| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
4. පතිරූපසුත්‌තවණ්‌ණනා
4. Patirūpasuttavaṇṇanā
150. චතුත්‌ථෙ අනුරොධවිරොධෙසූති රාගපටිඝෙසු. මා සජ්‌ජිත්‌ථො තදාචරන්‌ති එවං ධම්‌මකථං ආචරන්‌තො මා ලග්‌ගි. ධම්‌මකථං කථෙන්‌තස්‌ස හි එකච්‌චෙ සාධුකාරං දදන්‌ති, තෙසු රාගො උප්‌පජ්‌ජති. එකච්‌චෙ අසක්‌කච්‌චං සුණන්‌ති, තෙසු පටිඝො උප්‌පජ්‌ජති. ඉති ධම්‌මකථිකො අනුරොධවිරොධෙසු සජ්‌ජති නාම. ත්‌වං එවං මා සජ්‌ජිත්‌ථොති වදති. යදඤ්‌ඤමනුසාසතීති යං අඤ්‌ඤං අනුසාසති, තං. සම්‌බුද්‌ධො හිතානුකම්‌පී හිතෙන අනුපකම්‌පති. යස්‌මා ච හිතානුකම්‌පී , තස්‌මා අනුරොධවිරොධෙහි විප්‌පමුත්‌තො තථාගතොති. චතුත්‌ථං.
150. Catutthe anurodhavirodhesūti rāgapaṭighesu. Mā sajjittho tadācaranti evaṃ dhammakathaṃ ācaranto mā laggi. Dhammakathaṃ kathentassa hi ekacce sādhukāraṃ dadanti, tesu rāgo uppajjati. Ekacce asakkaccaṃ suṇanti, tesu paṭigho uppajjati. Iti dhammakathiko anurodhavirodhesu sajjati nāma. Tvaṃ evaṃ mā sajjitthoti vadati. Yadaññamanusāsatīti yaṃ aññaṃ anusāsati, taṃ. Sambuddho hitānukampī hitena anupakampati. Yasmā ca hitānukampī , tasmā anurodhavirodhehi vippamutto tathāgatoti. Catutthaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 4. පතිරූපසුත්‌තං • 4. Patirūpasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 4. පතිරූපසුත්‌තවණ්‌ණනා • 4. Patirūpasuttavaṇṇanā
