| Library / Tipiṭaka / තිපිටක • Tipiṭaka / කථාවත්‌ථුපාළි • Kathāvatthupāḷi |
5. පඤ්‌චමවග්‌ගො
5. Pañcamavaggo
(47) 5. පටිසම්‌භිදාකථා
(47) 5. Paṭisambhidākathā
432. සබ්‌බං ඤාණං පටිසම්‌භිදාති? ආමන්‌තා. සම්‌මුතිඤාණං පටිසම්‌භිදාති ? න හෙවං වත්‌තබ්‌බෙ…පෙ.… සම්‌මුතිඤාණං පටිසම්‌භිදාති? ආමන්‌තා. යෙ කෙචි සම්‌මුතිං ජානන්‌ති, සබ්‌බෙ තෙ පටිසම්‌භිදාපත්‌තාති? න හෙවං වත්‌තබ්‌බෙ…පෙ.… සබ්‌බං ඤාණං පටිසම්‌භිදාති? ආමන්‌තා. චෙතොපරියායෙ ඤාණං පටිසම්‌භිදාති? න හෙවං වත්‌තබ්‌බෙ…පෙ.… චෙතොපරියායෙ ඤාණං පටිසම්‌භිදාති? ආමන්‌තා. යෙ කෙචි පරචිත්‌තං ජානන්‌ති, සබ්‌බෙ තෙ පටිසම්‌භිදාපත්‌තාති? න හෙවං වත්‌තබ්‌බෙ…පෙ.….
432. Sabbaṃ ñāṇaṃ paṭisambhidāti? Āmantā. Sammutiñāṇaṃ paṭisambhidāti ? Na hevaṃ vattabbe…pe… sammutiñāṇaṃ paṭisambhidāti? Āmantā. Ye keci sammutiṃ jānanti, sabbe te paṭisambhidāpattāti? Na hevaṃ vattabbe…pe… sabbaṃ ñāṇaṃ paṭisambhidāti? Āmantā. Cetopariyāye ñāṇaṃ paṭisambhidāti? Na hevaṃ vattabbe…pe… cetopariyāye ñāṇaṃ paṭisambhidāti? Āmantā. Ye keci paracittaṃ jānanti, sabbe te paṭisambhidāpattāti? Na hevaṃ vattabbe…pe….
සබ්‌බං ඤාණං පටිසම්‌භිදාති? ආමන්‌තා. සබ්‌බා පඤ්‌ඤා පටිසම්‌භිදාති? න හෙවං වත්‌තබ්‌බෙ…පෙ.… සබ්‌බා පඤ්‌ඤා පටිසම්‌භිදාති? ආමන්‌තා. පථවීකසිණං සමාපත්‌තිං සමාපන්‌නස්‌ස අත්‌ථි පඤ්‌ඤා, සා පඤ්‌ඤා පටිසම්‌භිදාති? න හෙවං වත්‌තබ්‌බෙ…පෙ.… ආපොකසිණං…පෙ.… තෙජොකසිණං…පෙ.… වායොකසිණං…පෙ.… නීලකසිණං…පෙ.… පීතකසිණං…පෙ.… ලොහිතකසිණං…පෙ.… ඔදාතකසිණං…පෙ.… ආකාසානඤ්‌චායතනං…පෙ.… විඤ්‌ඤාණඤ්‌චායතනං…පෙ.… ආකිඤ්‌චඤ්‌ඤායතනං…පෙ.… නෙවසඤ්‌ඤානාසඤ්‌ඤායතනං සමාපන්‌නස්‌ස…පෙ.… දානං දදන්‌තස්‌ස…පෙ.… චීවරං දදන්‌තස්‌ස…පෙ.… පිණ්‌ඩපාතං දදන්‌තස්‌ස…පෙ.… සෙනාසනං දදන්‌තස්‌ස…පෙ.… ගිලානපච්‌චයභෙසජ්‌ජපරික්‌ඛාරං දදන්‌තස්‌ස අත්‌ථි පඤ්‌ඤා, සා පඤ්‌ඤා පටිසම්‌භිදාති? න හෙවං වත්‌තබ්‌බෙ…පෙ.….
Sabbaṃ ñāṇaṃ paṭisambhidāti? Āmantā. Sabbā paññā paṭisambhidāti? Na hevaṃ vattabbe…pe… sabbā paññā paṭisambhidāti? Āmantā. Pathavīkasiṇaṃ samāpattiṃ samāpannassa atthi paññā, sā paññā paṭisambhidāti? Na hevaṃ vattabbe…pe… āpokasiṇaṃ…pe… tejokasiṇaṃ…pe… vāyokasiṇaṃ…pe… nīlakasiṇaṃ…pe… pītakasiṇaṃ…pe… lohitakasiṇaṃ…pe… odātakasiṇaṃ…pe… ākāsānañcāyatanaṃ…pe… viññāṇañcāyatanaṃ…pe… ākiñcaññāyatanaṃ…pe… nevasaññānāsaññāyatanaṃ samāpannassa…pe… dānaṃ dadantassa…pe… cīvaraṃ dadantassa…pe… piṇḍapātaṃ dadantassa…pe… senāsanaṃ dadantassa…pe… gilānapaccayabhesajjaparikkhāraṃ dadantassa atthi paññā, sā paññā paṭisambhidāti? Na hevaṃ vattabbe…pe….
433. න වත්‌තබ්‌බං – ‘‘සබ්‌බං ඤාණං පටිසම්‌භිදා’’ති? ආමන්‌තා. අත්‌ථි ලොකුත්‌තරා පඤ්‌ඤා, සා පඤ්‌ඤා න පටිසම්‌භිදාති? න හෙවං වත්‌තබ්‌බෙ…පෙ.… තෙන හි සබ්‌බං ඤාණං පටිසම්‌භිදාති.
433. Na vattabbaṃ – ‘‘sabbaṃ ñāṇaṃ paṭisambhidā’’ti? Āmantā. Atthi lokuttarā paññā, sā paññā na paṭisambhidāti? Na hevaṃ vattabbe…pe… tena hi sabbaṃ ñāṇaṃ paṭisambhidāti.
පටිසම්‌භිදාකථා නිට්‌ඨිතා.
Paṭisambhidākathā niṭṭhitā.
Related texts:
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / පඤ්‌චපකරණ-අට්‌ඨකථා • Pañcapakaraṇa-aṭṭhakathā / 5. පටිසම්‌භිදාකථාවණ්‌ණනා • 5. Paṭisambhidākathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 5. පටිසම්‌භිදාකථාවණ්‌ණනා • 5. Paṭisambhidākathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 5. පටිසම්‌භිදාකථාවණ්‌ණනා • 5. Paṭisambhidākathāvaṇṇanā
