੍ਨਾਗਤਸ੍ਸ ਭਿਕ੍ਖੁਨੋ, ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ, ਉਕ੍ਖੇਪਨੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਤਬ੍ਬਂ। ਨ ਪਕਤਤ੍ਤਸ੍ਸ ਭਿਕ੍ਖੁਨੋ ਉਪੋਸਥਂ ਠਪੇਤਿ, ਨ ਪવਾਰਣਂ ਠਪੇਤਿ, ਨ ਸવਚਨੀਯਂ ਕਰੋਤਿ, ਨ ਅਨੁવਾਦਂ ਪਟ੍ਠਪੇਤਿ, ਨ ਓਕਾਸਂ ਕਾਰੇਤਿ, ਨ ਚੋਦੇਤਿ, ਨ ਸਾਰੇਤਿ, ਨ ਭਿਕ੍ਖੂਹਿ ਸਮ੍ਪਯੋਜੇਤਿ – ਇਮੇਹਿ ਖੋ, ਭਿਕ੍ਖવੇ, ਅਟ੍ਠਹਙ੍ਗੇਹਿ ਸਮਨ੍ਨਾਗਤਸ੍ਸ ਭਿਕ੍ਖੁਨੋ, ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ, ਉਕ੍ਖੇਪਨੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਤਬ੍ਬਂ’’।
‘‘Aṭṭhahi, bhikkhave, aṅgehi samannāgatassa bhikkhuno, pāpikāya diṭṭhiyā appaṭinissagge, ukkhepanīyakammaṃ paṭippassambhetabbaṃ. Na pakatattassa bhikkhuno uposathaṃ ṭhapeti, na pavāraṇaṃ ṭhapeti, na savacanīyaṃ karoti, na anuvādaṃ paṭṭhapeti, na okāsaṃ kāreti, na codeti, na sāreti, na bhikkhūhi sampayojeti – imehi kho, bhikkhave, aṭṭhahaṅgehi samannāgatassa bhikkhuno, pāpikāya diṭṭhiyā appaṭinissagge, ukkhepanīyakammaṃ paṭippassambhetabbaṃ’’.
ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ ਉਕ੍ਖੇਪਨੀਯਕਮ੍ਮੇ
Pāpikāya diṭṭhiyā appaṭinissagge ukkhepanīyakamme
ਪਟਿਪ੍ਪਸ੍ਸਮ੍ਭੇਤਬ੍ਬਤੇਚਤ੍ਤਾਲੀਸਕਂ ਨਿਟ੍ਠਿਤਂ।
Paṭippassambhetabbatecattālīsakaṃ niṭṭhitaṃ.
੭੪. ‘‘ਏવਞ੍ਚ ਪਨ, ਭਿਕ੍ਖવੇ, ਪਟਿਪ੍ਪਸ੍ਸਮ੍ਭੇਤਬ੍ਬਂ। ਤੇਨ, ਭਿਕ੍ਖવੇ, ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ, ਉਕ੍ਖੇਪਨੀਯਕਮ੍ਮਕਤੇਨ ਭਿਕ੍ਖੁਨਾ ਸਙ੍ਘਂ ਉਪਸਙ੍ਕਮਿਤ੍વਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍વਾ વੁਡ੍ਢਾਨਂ ਭਿਕ੍ਖੂਨਂ ਪਾਦੇ વਨ੍ਦਿਤ੍વਾ ਉਕ੍ਕੁਟਿਕਂ ਨਿਸੀਦਿਤ੍વਾ ਅਞ੍ਜਲਿਂ ਪਗ੍ਗਹੇਤ੍વਾ ਏવਮਸ੍ਸ વਚਨੀਯੋ – ‘ਅਹਂ, ਭਨ੍ਤੇ, ਸਙ੍ਘੇਨ, ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ, ਉਕ੍ਖੇਪਨੀਯਕਮ੍ਮਕਤੋ ਸਮ੍ਮਾ વਤ੍ਤਾਮਿ, ਲੋਮਂ ਪਾਤੇਮਿ, ਨੇਤ੍ਥਾਰਂ વਤ੍ਤਾਮਿ, ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ, ਉਕ੍ਖੇਪਨੀਯਸ੍ਸ ਕਮ੍ਮਸ੍ਸ ਪਟਿਪ੍ਪਸ੍ਸਦ੍ਧਿਂ ਯਾਚਾਮੀ’ਤਿ। ਦੁਤਿਯਮ੍ਪਿ ਯਾਚਿਤਬ੍ਬਾ। ਤਤਿਯਮ੍ਪਿ ਯਾਚਿਤਬ੍ਬਾ। ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –
74. ‘‘Evañca pana, bhikkhave, paṭippassambhetabbaṃ. Tena, bhikkhave, pāpikāya diṭṭhiyā appaṭinissagge, ukkhepanīyakammakatena bhikkhunā saṅghaṃ upasaṅkamitvā ekaṃsaṃ uttarāsaṅgaṃ karitvā vuḍḍhānaṃ bhikkhūnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo – ‘ahaṃ, bhante, saṅghena, pāpikāya diṭṭhiyā appaṭinissagge, ukkhepanīyakammakato sammā vattāmi, lomaṃ pātemi, netthāraṃ vattāmi, pāpikāya diṭṭhiyā appaṭinissagge, ukkhepanīyassa kammassa paṭippassaddhiṃ yācāmī’ti. Dutiyampi yācitabbā. Tatiyampi yācitabbā. Byattena bhikkhunā paṭibalena saṅgho ñāpetabbo –
‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਙ੍ਘੇਨ, ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ, ਉਕ੍ਖੇਪਨੀਯਕਮ੍ਮਕਤੋ ਸਮ੍ਮਾ વਤ੍ਤਤਿ, ਲੋਮਂ ਪਾਤੇਤਿ, ਨੇਤ੍ਥਾਰਂ વਤ੍ਤਤਿ, ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ, ਉਕ੍ਖੇਪਨੀਯਸ੍ਸ ਕਮ੍ਮਸ੍ਸ ਪਟਿਪ੍ਪਸ੍ਸਦ੍ਧਿਂ ਯਾਚਤਿ। ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ, ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ, ਉਕ੍ਖੇਪਨੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਯ੍ਯ। ਏਸਾ ਞਤ੍ਤਿ।
‘‘Suṇātu me, bhante, saṅgho. Ayaṃ itthannāmo bhikkhu saṅghena, pāpikāya diṭṭhiyā appaṭinissagge, ukkhepanīyakammakato sammā vattati, lomaṃ pāteti, netthāraṃ vattati, pāpikāya diṭṭhiyā appaṭinissagge, ukkhepanīyassa kammassa paṭippassaddhiṃ yācati. Yadi saṅghassa pattakallaṃ, saṅgho itthannāmassa bhikkhuno, pāpikāya diṭṭhiyā appaṭinissagge, ukkhepanīyakammaṃ paṭippassambheyya. Esā ñatti.
‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਙ੍ਘੇਨ, ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ, ਉਕ੍ਖੇਪਨੀਯਕਮ੍ਮਕਤੋ ਸਮ੍ਮਾ વਤ੍ਤਤਿ, ਲੋਮਂ ਪਾਤੇਤਿ, ਨੇਤ੍ਥਾਰਂ વਤ੍ਤਤਿ, ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ , ਉਕ੍ਖੇਪਨੀਯਸ੍ਸ ਕਮ੍ਮਸ੍ਸ ਪਟਿਪ੍ਪਸ੍ਸਦ੍ਧਿਂ ਯਾਚਤਿ। ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ, ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ, ਉਕ੍ਖੇਪਨੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਤਿ। ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ, ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ, ਉਕ੍ਖੇਪਨੀਯਸ੍ਸ ਕਮ੍ਮਸ੍ਸ ਪਟਿਪ੍ਪਸ੍ਸਦ੍ਧਿ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ।
‘‘Suṇātu me, bhante, saṅgho. Ayaṃ itthannāmo bhikkhu saṅghena, pāpikāya diṭṭhiyā appaṭinissagge, ukkhepanīyakammakato sammā vattati, lomaṃ pāteti, netthāraṃ vattati, pāpikāya diṭṭhiyā appaṭinissagge , ukkhepanīyassa kammassa paṭippassaddhiṃ yācati. Saṅgho itthannāmassa bhikkhuno, pāpikāya diṭṭhiyā appaṭinissagge, ukkhepanīyakammaṃ paṭippassambheti. Yassāyasmato khamati itthannāmassa bhikkhuno, pāpikāya diṭṭhiyā appaṭinissagge, ukkhepanīyassa kammassa paṭippassaddhi, so tuṇhassa; yassa nakkhamati, so bhāseyya.
