| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৭. পটিসল্লানসুত্তং
7. Paṭisallānasuttaṃ
১০০. ‘‘পটিসল্লানে 1, ভিক্খৰে, যোগমাপজ্জথ। পটিসল্লীনো, ভিক্খৰে, ভিক্খু যথাভূতং পজানাতি। কিঞ্চ যথাভূতং পজানাতি? ‘চক্খু অনিচ্চ’ন্তি যথাভূতং পজানাতি; ‘রূপা অনিচ্চা’তি যথাভূতং পজানাতি; ‘চক্খুৰিঞ্ঞাণং অনিচ্চ’ন্তি যথাভূতং পজানাতি; ‘চক্খুসম্ফস্সো অনিচ্চো’তি যথাভূতং পজানাতি। ‘যম্পিদং চক্খুসম্ফস্সপচ্চযা উপ্পজ্জতি ৰেদযিতং সুখং ৰা দুক্খং ৰা অদুক্খমসুখং ৰা তম্পি অনিচ্চ’ন্তি যথাভূতং পজানাতি…পে॰… ‘যম্পিদং মনোসম্ফস্সপচ্চযা উপ্পজ্জতি ৰেদযিতং সুখং ৰা দুক্খং ৰা অদুক্খমসুখং ৰা তম্প্ম্প্পি অনিচ্চ’ন্তি যথাভূতং পজানাতি। পটিসল্লানে, ভিক্খৰে, যোগমাপজ্জথ। পটিসল্লীনো, ভিক্খৰে, ভিক্খু যথাভূতং পজানাতী’’তি। সত্তমং।
100. ‘‘Paṭisallāne 2, bhikkhave, yogamāpajjatha. Paṭisallīno, bhikkhave, bhikkhu yathābhūtaṃ pajānāti. Kiñca yathābhūtaṃ pajānāti? ‘Cakkhu anicca’nti yathābhūtaṃ pajānāti; ‘rūpā aniccā’ti yathābhūtaṃ pajānāti; ‘cakkhuviññāṇaṃ anicca’nti yathābhūtaṃ pajānāti; ‘cakkhusamphasso anicco’ti yathābhūtaṃ pajānāti. ‘Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi anicca’nti yathābhūtaṃ pajānāti…pe… ‘yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampmppi anicca’nti yathābhūtaṃ pajānāti. Paṭisallāne, bhikkhave, yogamāpajjatha. Paṭisallīno, bhikkhave, bhikkhu yathābhūtaṃ pajānātī’’ti. Sattamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৭. পটিসল্লানসুত্তৰণ্ণনা • 7. Paṭisallānasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৭. পটিসল্লানসুত্তৰণ্ণনা • 7. Paṭisallānasuttavaṇṇanā
