| Library / Tipiṭaka / တိပိဋက • Tipiṭaka / ပဉ္စပကရဏ-အဋ္ဌကထာ • Pañcapakaraṇa-aṭṭhakathā |
၈. ပတိရူပကထာဝဏ္ဏနာ
8. Patirūpakathāvaṇṇanā
၉၁၅-၉၁၆. ဣဒာနိ ရာဂပတိရူပကထာ နာမ ဟောတိ။ တတ္ထ မေတ္တာကရုဏာမုဒိတာယော သန္ဓာယ ‘‘န ရာဂော ရာဂပတိရူပကော’’တိ စ ဣသ္သာမစ္ဆရိယကုက္ကုစ္စာနိ သန္ဓာယ ‘‘န ဒောသော ဒောသပတိရူပကော’’တိ စ ဟသိတုပ္ပာဒံ သန္ဓာယ ‘‘န မောဟော မောဟပတိရူပကော’’တိ စ ဒုမ္မင္ကူနံ ပုဂ္ဂလာနံ နိဂ္ဂဟံ ပေသလာနံ ဘိက္ခူနံ အနုဂ္ဂဟံ ပာပဂရဟိတံ ကလ္ယာဏပသံသံ အာယသ္မတော ပိလိန္ဒဝစ္ဆသ္သ ဝသလဝာဒံ ဘဂဝတော ခေဠာသကဝာဒံ မောဃပုရိသဝာဒဉ္စ သန္ဓာယ ‘‘န ကိလေသော ကိလေသပတိရူပကော’’တိ စ ယေသံ လဒ္ဓိ, သေယ္ယထာပိ အန္ဓကာနံ; တေ သန္ဓာယ သဗ္ဗကထာသု ပုစ္ဆာ သကဝာဒိသ္သ, ပဋိညာ ဣတရသ္သ။ အထ နံ ယသ္မာ ဖသ္သာဒိပတိရူပကာ နဖသ္သာဒယော နာမ နတ္ထိ, တသ္မာ ရာဂာဒိပတိရူပကာ နရာဂာဒယောပိ နတ္ထီတိ စောဒေတုံ အတ္ထိ န ဖသ္သောတိအာဒိမာဟ ။ ဣတရော တေသံ အဘာဝာ ပဋိက္ခိပတိ။ သေသံ သဗ္ဗတ္ထ ဥတ္တာနတ္ထမေဝာတိ။
915-916. Idāni rāgapatirūpakathā nāma hoti. Tattha mettākaruṇāmuditāyo sandhāya ‘‘na rāgo rāgapatirūpako’’ti ca issāmacchariyakukkuccāni sandhāya ‘‘na doso dosapatirūpako’’ti ca hasituppādaṃ sandhāya ‘‘na moho mohapatirūpako’’ti ca dummaṅkūnaṃ puggalānaṃ niggahaṃ pesalānaṃ bhikkhūnaṃ anuggahaṃ pāpagarahitaṃ kalyāṇapasaṃsaṃ āyasmato pilindavacchassa vasalavādaṃ bhagavato kheḷāsakavādaṃ moghapurisavādañca sandhāya ‘‘na kileso kilesapatirūpako’’ti ca yesaṃ laddhi, seyyathāpi andhakānaṃ; te sandhāya sabbakathāsu pucchā sakavādissa, paṭiññā itarassa. Atha naṃ yasmā phassādipatirūpakā naphassādayo nāma natthi, tasmā rāgādipatirūpakā narāgādayopi natthīti codetuṃ atthi na phassotiādimāha . Itaro tesaṃ abhāvā paṭikkhipati. Sesaṃ sabbattha uttānatthamevāti.
ပတိရူပကထာဝဏ္ဏနာ။
Patirūpakathāvaṇṇanā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၂၂၅) ၈. ပတိရူပကထာ • (225) 8. Patirūpakathā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၈. ပတိရူပကထာဝဏ္ဏနာ • 8. Patirūpakathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-အနုဋီကာ • Pañcapakaraṇa-anuṭīkā / ၈. ပတိရူပကထာဝဏ္ဏနာ • 8. Patirūpakathāvaṇṇanā
