| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༨. པཏིརཱུཔཀཐཱཝཎྞནཱ
8. Patirūpakathāvaṇṇanā
༩༡༥-༩༡༦. ཨིདཱནི རཱགཔཏིརཱུཔཀཐཱ ནཱམ ཧོཏི། ཏཏྠ མེཏྟཱཀརུཎཱམུདིཏཱཡོ སནྡྷཱཡ ‘‘ན རཱགོ རཱགཔཏིརཱུཔཀོ’’ཏི ཙ ཨིསྶཱམཙྪརིཡཀུཀྐུཙྩཱནི སནྡྷཱཡ ‘‘ན དོསོ དོསཔཏིརཱུཔཀོ’’ཏི ཙ ཧསིཏུཔྤཱདཾ སནྡྷཱཡ ‘‘ན མོཧོ མོཧཔཏིརཱུཔཀོ’’ཏི ཙ དུམྨངྐཱུནཾ པུགྒལཱནཾ ནིགྒཧཾ པེསལཱནཾ བྷིཀྑཱུནཾ ཨནུགྒཧཾ པཱཔགརཧིཏཾ ཀལྱཱཎཔསཾསཾ ཨཱཡསྨཏོ པིལིནྡཝཙྪསྶ ཝསལཝཱདཾ བྷགཝཏོ ཁེལཱ༹སཀཝཱདཾ མོགྷཔུརིསཝཱདཉྩ སནྡྷཱཡ ‘‘ན ཀིལེསོ ཀིལེསཔཏིརཱུཔཀོ’’ཏི ཙ ཡེསཾ ལདྡྷི, སེཡྻཐཱཔི ཨནྡྷཀཱནཾ; ཏེ སནྡྷཱཡ སབྦཀཐཱསུ པུཙྪཱ སཀཝཱདིསྶ, པཊིཉྙཱ ཨིཏརསྶ། ཨཐ ནཾ ཡསྨཱ ཕསྶཱདིཔཏིརཱུཔཀཱ ནཕསྶཱདཡོ ནཱམ ནཏྠི, ཏསྨཱ རཱགཱདིཔཏིརཱུཔཀཱ ནརཱགཱདཡོཔི ནཏྠཱིཏི ཙོདེཏུཾ ཨཏྠི ན ཕསྶོཏིཨཱདིམཱཧ ། ཨིཏརོ ཏེསཾ ཨབྷཱཝཱ པཊིཀྑིཔཏི། སེསཾ སབྦཏྠ ཨུཏྟཱནཏྠམེཝཱཏི།
915-916. Idāni rāgapatirūpakathā nāma hoti. Tattha mettākaruṇāmuditāyo sandhāya ‘‘na rāgo rāgapatirūpako’’ti ca issāmacchariyakukkuccāni sandhāya ‘‘na doso dosapatirūpako’’ti ca hasituppādaṃ sandhāya ‘‘na moho mohapatirūpako’’ti ca dummaṅkūnaṃ puggalānaṃ niggahaṃ pesalānaṃ bhikkhūnaṃ anuggahaṃ pāpagarahitaṃ kalyāṇapasaṃsaṃ āyasmato pilindavacchassa vasalavādaṃ bhagavato kheḷāsakavādaṃ moghapurisavādañca sandhāya ‘‘na kileso kilesapatirūpako’’ti ca yesaṃ laddhi, seyyathāpi andhakānaṃ; te sandhāya sabbakathāsu pucchā sakavādissa, paṭiññā itarassa. Atha naṃ yasmā phassādipatirūpakā naphassādayo nāma natthi, tasmā rāgādipatirūpakā narāgādayopi natthīti codetuṃ atthi na phassotiādimāha . Itaro tesaṃ abhāvā paṭikkhipati. Sesaṃ sabbattha uttānatthamevāti.
པཏིརཱུཔཀཐཱཝཎྞནཱ།
Patirūpakathāvaṇṇanā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༢༢༥) ༨. པཏིརཱུཔཀཐཱ • (225) 8. Patirūpakathā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༨. པཏིརཱུཔཀཐཱཝཎྞནཱ • 8. Patirūpakathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༨. པཏིརཱུཔཀཐཱཝཎྞནཱ • 8. Patirūpakathāvaṇṇanā
