| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౪. పతిరూపసుత్తవణ్ణనా
4. Patirūpasuttavaṇṇanā
౧౫౦. చతుత్థే అనురోధవిరోధేసూతి రాగపటిఘేసు. మా సజ్జిత్థో తదాచరన్తి ఏవం ధమ్మకథం ఆచరన్తో మా లగ్గి. ధమ్మకథం కథేన్తస్స హి ఏకచ్చే సాధుకారం దదన్తి, తేసు రాగో ఉప్పజ్జతి. ఏకచ్చే అసక్కచ్చం సుణన్తి, తేసు పటిఘో ఉప్పజ్జతి. ఇతి ధమ్మకథికో అనురోధవిరోధేసు సజ్జతి నామ. త్వం ఏవం మా సజ్జిత్థోతి వదతి. యదఞ్ఞమనుసాసతీతి యం అఞ్ఞం అనుసాసతి, తం. సమ్బుద్ధో హితానుకమ్పీ హితేన అనుపకమ్పతి. యస్మా చ హితానుకమ్పీ , తస్మా అనురోధవిరోధేహి విప్పముత్తో తథాగతోతి. చతుత్థం.
150. Catutthe anurodhavirodhesūti rāgapaṭighesu. Mā sajjittho tadācaranti evaṃ dhammakathaṃ ācaranto mā laggi. Dhammakathaṃ kathentassa hi ekacce sādhukāraṃ dadanti, tesu rāgo uppajjati. Ekacce asakkaccaṃ suṇanti, tesu paṭigho uppajjati. Iti dhammakathiko anurodhavirodhesu sajjati nāma. Tvaṃ evaṃ mā sajjitthoti vadati. Yadaññamanusāsatīti yaṃ aññaṃ anusāsati, taṃ. Sambuddho hitānukampī hitena anupakampati. Yasmā ca hitānukampī , tasmā anurodhavirodhehi vippamutto tathāgatoti. Catutthaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౪. పతిరూపసుత్తం • 4. Patirūpasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౪. పతిరూపసుత్తవణ్ణనా • 4. Patirūpasuttavaṇṇanā
