| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৮. পতিরূপকথাৰণ্ণনা
8. Patirūpakathāvaṇṇanā
৯১৫-৯১৬. ইদানি রাগপতিরূপকথা নাম হোতি। তত্থ মেত্তাকরুণামুদিতাযো সন্ধায ‘‘ন রাগো রাগপতিরূপকো’’তি চ ইস্সামচ্ছরিযকুক্কুচ্চানি সন্ধায ‘‘ন দোসো দোসপতিরূপকো’’তি চ হসিতুপ্পাদং সন্ধায ‘‘ন মোহো মোহপতিরূপকো’’তি চ দুম্মঙ্কূনং পুগ্গলানং নিগ্গহং পেসলানং ভিক্খূনং অনুগ্গহং পাপগরহিতং কল্যাণপসংসং আযস্মতো পিলিন্দৰচ্ছস্স ৰসলৰাদং ভগৰতো খেল়াসকৰাদং মোঘপুরিসৰাদঞ্চ সন্ধায ‘‘ন কিলেসো কিলেসপতিরূপকো’’তি চ যেসং লদ্ধি, সেয্যথাপি অন্ধকানং; তে সন্ধায সব্বকথাসু পুচ্ছা সকৰাদিস্স, পটিঞ্ঞা ইতরস্স। অথ নং যস্মা ফস্সাদিপতিরূপকা নফস্সাদযো নাম নত্থি, তস্মা রাগাদিপতিরূপকা নরাগাদযোপি নত্থীতি চোদেতুং অত্থি ন ফস্সোতিআদিমাহ । ইতরো তেসং অভাৰা পটিক্খিপতি। সেসং সব্বত্থ উত্তানত্থমেৰাতি।
915-916. Idāni rāgapatirūpakathā nāma hoti. Tattha mettākaruṇāmuditāyo sandhāya ‘‘na rāgo rāgapatirūpako’’ti ca issāmacchariyakukkuccāni sandhāya ‘‘na doso dosapatirūpako’’ti ca hasituppādaṃ sandhāya ‘‘na moho mohapatirūpako’’ti ca dummaṅkūnaṃ puggalānaṃ niggahaṃ pesalānaṃ bhikkhūnaṃ anuggahaṃ pāpagarahitaṃ kalyāṇapasaṃsaṃ āyasmato pilindavacchassa vasalavādaṃ bhagavato kheḷāsakavādaṃ moghapurisavādañca sandhāya ‘‘na kileso kilesapatirūpako’’ti ca yesaṃ laddhi, seyyathāpi andhakānaṃ; te sandhāya sabbakathāsu pucchā sakavādissa, paṭiññā itarassa. Atha naṃ yasmā phassādipatirūpakā naphassādayo nāma natthi, tasmā rāgādipatirūpakā narāgādayopi natthīti codetuṃ atthi na phassotiādimāha . Itaro tesaṃ abhāvā paṭikkhipati. Sesaṃ sabbattha uttānatthamevāti.
পতিরূপকথাৰণ্ণনা।
Patirūpakathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (২২৫) ৮. পতিরূপকথা • (225) 8. Patirūpakathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৮. পতিরূপকথাৰণ্ণনা • 8. Patirūpakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৮. পতিরূপকথাৰণ্ণনা • 8. Patirūpakathāvaṇṇanā
