| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৪. পতিরূপসুত্তৰণ্ণনা
4. Patirūpasuttavaṇṇanā
১৫০. চতুত্থে অনুরোধৰিরোধেসূতি রাগপটিঘেসু। মা সজ্জিত্থো তদাচরন্তি এৰং ধম্মকথং আচরন্তো মা লগ্গি। ধম্মকথং কথেন্তস্স হি একচ্চে সাধুকারং দদন্তি, তেসু রাগো উপ্পজ্জতি। একচ্চে অসক্কচ্চং সুণন্তি, তেসু পটিঘো উপ্পজ্জতি। ইতি ধম্মকথিকো অনুরোধৰিরোধেসু সজ্জতি নাম। ত্ৰং এৰং মা সজ্জিত্থোতি ৰদতি। যদঞ্ঞমনুসাসতীতি যং অঞ্ঞং অনুসাসতি, তং। সম্বুদ্ধো হিতানুকম্পী হিতেন অনুপকম্পতি। যস্মা চ হিতানুকম্পী , তস্মা অনুরোধৰিরোধেহি ৰিপ্পমুত্তো তথাগতোতি। চতুত্থং।
150. Catutthe anurodhavirodhesūti rāgapaṭighesu. Mā sajjittho tadācaranti evaṃ dhammakathaṃ ācaranto mā laggi. Dhammakathaṃ kathentassa hi ekacce sādhukāraṃ dadanti, tesu rāgo uppajjati. Ekacce asakkaccaṃ suṇanti, tesu paṭigho uppajjati. Iti dhammakathiko anurodhavirodhesu sajjati nāma. Tvaṃ evaṃ mā sajjitthoti vadati. Yadaññamanusāsatīti yaṃ aññaṃ anusāsati, taṃ. Sambuddho hitānukampī hitena anupakampati. Yasmā ca hitānukampī , tasmā anurodhavirodhehi vippamutto tathāgatoti. Catutthaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৪. পতিরূপসুত্তং • 4. Patirūpasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৪. পতিরূপসুত্তৰণ্ণনা • 4. Patirūpasuttavaṇṇanā
