| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
৫. পঞ্চমৰগ্গো
5. Pañcamavaggo
(৪৭) ৫. পটিসম্ভিদাকথা
(47) 5. Paṭisambhidākathā
৪৩২. সব্বং ঞাণং পটিসম্ভিদাতি? আমন্তা। সম্মুতিঞাণং পটিসম্ভিদাতি ? ন হেৰং ৰত্তব্বে…পে॰… সম্মুতিঞাণং পটিসম্ভিদাতি? আমন্তা। যে কেচি সম্মুতিং জানন্তি, সব্বে তে পটিসম্ভিদাপত্তাতি? ন হেৰং ৰত্তব্বে…পে॰… সব্বং ঞাণং পটিসম্ভিদাতি? আমন্তা। চেতোপরিযাযে ঞাণং পটিসম্ভিদাতি? ন হেৰং ৰত্তব্বে…পে॰… চেতোপরিযাযে ঞাণং পটিসম্ভিদাতি? আমন্তা। যে কেচি পরচিত্তং জানন্তি, সব্বে তে পটিসম্ভিদাপত্তাতি? ন হেৰং ৰত্তব্বে…পে॰…।
432. Sabbaṃ ñāṇaṃ paṭisambhidāti? Āmantā. Sammutiñāṇaṃ paṭisambhidāti ? Na hevaṃ vattabbe…pe… sammutiñāṇaṃ paṭisambhidāti? Āmantā. Ye keci sammutiṃ jānanti, sabbe te paṭisambhidāpattāti? Na hevaṃ vattabbe…pe… sabbaṃ ñāṇaṃ paṭisambhidāti? Āmantā. Cetopariyāye ñāṇaṃ paṭisambhidāti? Na hevaṃ vattabbe…pe… cetopariyāye ñāṇaṃ paṭisambhidāti? Āmantā. Ye keci paracittaṃ jānanti, sabbe te paṭisambhidāpattāti? Na hevaṃ vattabbe…pe….
সব্বং ঞাণং পটিসম্ভিদাতি? আমন্তা। সব্বা পঞ্ঞা পটিসম্ভিদাতি? ন হেৰং ৰত্তব্বে…পে॰… সব্বা পঞ্ঞা পটিসম্ভিদাতি? আমন্তা। পথৰীকসিণং সমাপত্তিং সমাপন্নস্স অত্থি পঞ্ঞা, সা পঞ্ঞা পটিসম্ভিদাতি? ন হেৰং ৰত্তব্বে…পে॰… আপোকসিণং…পে॰… তেজোকসিণং…পে॰… ৰাযোকসিণং…পে॰… নীলকসিণং…পে॰… পীতকসিণং…পে॰… লোহিতকসিণং…পে॰… ওদাতকসিণং…পে॰… আকাসানঞ্চাযতনং…পে॰… ৰিঞ্ঞাণঞ্চাযতনং…পে॰… আকিঞ্চঞ্ঞাযতনং…পে॰… নেৰসঞ্ঞানাসঞ্ঞাযতনং সমাপন্নস্স…পে॰… দানং দদন্তস্স…পে॰… চীৰরং দদন্তস্স…পে॰… পিণ্ডপাতং দদন্তস্স…পে॰… সেনাসনং দদন্তস্স…পে॰… গিলানপচ্চযভেসজ্জপরিক্খারং দদন্তস্স অত্থি পঞ্ঞা, সা পঞ্ঞা পটিসম্ভিদাতি? ন হেৰং ৰত্তব্বে…পে॰…।
Sabbaṃ ñāṇaṃ paṭisambhidāti? Āmantā. Sabbā paññā paṭisambhidāti? Na hevaṃ vattabbe…pe… sabbā paññā paṭisambhidāti? Āmantā. Pathavīkasiṇaṃ samāpattiṃ samāpannassa atthi paññā, sā paññā paṭisambhidāti? Na hevaṃ vattabbe…pe… āpokasiṇaṃ…pe… tejokasiṇaṃ…pe… vāyokasiṇaṃ…pe… nīlakasiṇaṃ…pe… pītakasiṇaṃ…pe… lohitakasiṇaṃ…pe… odātakasiṇaṃ…pe… ākāsānañcāyatanaṃ…pe… viññāṇañcāyatanaṃ…pe… ākiñcaññāyatanaṃ…pe… nevasaññānāsaññāyatanaṃ samāpannassa…pe… dānaṃ dadantassa…pe… cīvaraṃ dadantassa…pe… piṇḍapātaṃ dadantassa…pe… senāsanaṃ dadantassa…pe… gilānapaccayabhesajjaparikkhāraṃ dadantassa atthi paññā, sā paññā paṭisambhidāti? Na hevaṃ vattabbe…pe….
৪৩৩. ন ৰত্তব্বং – ‘‘সব্বং ঞাণং পটিসম্ভিদা’’তি? আমন্তা। অত্থি লোকুত্তরা পঞ্ঞা, সা পঞ্ঞা ন পটিসম্ভিদাতি? ন হেৰং ৰত্তব্বে…পে॰… তেন হি সব্বং ঞাণং পটিসম্ভিদাতি।
433. Na vattabbaṃ – ‘‘sabbaṃ ñāṇaṃ paṭisambhidā’’ti? Āmantā. Atthi lokuttarā paññā, sā paññā na paṭisambhidāti? Na hevaṃ vattabbe…pe… tena hi sabbaṃ ñāṇaṃ paṭisambhidāti.
পটিসম্ভিদাকথা নিট্ঠিতা।
Paṭisambhidākathā niṭṭhitā.
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৫. পটিসম্ভিদাকথাৰণ্ণনা • 5. Paṭisambhidākathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৫. পটিসম্ভিদাকথাৰণ্ণনা • 5. Paṭisambhidākathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৫. পটিসম্ভিদাকথাৰণ্ণনা • 5. Paṭisambhidākathāvaṇṇanā
