| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
8. පතිරූපකථාවණ්‌ණනා
8. Patirūpakathāvaṇṇanā
915-916. ඉදානි රාගපතිරූපකථා නාම හොති. තත්‌ථ මෙත්‌තාකරුණාමුදිතායො සන්‌ධාය ‘‘න රාගො රාගපතිරූපකො’’ති ච ඉස්‌සාමච්‌ඡරියකුක්‌කුච්‌චානි සන්‌ධාය ‘‘න දොසො දොසපතිරූපකො’’ති ච හසිතුප්‌පාදං සන්‌ධාය ‘‘න මොහො මොහපතිරූපකො’’ති ච දුම්‌මඞ්‌කූනං පුග්‌ගලානං නිග්‌ගහං පෙසලානං භික්‌ඛූනං අනුග්‌ගහං පාපගරහිතං කල්‍යාණපසංසං ආයස්‌මතො පිලින්‌දවච්‌ඡස්‌ස වසලවාදං භගවතො ඛෙළාසකවාදං මොඝපුරිසවාදඤ්‌ච සන්‌ධාය ‘‘න කිලෙසො කිලෙසපතිරූපකො’’ති ච යෙසං ලද්‌ධි, සෙය්‍යථාපි අන්‌ධකානං; තෙ සන්‌ධාය සබ්‌බකථාසු පුච්‌ඡා සකවාදිස්‌ස, පටිඤ්‌ඤා ඉතරස්‌ස. අථ නං යස්‌මා ඵස්‌සාදිපතිරූපකා නඵස්‌සාදයො නාම නත්‌ථි, තස්‌මා රාගාදිපතිරූපකා නරාගාදයොපි නත්‌ථීති චොදෙතුං අත්‌ථි න ඵස්‌සොතිආදිමාහ . ඉතරො තෙසං අභාවා පටික්‌ඛිපති. සෙසං සබ්‌බත්‌ථ උත්‌තානත්‌ථමෙවාති.
915-916. Idāni rāgapatirūpakathā nāma hoti. Tattha mettākaruṇāmuditāyo sandhāya ‘‘na rāgo rāgapatirūpako’’ti ca issāmacchariyakukkuccāni sandhāya ‘‘na doso dosapatirūpako’’ti ca hasituppādaṃ sandhāya ‘‘na moho mohapatirūpako’’ti ca dummaṅkūnaṃ puggalānaṃ niggahaṃ pesalānaṃ bhikkhūnaṃ anuggahaṃ pāpagarahitaṃ kalyāṇapasaṃsaṃ āyasmato pilindavacchassa vasalavādaṃ bhagavato kheḷāsakavādaṃ moghapurisavādañca sandhāya ‘‘na kileso kilesapatirūpako’’ti ca yesaṃ laddhi, seyyathāpi andhakānaṃ; te sandhāya sabbakathāsu pucchā sakavādissa, paṭiññā itarassa. Atha naṃ yasmā phassādipatirūpakā naphassādayo nāma natthi, tasmā rāgādipatirūpakā narāgādayopi natthīti codetuṃ atthi na phassotiādimāha . Itaro tesaṃ abhāvā paṭikkhipati. Sesaṃ sabbattha uttānatthamevāti.
පතිරූපකථාවණ්‌ණනා.
Patirūpakathāvaṇṇanā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (225) 8. පතිරූපකථා • (225) 8. Patirūpakathā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 8. පතිරූපකථාවණ්‌ණනා • 8. Patirūpakathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 8. පතිරූපකථාවණ්‌ණනා • 8. Patirūpakathāvaṇṇanā
