| Library / Tipiṭaka / తిపిటక • Tipiṭaka / పఞ్చపకరణ-అట్ఠకథా • Pañcapakaraṇa-aṭṭhakathā |
౮. పతిరూపకథావణ్ణనా
8. Patirūpakathāvaṇṇanā
౯౧౫-౯౧౬. ఇదాని రాగపతిరూపకథా నామ హోతి. తత్థ మేత్తాకరుణాముదితాయో సన్ధాయ ‘‘న రాగో రాగపతిరూపకో’’తి చ ఇస్సామచ్ఛరియకుక్కుచ్చాని సన్ధాయ ‘‘న దోసో దోసపతిరూపకో’’తి చ హసితుప్పాదం సన్ధాయ ‘‘న మోహో మోహపతిరూపకో’’తి చ దుమ్మఙ్కూనం పుగ్గలానం నిగ్గహం పేసలానం భిక్ఖూనం అనుగ్గహం పాపగరహితం కల్యాణపసంసం ఆయస్మతో పిలిన్దవచ్ఛస్స వసలవాదం భగవతో ఖేళాసకవాదం మోఘపురిసవాదఞ్చ సన్ధాయ ‘‘న కిలేసో కిలేసపతిరూపకో’’తి చ యేసం లద్ధి, సేయ్యథాపి అన్ధకానం; తే సన్ధాయ సబ్బకథాసు పుచ్ఛా సకవాదిస్స, పటిఞ్ఞా ఇతరస్స. అథ నం యస్మా ఫస్సాదిపతిరూపకా నఫస్సాదయో నామ నత్థి, తస్మా రాగాదిపతిరూపకా నరాగాదయోపి నత్థీతి చోదేతుం అత్థి న ఫస్సోతిఆదిమాహ . ఇతరో తేసం అభావా పటిక్ఖిపతి. సేసం సబ్బత్థ ఉత్తానత్థమేవాతి.
915-916. Idāni rāgapatirūpakathā nāma hoti. Tattha mettākaruṇāmuditāyo sandhāya ‘‘na rāgo rāgapatirūpako’’ti ca issāmacchariyakukkuccāni sandhāya ‘‘na doso dosapatirūpako’’ti ca hasituppādaṃ sandhāya ‘‘na moho mohapatirūpako’’ti ca dummaṅkūnaṃ puggalānaṃ niggahaṃ pesalānaṃ bhikkhūnaṃ anuggahaṃ pāpagarahitaṃ kalyāṇapasaṃsaṃ āyasmato pilindavacchassa vasalavādaṃ bhagavato kheḷāsakavādaṃ moghapurisavādañca sandhāya ‘‘na kileso kilesapatirūpako’’ti ca yesaṃ laddhi, seyyathāpi andhakānaṃ; te sandhāya sabbakathāsu pucchā sakavādissa, paṭiññā itarassa. Atha naṃ yasmā phassādipatirūpakā naphassādayo nāma natthi, tasmā rāgādipatirūpakā narāgādayopi natthīti codetuṃ atthi na phassotiādimāha . Itaro tesaṃ abhāvā paṭikkhipati. Sesaṃ sabbattha uttānatthamevāti.
పతిరూపకథావణ్ణనా.
Patirūpakathāvaṇṇanā.
Related texts:
తిపిటక (మూల) • Tipiṭaka (Mūla) / అభిధమ్మపిటక • Abhidhammapiṭaka / కథావత్థుపాళి • Kathāvatthupāḷi / (౨౨౫) ౮. పతిరూపకథా • (225) 8. Patirūpakathā
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / పఞ్చపకరణ-మూలటీకా • Pañcapakaraṇa-mūlaṭīkā / ౮. పతిరూపకథావణ్ణనా • 8. Patirūpakathāvaṇṇanā
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / పఞ్చపకరణ-అనుటీకా • Pañcapakaraṇa-anuṭīkā / ౮. పతిరూపకథావణ్ణనా • 8. Patirūpakathāvaṇṇanā
