| Library / Tipiṭaka / তিপিটক • Tipiṭaka / ইতিৰুত্তকপাল়ি • Itivuttakapāḷi |
৮. পটিসল্লানসুত্তং
8. Paṭisallānasuttaṃ
৪৫. ৰুত্তঞ্হেতং ভগৰতা, ৰুত্তমরহতাতি মে সুতং –
45. Vuttañhetaṃ bhagavatā, vuttamarahatāti me sutaṃ –
‘‘পটিসল্লানারামা 1, ভিক্খৰে, ৰিহরথ পটিসল্লানরতা, অজ্ঝত্তং চেতোসমথমনুযুত্তা, অনিরাকতজ্ঝানা, ৰিপস্সনায সমন্নাগতা, ব্রূহেতা সুঞ্ঞাগারানং । পটিসল্লানারামানং, ভিক্খৰে, ৰিহরতং পটিসল্লানরতানং অজ্ঝত্তং চেতোসমথমনুযুত্তানং অনিরাকতমজ্ঝানানং ৰিপস্সনায সমন্নাগতানং ব্রূহেতানং সুঞ্ঞাগারানং দ্ৰিন্নং ফলানং অঞ্ঞতরং ফলং পাটিকঙ্খং – দিট্ঠেৰ ধম্মে অঞ্ঞা, সতি ৰা উপাদিসেসে অনাগামিতা’’তি। এতমত্থং ভগৰা অৰোচ। তত্থেতং ইতি ৰুচ্চতি –
‘‘Paṭisallānārāmā 2, bhikkhave, viharatha paṭisallānaratā, ajjhattaṃ cetosamathamanuyuttā, anirākatajjhānā, vipassanāya samannāgatā, brūhetā suññāgārānaṃ . Paṭisallānārāmānaṃ, bhikkhave, viharataṃ paṭisallānaratānaṃ ajjhattaṃ cetosamathamanuyuttānaṃ anirākatamajjhānānaṃ vipassanāya samannāgatānaṃ brūhetānaṃ suññāgārānaṃ dvinnaṃ phalānaṃ aññataraṃ phalaṃ pāṭikaṅkhaṃ – diṭṭheva dhamme aññā, sati vā upādisese anāgāmitā’’ti. Etamatthaṃ bhagavā avoca. Tatthetaṃ iti vuccati –
সম্মা ধম্মং ৰিপস্সন্তি, কামেসু অনপেক্খিনো॥
Sammā dhammaṃ vipassanti, kāmesu anapekkhino.
‘‘অপ্পমাদরতা সন্তা, পমাদে ভযদস্সিনো।
‘‘Appamādaratā santā, pamāde bhayadassino;
অভব্বা পরিহানায, নিব্বানস্সেৰ সন্তিকে’’তি॥
Abhabbā parihānāya, nibbānasseva santike’’ti.
অযম্পি অত্থো ৰুত্তো ভগৰতা, ইতি মে সুতন্তি। অট্ঠমং।
Ayampi attho vutto bhagavatā, iti me sutanti. Aṭṭhamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / ইতিৰুত্তক-অট্ঠকথা • Itivuttaka-aṭṭhakathā / ৮. পটিসল্লানসুত্তৰণ্ণনা • 8. Paṭisallānasuttavaṇṇanā
