| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๕. ปญฺจมวโคฺค
5. Pañcamavaggo
(๔๗) ๕. ปฎิสมฺภิทากถา
(47) 5. Paṭisambhidākathā
๔๓๒. สพฺพํ ญาณํ ปฎิสมฺภิทาติ? อามนฺตาฯ สมฺมุติญาณํ ปฎิสมฺภิทาติ ? น เหวํ วตฺตเพฺพ…เป.… สมฺมุติญาณํ ปฎิสมฺภิทาติ? อามนฺตาฯ เย เกจิ สมฺมุติํ ชานนฺติ, สเพฺพ เต ปฎิสมฺภิทาปตฺตาติ? น เหวํ วตฺตเพฺพ…เป.… สพฺพํ ญาณํ ปฎิสมฺภิทาติ? อามนฺตาฯ เจโตปริยาเย ญาณํ ปฎิสมฺภิทาติ? น เหวํ วตฺตเพฺพ…เป.… เจโตปริยาเย ญาณํ ปฎิสมฺภิทาติ? อามนฺตาฯ เย เกจิ ปรจิตฺตํ ชานนฺติ, สเพฺพ เต ปฎิสมฺภิทาปตฺตาติ? น เหวํ วตฺตเพฺพ…เป.…ฯ
432. Sabbaṃ ñāṇaṃ paṭisambhidāti? Āmantā. Sammutiñāṇaṃ paṭisambhidāti ? Na hevaṃ vattabbe…pe… sammutiñāṇaṃ paṭisambhidāti? Āmantā. Ye keci sammutiṃ jānanti, sabbe te paṭisambhidāpattāti? Na hevaṃ vattabbe…pe… sabbaṃ ñāṇaṃ paṭisambhidāti? Āmantā. Cetopariyāye ñāṇaṃ paṭisambhidāti? Na hevaṃ vattabbe…pe… cetopariyāye ñāṇaṃ paṭisambhidāti? Āmantā. Ye keci paracittaṃ jānanti, sabbe te paṭisambhidāpattāti? Na hevaṃ vattabbe…pe….
สพฺพํ ญาณํ ปฎิสมฺภิทาติ? อามนฺตาฯ สพฺพา ปญฺญา ปฎิสมฺภิทาติ? น เหวํ วตฺตเพฺพ…เป.… สพฺพา ปญฺญา ปฎิสมฺภิทาติ? อามนฺตาฯ ปถวีกสิณํ สมาปตฺติํ สมาปนฺนสฺส อตฺถิ ปญฺญา, สา ปญฺญา ปฎิสมฺภิทาติ? น เหวํ วตฺตเพฺพ…เป.… อาโปกสิณํ…เป.… เตโชกสิณํ…เป.… วาโยกสิณํ…เป.… นีลกสิณํ…เป.… ปีตกสิณํ…เป.… โลหิตกสิณํ…เป.… โอทาตกสิณํ…เป.… อากาสานญฺจายตนํ…เป.… วิญฺญาณญฺจายตนํ…เป.… อากิญฺจญฺญายตนํ…เป.… เนวสญฺญานาสญฺญายตนํ สมาปนฺนสฺส…เป.… ทานํ ททนฺตสฺส…เป.… จีวรํ ททนฺตสฺส…เป.… ปิณฺฑปาตํ ททนฺตสฺส…เป.… เสนาสนํ ททนฺตสฺส…เป.… คิลานปจฺจยเภสชฺชปริกฺขารํ ททนฺตสฺส อตฺถิ ปญฺญา, สา ปญฺญา ปฎิสมฺภิทาติ? น เหวํ วตฺตเพฺพ…เป.…ฯ
Sabbaṃ ñāṇaṃ paṭisambhidāti? Āmantā. Sabbā paññā paṭisambhidāti? Na hevaṃ vattabbe…pe… sabbā paññā paṭisambhidāti? Āmantā. Pathavīkasiṇaṃ samāpattiṃ samāpannassa atthi paññā, sā paññā paṭisambhidāti? Na hevaṃ vattabbe…pe… āpokasiṇaṃ…pe… tejokasiṇaṃ…pe… vāyokasiṇaṃ…pe… nīlakasiṇaṃ…pe… pītakasiṇaṃ…pe… lohitakasiṇaṃ…pe… odātakasiṇaṃ…pe… ākāsānañcāyatanaṃ…pe… viññāṇañcāyatanaṃ…pe… ākiñcaññāyatanaṃ…pe… nevasaññānāsaññāyatanaṃ samāpannassa…pe… dānaṃ dadantassa…pe… cīvaraṃ dadantassa…pe… piṇḍapātaṃ dadantassa…pe… senāsanaṃ dadantassa…pe… gilānapaccayabhesajjaparikkhāraṃ dadantassa atthi paññā, sā paññā paṭisambhidāti? Na hevaṃ vattabbe…pe….
๔๓๓. น วตฺตพฺพํ – ‘‘สพฺพํ ญาณํ ปฎิสมฺภิทา’’ติ? อามนฺตาฯ อตฺถิ โลกุตฺตรา ปญฺญา, สา ปญฺญา น ปฎิสมฺภิทาติ? น เหวํ วตฺตเพฺพ…เป.… เตน หิ สพฺพํ ญาณํ ปฎิสมฺภิทาติฯ
433. Na vattabbaṃ – ‘‘sabbaṃ ñāṇaṃ paṭisambhidā’’ti? Āmantā. Atthi lokuttarā paññā, sā paññā na paṭisambhidāti? Na hevaṃ vattabbe…pe… tena hi sabbaṃ ñāṇaṃ paṭisambhidāti.
ปฎิสมฺภิทากถา นิฎฺฐิตาฯ
Paṭisambhidākathā niṭṭhitā.
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๕. ปฎิสมฺภิทากถาวณฺณนา • 5. Paṭisambhidākathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๕. ปฎิสมฺภิทากถาวณฺณนา • 5. Paṭisambhidākathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๕. ปฎิสมฺภิทากถาวณฺณนา • 5. Paṭisambhidākathāvaṇṇanā