‘‘ਦੁਤਿਯਮ੍ਪਿ ਏਤਮਤ੍ਥਂ વਦਾਮਿ…ਪੇ॰… ਤਤਿਯਮ੍ਪਿ ਏਤਮਤ੍ਥਂ વਦਾਮਿ – ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਙ੍ਘੇਨ, ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ, ਉਕ੍ਖੇਪਨੀਯਕਮ੍ਮਕਤੋ ਸਮ੍ਮਾ વਤ੍ਤਤਿ, ਲੋਮਂ ਪਾਤੇਤਿ, ਨੇਤ੍ਥਾਰਂ વਤ੍ਤਤਿ, ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ ਉਕ੍ਖੇਪਨੀਯਸ੍ਸ ਕਮ੍ਮਸ੍ਸ ਪਟਿਪ੍ਪਸ੍ਸਦ੍ਧਿਂ ਯਾਚਤਿ। ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ, ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ, ਉਕ੍ਖੇਪਨੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਤਿ। ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ, ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ, ਉਕ੍ਖੇਪਨੀਯਸ੍ਸ ਕਮ੍ਮਸ੍ਸ ਪਟਿਪ੍ਪਸ੍ਸਦ੍ਧਿ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ।
‘‘Dutiyampi etamatthaṃ vadāmi…pe… tatiyampi etamatthaṃ vadāmi – suṇātu me, bhante, saṅgho. Ayaṃ itthannāmo bhikkhu saṅghena, pāpikāya diṭṭhiyā appaṭinissagge, ukkhepanīyakammakato sammā vattati, lomaṃ pāteti, netthāraṃ vattati, pāpikāya diṭṭhiyā appaṭinissagge ukkhepanīyassa kammassa paṭippassaddhiṃ yācati. Saṅgho itthannāmassa bhikkhuno, pāpikāya diṭṭhiyā appaṭinissagge, ukkhepanīyakammaṃ paṭippassambheti. Yassāyasmato khamati itthannāmassa bhikkhuno, pāpikāya diṭṭhiyā appaṭinissagge, ukkhepanīyassa kammassa paṭippassaddhi, so tuṇhassa; yassa nakkhamati, so bhāseyya.
‘‘ਪਟਿਪ੍ਪਸ੍ਸਦ੍ਧਂ ਸਙ੍ਘੇਨ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ, ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ, ਉਕ੍ਖੇਪਨੀਯਕਮ੍ਮਂ। ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏવਮੇਤਂ ਧਾਰਯਾਮੀ’’ਤਿ।
‘‘Paṭippassaddhaṃ saṅghena itthannāmassa bhikkhuno, pāpikāya diṭṭhiyā appaṭinissagge, ukkhepanīyakammaṃ. Khamati saṅghassa, tasmā tuṇhī, evametaṃ dhārayāmī’’ti.
ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ ਉਕ੍ਖੇਪਨੀਯਕਮ੍ਮਂ ਨਿਟ੍ਠਿਤਂ ਸਤ੍ਤਮਂ।
Pāpikāya diṭṭhiyā appaṭinissagge ukkhepanīyakammaṃ niṭṭhitaṃ sattamaṃ.
