| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៤. បតិរូបសុត្តវណ្ណនា
4. Patirūpasuttavaṇṇanā
១៥០. ចតុត្ថេ អនុរោធវិរោធេសូតិ រាគបដិឃេសុ។ មា សជ្ជិត្ថោ តទាចរន្តិ ឯវំ ធម្មកថំ អាចរន្តោ មា លគ្គិ។ ធម្មកថំ កថេន្តស្ស ហិ ឯកច្ចេ សាធុការំ ទទន្តិ, តេសុ រាគោ ឧប្បជ្ជតិ។ ឯកច្ចេ អសក្កច្ចំ សុណន្តិ, តេសុ បដិឃោ ឧប្បជ្ជតិ។ ឥតិ ធម្មកថិកោ អនុរោធវិរោធេសុ សជ្ជតិ នាម។ ត្វំ ឯវំ មា សជ្ជិត្ថោតិ វទតិ។ យទញ្ញមនុសាសតីតិ យំ អញ្ញំ អនុសាសតិ, តំ។ សម្ពុទ្ធោ ហិតានុកម្បី ហិតេន អនុបកម្បតិ។ យស្មា ច ហិតានុកម្បី , តស្មា អនុរោធវិរោធេហិ វិប្បមុត្តោ តថាគតោតិ។ ចតុត្ថំ។
150. Catutthe anurodhavirodhesūti rāgapaṭighesu. Mā sajjittho tadācaranti evaṃ dhammakathaṃ ācaranto mā laggi. Dhammakathaṃ kathentassa hi ekacce sādhukāraṃ dadanti, tesu rāgo uppajjati. Ekacce asakkaccaṃ suṇanti, tesu paṭigho uppajjati. Iti dhammakathiko anurodhavirodhesu sajjati nāma. Tvaṃ evaṃ mā sajjitthoti vadati. Yadaññamanusāsatīti yaṃ aññaṃ anusāsati, taṃ. Sambuddho hitānukampī hitena anupakampati. Yasmā ca hitānukampī , tasmā anurodhavirodhehi vippamutto tathāgatoti. Catutthaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៤. បតិរូបសុត្តំ • 4. Patirūpasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៤. បតិរូបសុត្តវណ្ណនា • 4. Patirūpasuttavaṇṇanā
