| Library / Tipiṭaka / ติปิฎก • Tipiṭaka / อิติวุตฺตกปาฬิ • Itivuttakapāḷi |
๘. ปฎิสลฺลานสุตฺตํ
8. Paṭisallānasuttaṃ
๔๕. วุตฺตเญฺหตํ ภควตา, วุตฺตมรหตาติ เม สุตํ –
45. Vuttañhetaṃ bhagavatā, vuttamarahatāti me sutaṃ –
‘‘ปฎิสลฺลานารามา 1, ภิกฺขเว, วิหรถ ปฎิสลฺลานรตา, อชฺฌตฺตํ เจโตสมถมนุยุตฺตา, อนิรากตชฺฌานา, วิปสฺสนาย สมนฺนาคตา, พฺรูเหตา สุญฺญาคารานํ ฯ ปฎิสลฺลานารามานํ, ภิกฺขเว, วิหรตํ ปฎิสลฺลานรตานํ อชฺฌตฺตํ เจโตสมถมนุยุตฺตานํ อนิรากตมชฺฌานานํ วิปสฺสนาย สมนฺนาคตานํ พฺรูเหตานํ สุญฺญาคารานํ ทฺวินฺนํ ผลานํ อญฺญตรํ ผลํ ปาฎิกงฺขํ – ทิเฎฺฐว ธเมฺม อญฺญา, สติ วา อุปาทิเสเส อนาคามิตา’’ติฯ เอตมตฺถํ ภควา อโวจฯ ตเตฺถตํ อิติ วุจฺจติ –
‘‘Paṭisallānārāmā 2, bhikkhave, viharatha paṭisallānaratā, ajjhattaṃ cetosamathamanuyuttā, anirākatajjhānā, vipassanāya samannāgatā, brūhetā suññāgārānaṃ . Paṭisallānārāmānaṃ, bhikkhave, viharataṃ paṭisallānaratānaṃ ajjhattaṃ cetosamathamanuyuttānaṃ anirākatamajjhānānaṃ vipassanāya samannāgatānaṃ brūhetānaṃ suññāgārānaṃ dvinnaṃ phalānaṃ aññataraṃ phalaṃ pāṭikaṅkhaṃ – diṭṭheva dhamme aññā, sati vā upādisese anāgāmitā’’ti. Etamatthaṃ bhagavā avoca. Tatthetaṃ iti vuccati –
สมฺมา ธมฺมํ วิปสฺสนฺติ, กาเมสุ อนเปกฺขิโนฯ
Sammā dhammaṃ vipassanti, kāmesu anapekkhino.
‘‘อปฺปมาทรตา สนฺตา, ปมาเท ภยทสฺสิโน;
‘‘Appamādaratā santā, pamāde bhayadassino;
อภพฺพา ปริหานาย, นิพฺพานเสฺสว สนฺติเก’’ติฯ
Abhabbā parihānāya, nibbānasseva santike’’ti.
อยมฺปิ อโตฺถ วุโตฺต ภควตา, อิติ เม สุตนฺติฯ อฎฺฐมํฯ
Ayampi attho vutto bhagavatā, iti me sutanti. Aṭṭhamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อิติวุตฺตก-อฎฺฐกถา • Itivuttaka-aṭṭhakathā / ๘. ปฎิสลฺลานสุตฺตวณฺณนา • 8. Paṭisallānasuttavaṇṇanā