ਕਮ੍ਮਕ੍ਖਨ੍ਧਕੋ ਪਠਮੋ।
Kammakkhandhako paṭhamo.
ਇਮਮ੍ਹਿ ਖਨ੍ਧਕੇ વਤ੍ਥੂ ਸਤ੍ਤ।
Imamhi khandhake vatthū satta.
ਤਸ੍ਸੁਦ੍ਦਾਨਂ –
Tassuddānaṃ –
ਪਣ੍ਡੁਲੋਹਿਤਕਾ ਭਿਕ੍ਖੂ, ਸਯਂ ਭਣ੍ਡਨਕਾਰਕਾ।
Paṇḍulohitakā bhikkhū, sayaṃ bhaṇḍanakārakā;
ਤਾਦਿਸੇ ਉਪਸਙ੍ਕਮ੍ਮ, ਉਸ੍ਸਹਿਂਸੁ ਚ ਭਣ੍ਡਨੇ॥
Tādise upasaṅkamma, ussahiṃsu ca bhaṇḍane.
ਸਦ੍ਧਮ੍ਮਟ੍ਠਿਤਿਕੋ ਬੁਦ੍ਧੋ, ਸਯਮ੍ਭੂ ਅਗ੍ਗਪੁਗ੍ਗਲੋ।
Saddhammaṭṭhitiko buddho, sayambhū aggapuggalo;
ਆਣਾਪੇਸਿ ਤਜ੍ਜਨੀਯਕਮ੍ਮਂ ਸਾવਤ੍ਥਿਯਂ ਜਿਨੋ॥
Āṇāpesi tajjanīyakammaṃ sāvatthiyaṃ jino.
ਅਸਮ੍ਮੁਖਾਪ੍ਪਟਿਪੁਚ੍ਛਾਪ੍ਪਟਿਞ੍ਞਾਯ ਕਤਞ੍ਚ ਯਂ।
Asammukhāppaṭipucchāppaṭiññāya katañca yaṃ;
ਅਨਾਪਤ੍ਤਿ ਅਦੇਸਨੇ, ਦੇਸਿਤਾਯ ਕਤਞ੍ਚ ਯਂ॥
Anāpatti adesane, desitāya katañca yaṃ.
ਅਚੋਦੇਤ੍વਾ ਅਸਾਰੇਤ੍વਾ, ਅਨਾਰੋਪੇਤ੍વਾ ਚ ਯਂ ਕਤਂ।
Acodetvā asāretvā, anāropetvā ca yaṃ kataṃ;
ਅਦੇਸਨਾਗਾਮਿਨਿਯਾ, ਅਧਮ੍ਮવਗ੍ਗਮੇવ ਚ॥
Adesanāgāminiyā, adhammavaggameva ca.
ਦੇਸਿਤਾਯ ਅਧਮ੍ਮੇਨ, વਗ੍ਗੇਨਾਪਿ ਤਥੇવ ਚ।
Desitāya adhammena, vaggenāpi tatheva ca;
ਅਚੋਦੇਤ੍વਾ ਅਧਮ੍ਮੇਨ, વਗ੍ਗੇਨਾਪਿ ਤਥੇવ ਚ॥
Acodetvā adhammena, vaggenāpi tatheva ca.
ਅਸਾਰੇਤ੍વਾ ਅਧਮ੍ਮੇਨ, વਗ੍ਗੇਨਾਪਿ ਤਥੇવ ਚ।
Asāretvā adhammena, vaggenāpi tatheva ca;
ਅਨਾਰੋਪੇਤ੍વਾ ਅਧਮ੍ਮੇਨ, વਗ੍ਗੇਨਾਪਿ ਤਥੇવ ਚ॥
Anāropetvā adhammena, vaggenāpi tatheva ca.
