| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
8. பதிரூபகதா²வண்ணனா
8. Patirūpakathāvaṇṇanā
915-916. இதா³னி ராக³பதிரூபகதா² நாம ஹோதி. தத்த² மெத்தாகருணாமுதி³தாயோ ஸந்தா⁴ய ‘‘ந ராகோ³ ராக³பதிரூபகோ’’தி ச இஸ்ஸாமச்ச²ரியகுக்குச்சானி ஸந்தா⁴ய ‘‘ந தோ³ஸோ தோ³ஸபதிரூபகோ’’தி ச ஹஸிதுப்பாத³ங் ஸந்தா⁴ய ‘‘ந மோஹோ மோஹபதிரூபகோ’’தி ச து³ம்மங்கூனங் புக்³க³லானங் நிக்³க³ஹங் பேஸலானங் பி⁴க்கூ²னங் அனுக்³க³ஹங் பாபக³ரஹிதங் கல்யாணபஸங்ஸங் ஆயஸ்மதோ பிலிந்த³வச்ச²ஸ்ஸ வஸலவாத³ங் ப⁴க³வதோ கே²ளாஸகவாத³ங் மோக⁴புரிஸவாத³ஞ்ச ஸந்தா⁴ய ‘‘ந கிலேஸோ கிலேஸபதிரூபகோ’’தி ச யேஸங் லத்³தி⁴, ஸெய்யதா²பி அந்த⁴கானங்; தே ஸந்தா⁴ய ஸப்³ப³கதா²ஸு புச்சா² ஸகவாதி³ஸ்ஸ, படிஞ்ஞா இதரஸ்ஸ. அத² நங் யஸ்மா ப²ஸ்ஸாதி³பதிரூபகா நப²ஸ்ஸாத³யோ நாம நத்தி², தஸ்மா ராகா³தி³பதிரூபகா நராகா³த³யோபி நத்தீ²தி சோதே³துங் அத்தி² ந ப²ஸ்ஸோதிஆதி³மாஹ . இதரோ தேஸங் அபா⁴வா படிக்கி²பதி. ஸேஸங் ஸப்³ப³த்த² உத்தானத்த²மேவாதி.
915-916. Idāni rāgapatirūpakathā nāma hoti. Tattha mettākaruṇāmuditāyo sandhāya ‘‘na rāgo rāgapatirūpako’’ti ca issāmacchariyakukkuccāni sandhāya ‘‘na doso dosapatirūpako’’ti ca hasituppādaṃ sandhāya ‘‘na moho mohapatirūpako’’ti ca dummaṅkūnaṃ puggalānaṃ niggahaṃ pesalānaṃ bhikkhūnaṃ anuggahaṃ pāpagarahitaṃ kalyāṇapasaṃsaṃ āyasmato pilindavacchassa vasalavādaṃ bhagavato kheḷāsakavādaṃ moghapurisavādañca sandhāya ‘‘na kileso kilesapatirūpako’’ti ca yesaṃ laddhi, seyyathāpi andhakānaṃ; te sandhāya sabbakathāsu pucchā sakavādissa, paṭiññā itarassa. Atha naṃ yasmā phassādipatirūpakā naphassādayo nāma natthi, tasmā rāgādipatirūpakā narāgādayopi natthīti codetuṃ atthi na phassotiādimāha . Itaro tesaṃ abhāvā paṭikkhipati. Sesaṃ sabbattha uttānatthamevāti.
பதிரூபகதா²வண்ணனா.
Patirūpakathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (225) 8. பதிரூபகதா² • (225) 8. Patirūpakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 8. பதிரூபகதா²வண்ணனா • 8. Patirūpakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 8. பதிரூபகதா²வண்ணனா • 8. Patirūpakathāvaṇṇanā
