| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੫. ਪਞ੍ਚਮવਗ੍ਗੋ
5. Pañcamavaggo
(੪੭) ੫. ਪਟਿਸਮ੍ਭਿਦਾਕਥਾ
(47) 5. Paṭisambhidākathā
੪੩੨. ਸਬ੍ਬਂ ਞਾਣਂ ਪਟਿਸਮ੍ਭਿਦਾਤਿ? ਆਮਨ੍ਤਾ। ਸਮ੍ਮੁਤਿਞਾਣਂ ਪਟਿਸਮ੍ਭਿਦਾਤਿ ? ਨ ਹੇવਂ વਤ੍ਤਬ੍ਬੇ…ਪੇ॰… ਸਮ੍ਮੁਤਿਞਾਣਂ ਪਟਿਸਮ੍ਭਿਦਾਤਿ? ਆਮਨ੍ਤਾ। ਯੇ ਕੇਚਿ ਸਮ੍ਮੁਤਿਂ ਜਾਨਨ੍ਤਿ, ਸਬ੍ਬੇ ਤੇ ਪਟਿਸਮ੍ਭਿਦਾਪਤ੍ਤਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਸਬ੍ਬਂ ਞਾਣਂ ਪਟਿਸਮ੍ਭਿਦਾਤਿ? ਆਮਨ੍ਤਾ। ਚੇਤੋਪਰਿਯਾਯੇ ਞਾਣਂ ਪਟਿਸਮ੍ਭਿਦਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਚੇਤੋਪਰਿਯਾਯੇ ਞਾਣਂ ਪਟਿਸਮ੍ਭਿਦਾਤਿ? ਆਮਨ੍ਤਾ। ਯੇ ਕੇਚਿ ਪਰਚਿਤ੍ਤਂ ਜਾਨਨ੍ਤਿ, ਸਬ੍ਬੇ ਤੇ ਪਟਿਸਮ੍ਭਿਦਾਪਤ੍ਤਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
432. Sabbaṃ ñāṇaṃ paṭisambhidāti? Āmantā. Sammutiñāṇaṃ paṭisambhidāti ? Na hevaṃ vattabbe…pe… sammutiñāṇaṃ paṭisambhidāti? Āmantā. Ye keci sammutiṃ jānanti, sabbe te paṭisambhidāpattāti? Na hevaṃ vattabbe…pe… sabbaṃ ñāṇaṃ paṭisambhidāti? Āmantā. Cetopariyāye ñāṇaṃ paṭisambhidāti? Na hevaṃ vattabbe…pe… cetopariyāye ñāṇaṃ paṭisambhidāti? Āmantā. Ye keci paracittaṃ jānanti, sabbe te paṭisambhidāpattāti? Na hevaṃ vattabbe…pe….
ਸਬ੍ਬਂ ਞਾਣਂ ਪਟਿਸਮ੍ਭਿਦਾਤਿ? ਆਮਨ੍ਤਾ। ਸਬ੍ਬਾ ਪਞ੍ਞਾ ਪਟਿਸਮ੍ਭਿਦਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਸਬ੍ਬਾ ਪਞ੍ਞਾ ਪਟਿਸਮ੍ਭਿਦਾਤਿ? ਆਮਨ੍ਤਾ। ਪਥવੀਕਸਿਣਂ ਸਮਾਪਤ੍ਤਿਂ ਸਮਾਪਨ੍ਨਸ੍ਸ ਅਤ੍ਥਿ ਪਞ੍ਞਾ, ਸਾ ਪਞ੍ਞਾ ਪਟਿਸਮ੍ਭਿਦਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਆਪੋਕਸਿਣਂ…ਪੇ॰… ਤੇਜੋਕਸਿਣਂ…ਪੇ॰… વਾਯੋਕਸਿਣਂ…ਪੇ॰… ਨੀਲਕਸਿਣਂ…ਪੇ॰… ਪੀਤਕਸਿਣਂ…ਪੇ॰… ਲੋਹਿਤਕਸਿਣਂ…ਪੇ॰… ਓਦਾਤਕਸਿਣਂ…ਪੇ॰… ਆਕਾਸਾਨਞ੍ਚਾਯਤਨਂ…ਪੇ॰… વਿਞ੍ਞਾਣਞ੍ਚਾਯਤਨਂ…ਪੇ॰… ਆਕਿਞ੍ਚਞ੍ਞਾਯਤਨਂ…ਪੇ॰… ਨੇવਸਞ੍ਞਾਨਾਸਞ੍ਞਾਯਤਨਂ ਸਮਾਪਨ੍ਨਸ੍ਸ…ਪੇ॰… ਦਾਨਂ ਦਦਨ੍ਤਸ੍ਸ…ਪੇ॰… ਚੀવਰਂ ਦਦਨ੍ਤਸ੍ਸ…ਪੇ॰… ਪਿਣ੍ਡਪਾਤਂ ਦਦਨ੍ਤਸ੍ਸ…ਪੇ॰… ਸੇਨਾਸਨਂ ਦਦਨ੍ਤਸ੍ਸ…ਪੇ॰… ਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰਂ ਦਦਨ੍ਤਸ੍ਸ ਅਤ੍ਥਿ ਪਞ੍ਞਾ, ਸਾ ਪਞ੍ਞਾ ਪਟਿਸਮ੍ਭਿਦਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Sabbaṃ ñāṇaṃ paṭisambhidāti? Āmantā. Sabbā paññā paṭisambhidāti? Na hevaṃ vattabbe…pe… sabbā paññā paṭisambhidāti? Āmantā. Pathavīkasiṇaṃ samāpattiṃ samāpannassa atthi paññā, sā paññā paṭisambhidāti? Na hevaṃ vattabbe…pe… āpokasiṇaṃ…pe… tejokasiṇaṃ…pe… vāyokasiṇaṃ…pe… nīlakasiṇaṃ…pe… pītakasiṇaṃ…pe… lohitakasiṇaṃ…pe… odātakasiṇaṃ…pe… ākāsānañcāyatanaṃ…pe… viññāṇañcāyatanaṃ…pe… ākiñcaññāyatanaṃ…pe… nevasaññānāsaññāyatanaṃ samāpannassa…pe… dānaṃ dadantassa…pe… cīvaraṃ dadantassa…pe… piṇḍapātaṃ dadantassa…pe… senāsanaṃ dadantassa…pe… gilānapaccayabhesajjaparikkhāraṃ dadantassa atthi paññā, sā paññā paṭisambhidāti? Na hevaṃ vattabbe…pe….
੪੩੩. ਨ વਤ੍ਤਬ੍ਬਂ – ‘‘ਸਬ੍ਬਂ ਞਾਣਂ ਪਟਿਸਮ੍ਭਿਦਾ’’ਤਿ? ਆਮਨ੍ਤਾ। ਅਤ੍ਥਿ ਲੋਕੁਤ੍ਤਰਾ ਪਞ੍ਞਾ, ਸਾ ਪਞ੍ਞਾ ਨ ਪਟਿਸਮ੍ਭਿਦਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਤੇਨ ਹਿ ਸਬ੍ਬਂ ਞਾਣਂ ਪਟਿਸਮ੍ਭਿਦਾਤਿ।
433. Na vattabbaṃ – ‘‘sabbaṃ ñāṇaṃ paṭisambhidā’’ti? Āmantā. Atthi lokuttarā paññā, sā paññā na paṭisambhidāti? Na hevaṃ vattabbe…pe… tena hi sabbaṃ ñāṇaṃ paṭisambhidāti.
ਪਟਿਸਮ੍ਭਿਦਾਕਥਾ ਨਿਟ੍ਠਿਤਾ।
Paṭisambhidākathā niṭṭhitā.
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੫. ਪਟਿਸਮ੍ਭਿਦਾਕਥਾવਣ੍ਣਨਾ • 5. Paṭisambhidākathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੫. ਪਟਿਸਮ੍ਭਿਦਾਕਥਾવਣ੍ਣਨਾ • 5. Paṭisambhidākathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੫. ਪਟਿਸਮ੍ਭਿਦਾਕਥਾવਣ੍ਣਨਾ • 5. Paṭisambhidākathāvaṇṇanā