ਕਣ੍ਹવਾਰਨਯੇਨੇવ, ਸੁਕ੍ਕવਾਰਂ વਿਜਾਨਿਯਾ।
Kaṇhavāranayeneva, sukkavāraṃ vijāniyā;
ਸਙ੍ਘੋ ਆਕਙ੍ਖਮਾਨੋ ਚ ਯਸ੍ਸ ਤਜ੍ਜਨਿਯਂ ਕਰੇ॥
Saṅgho ākaṅkhamāno ca yassa tajjaniyaṃ kare.
ਭਣ੍ਡਨਂ ਬਾਲੋ ਸਂਸਟ੍ਠੋ, ਅਧਿਸੀਲੇ ਅਜ੍ਝਾਚਾਰੇ।
Bhaṇḍanaṃ bālo saṃsaṭṭho, adhisīle ajjhācāre;
ਅਤਿਦਿਟ੍ਠਿવਿਪਨ੍ਨਸ੍ਸ, ਸਙ੍ਘੋ ਤਜ੍ਜਨਿਯਂ ਕਰੇ॥
Atidiṭṭhivipannassa, saṅgho tajjaniyaṃ kare.
ਬੁਦ੍ਧਧਮ੍ਮਸ੍ਸ ਸਙ੍ਘਸ੍ਸ, ਅવਣ੍ਣਂ ਯੋ ਚ ਭਾਸਤਿ।
Buddhadhammassa saṅghassa, avaṇṇaṃ yo ca bhāsati;
ਤਿਣ੍ਣਨ੍ਨਮ੍ਪਿ ਚ ਭਿਕ੍ਖੂਨਂ, ਸਙ੍ਘੋ ਤਜ੍ਜਨਿਯਂ ਕਰੇ॥
Tiṇṇannampi ca bhikkhūnaṃ, saṅgho tajjaniyaṃ kare.
ਭਣ੍ਡਨਂ ਕਾਰਕੋ ਏਕੋ, ਬਾਲੋ ਸਂਸਗ੍ਗਨਿਸ੍ਸਿਤੋ।
Bhaṇḍanaṃ kārako eko, bālo saṃsagganissito;
ਅਧਿਸੀਲੇ ਅਜ੍ਝਾਚਾਰੇ, ਤਥੇવ ਅਤਿਦਿਟ੍ਠਿਯਾ॥
Adhisīle ajjhācāre, tatheva atidiṭṭhiyā.
ਬੁਦ੍ਧਧਮ੍ਮਸ੍ਸ ਸਙ੍ਘਸ੍ਸ, ਅવਣ੍ਣਂ ਯੋ ਚ ਭਾਸਤਿ।
Buddhadhammassa saṅghassa, avaṇṇaṃ yo ca bhāsati;
ਤਜ੍ਜਨੀਯਕਮ੍ਮਕਤੋ, ਏવਂ ਸਮ੍ਮਾਨੁવਤ੍ਤਨਾ॥
Tajjanīyakammakato, evaṃ sammānuvattanā.
ਉਪਸਮ੍ਪਦਨਿਸ੍ਸਯਾ, ਸਾਮਣੇਰਂ ਉਪਟ੍ਠਨਾ।
Upasampadanissayā, sāmaṇeraṃ upaṭṭhanā;
ਓવਾਦਸਮ੍ਮਤੇਨਾਪਿ, ਨ ਕਰੇ ਤਜ੍ਜਨੀਕਤੋ॥
Ovādasammatenāpi, na kare tajjanīkato.
ਨਾਪਜ੍ਜੇ ਤਞ੍ਚ ਆਪਤ੍ਤਿਂ, ਤਾਦਿਸਞ੍ਚ ਤਤੋ ਪਰਂ।
Nāpajje tañca āpattiṃ, tādisañca tato paraṃ;
ਕਮ੍ਮਞ੍ਚ ਕਮ੍ਮਿਕੇ ਚਾਪਿ, ਨ ਗਰਹੇ ਤਥਾવਿਧੋ॥
Kammañca kammike cāpi, na garahe tathāvidho.
ਉਪੋਸਥਂ ਪવਾਰਣਂ, ਪਕਤਤ੍ਤਸ੍ਸ ਨਟ੍ਠਪੇ।
Uposathaṃ pavāraṇaṃ, pakatattassa naṭṭhape;
ਸਾਰਣਂ ਸਮ੍ਪਯੋਗਞ੍ਚ, ਨ ਕਰੇਯ੍ਯ ਤਥਾવਿਧੋ।
Sāraṇaṃ sampayogañca, na kareyya tathāvidho;
ਉਪਸਮ੍ਪਦਨਿਸ੍ਸਯਾ, ਸਾਮਣੇਰਂ ਉਪਟ੍ਠਨਾ॥
Upasampadanissayā, sāmaṇeraṃ upaṭṭhanā.
ਤਞ੍ਚਾਪਜ੍ਜਤਿ ਆਪਤ੍ਤਿਂ, ਤਾਦਿਸਞ੍ਚ ਤਤੋ ਪਰਂ॥
Tañcāpajjati āpattiṃ, tādisañca tato paraṃ.
ਕਮ੍ਮਞ੍ਚ ਕਮ੍ਮਿਕੇ ਚਾਪਿ, ਗਰਹਨ੍ਤੋ ਨ ਸਮ੍ਮਤਿ।
Kammañca kammike cāpi, garahanto na sammati;
ਉਪੋਸਥਂ ਪવਾਰਣਂ, ਸવਚਨੀਯਾ ਚ ਨੋવਾਦੋ॥
Uposathaṃ pavāraṇaṃ, savacanīyā ca novādo.
ਓਕਾਸੋ ਚੋਦਨਞ੍ਚੇવ, ਸਾਰਣਾ ਸਮ੍ਪਯੋਜਨਾ।
Okāso codanañceva, sāraṇā sampayojanā;
ਇਮੇਹਟ੍ਠਙ੍ਗੇਹਿ ਯੋ ਯੁਤ੍ਤੋ, ਤਜ੍ਜਨਾਨੁਪਸਮ੍ਮਤਿ॥
Imehaṭṭhaṅgehi yo yutto, tajjanānupasammati.
ਕਣ੍ਹવਾਰਨਯੇਨੇવ, ਸੁਕ੍ਕવਾਰਂ વਿਜਾਨਿਯਾ।
Kaṇhavāranayeneva, sukkavāraṃ vijāniyā;
ਬਾਲੋ ਆਪਤ੍ਤਿਬਹੁਲੋ, ਸਂਸਟ੍ਠੋਪਿ ਚ ਸੇਯ੍ਯਸੋ॥
Bālo āpattibahulo, saṃsaṭṭhopi ca seyyaso.
ਨਿਯਸ੍ਸਕਮ੍ਮਂ ਸਮ੍ਬੁਦ੍ਧੋ, ਆਣਾਪੇਸਿ ਮਹਾਮੁਨਿ।
Niyassakammaṃ sambuddho, āṇāpesi mahāmuni;
ਕੀਟਾਗਿਰਿਸ੍ਮਿਂ ਦ੍વੇ ਭਿਕ੍ਖੂ, ਅਸ੍ਸਜਿਪੁਨਬ੍ਬਸੁਕਾ॥
Kīṭāgirismiṃ dve bhikkhū, assajipunabbasukā.
ਅਨਾਚਾਰਞ੍ਚ વਿવਿਧਂ, ਆਚਰਿਂਸੁ ਅਸਞ੍ਞਤਾ।
Anācārañca vividhaṃ, ācariṃsu asaññatā;
ਪਬ੍ਬਾਜਨੀਯਂ ਸਮ੍ਬੁਦ੍ਧੋ, ਕਮ੍ਮਂ ਸਾવਤ੍ਥਿਯਂ ਜਿਨੋ।
Pabbājanīyaṃ sambuddho, kammaṃ sāvatthiyaṃ jino;
ਮਚ੍ਛਿਕਾਸਣ੍ਡੇ ਸੁਧਮ੍ਮੋ, ਚਿਤ੍ਤਸ੍ਸਾવਾਸਿਕੋ ਅਹੁ॥
Macchikāsaṇḍe sudhammo, cittassāvāsiko ahu.
ਜਾਤਿવਾਦੇਨ ਖੁਂਸੇਤਿ, ਸੁਧਮ੍ਮੋ ਚਿਤ੍ਤੁਪਾਸਕਂ।
Jātivādena khuṃseti, sudhammo cittupāsakaṃ;
ਪਟਿਸਾਰਣੀਯਕਮ੍ਮਂ, ਆਣਾਪੇਸਿ ਤਥਾਗਤੋ॥
Paṭisāraṇīyakammaṃ, āṇāpesi tathāgato.
ਕੋਸਮ੍ਬਿਯਂ ਛਨ੍ਨਂ ਭਿਕ੍ਖੁਂ, ਨਿਚ੍ਛਨ੍ਤਾਪਤ੍ਤਿਂ ਪਸ੍ਸਿਤੁਂ।
Kosambiyaṃ channaṃ bhikkhuṃ, nicchantāpattiṃ passituṃ;
ਅਦਸ੍ਸਨੇ ਉਕ੍ਖਿਪਿਤੁਂ, ਆਣਾਪੇਸਿ ਜਿਨੁਤ੍ਤਮੋ॥
Adassane ukkhipituṃ, āṇāpesi jinuttamo.
ਛਨ੍ਨੋ ਤਂਯੇવ ਆਪਤ੍ਤਿਂ, ਪਟਿਕਾਤੁਂ ਨ ਇਚ੍ਛਤਿ।
Channo taṃyeva āpattiṃ, paṭikātuṃ na icchati;
ਉਕ੍ਖੇਪਨਾਪ੍ਪਟਿਕਮ੍ਮੇ, ਆਣਾਪੇਸਿ વਿਨਾਯਕੋ॥
Ukkhepanāppaṭikamme, āṇāpesi vināyako.
ਪਾਪਦਿਟ੍ਠਿ ਅਰਿਟ੍ਠਸ੍ਸ, ਆਸਿ ਅਞ੍ਞਾਣਨਿਸ੍ਸਿਤਾ।
Pāpadiṭṭhi ariṭṭhassa, āsi aññāṇanissitā;
ਅਦਸ੍ਸਨਾਪ੍ਪਟਿਕਮ੍ਮੇ , ਅਨਿਸ੍ਸਗ੍ਗੇ ਚ ਦਿਟ੍ਠਿਯਾ॥
Adassanāppaṭikamme , anissagge ca diṭṭhiyā.
ਦવਾਨਾਚਾਰੂਪਘਾਤਿ, ਮਿਚ੍ਛਾਆਜੀવਮੇવ ਚ।
Davānācārūpaghāti, micchāājīvameva ca;
ਪਬ੍ਬਾਜਨੀਯਕਮ੍ਮਮ੍ਹਿ, ਅਤਿਰੇਕਪਦਾ ਇਮੇ॥
Pabbājanīyakammamhi, atirekapadā ime.
ਪਟਿਸਾਰਣੀਯਕਮ੍ਮਮ੍ਹਿ, ਅਤਿਰੇਕਪਦਾ ਇਮੇ॥
Paṭisāraṇīyakammamhi, atirekapadā ime.
ਤਯੋ ਉਕ੍ਖੇਪਨਾ ਕਮ੍ਮਾ, ਸਦਿਸਾ ਤੇ વਿਭਤ੍ਤਿਤੋ।
Tayo ukkhepanā kammā, sadisā te vibhattito;
ਤਜ੍ਜਨੀਯਨਯੇਨਾਪਿ, ਸੇਸਕਮ੍ਮਂ વਿਜਾਨਿਯਾਤਿ॥
Tajjanīyanayenāpi, sesakammaṃ vijāniyāti.
ਕਮ੍ਮਕ੍ਖਨ੍ਧਕਂ ਨਿਟ੍ਠਿਤਂ।
Kammakkhandhakaṃ niṭṭhitaṃ.
Footnotes:
