| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
5. бадисамбхид̣̇аагат̇ааван̣н̣анаа
5. Paṭisambhidākathāvaṇṇanā
432-433. ид̣̇аани бадисамбхид̣̇аагат̇аа наама ход̇и. д̇ад̇т̇а язсам̣ ‘‘яам̣гин̃жи арияаанам̣ н̃аан̣ам̣, саб̣б̣ам̣ логуд̇д̇арамзваа’’д̇и г̇ахзд̇ваа ‘‘саб̣б̣ам̣ н̃аан̣ам̣ бадисамбхид̣̇аа’’д̇и лад̣̇д̇хи, сзяяат̇ааби анд̇хагаанам̣; д̇з санд̇хааяа бужчаа сагаваад̣̇исса, бадин̃н̃аа ид̇арасса. саммуд̇ин̃аан̣абан̃хзсу бат̇авийгасин̣асаммуд̇ияам̣ самаабад̇д̇ин̃аан̣ам̣ санд̇хааяа бадигкибад̇и, нируд̇д̇ин̃аан̣ам̣ санд̇хааяа бадиж̇аанаад̇и. яз гзжи саммуд̇инд̇и бан̃хз бут̇уж̇ж̇анз санд̇хааяа бадигкибад̇и. жзд̇обарияааяабан̃хзсу бут̇уж̇ж̇анасса н̃аан̣ам̣ санд̇хааяа бадигкибад̇и, арияасса н̃аан̣ам̣ санд̇хааяа бадиж̇аанаад̇и. саб̣б̣аа бан̃н̃аад̇ибан̃хзсу гасин̣асамаабад̇д̇ибан̃хам̣ санд̇хааяа бадигкибад̇и, логуд̇д̇арам̣ санд̇хааяа бадиж̇аанаад̇и. бат̇авийгасин̣асамаабад̇д̇инд̇иаад̣̇и ‘‘яаа зд̇зсу зд̇д̇агзсу таанзсу бан̃н̃аа, гим̣ саб̣б̣аа саа бадисамбхид̣̇аа’’д̇и бужчанад̇т̇ам̣ вуд̇д̇ам̣. д̇зна хи саб̣б̣ам̣ н̃аан̣анд̇и яасмаа саб̣б̣аа логуд̇д̇арабан̃н̃аа бадисамбхид̣̇аа , д̇асмаа саб̣б̣анд̇и важанам̣ сааман̃н̃апалзна сад̣̇д̇хим̣ бад̇идтаабзд̇ийд̇и.
432-433. Idāni paṭisambhidākathā nāma hoti. Tattha yesaṃ ‘‘yaṃkiñci ariyānaṃ ñāṇaṃ, sabbaṃ lokuttaramevā’’ti gahetvā ‘‘sabbaṃ ñāṇaṃ paṭisambhidā’’ti laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Sammutiñāṇapañhesu pathavīkasiṇasammutiyaṃ samāpattiñāṇaṃ sandhāya paṭikkhipati, niruttiñāṇaṃ sandhāya paṭijānāti. Ye keci sammutinti pañhe puthujjane sandhāya paṭikkhipati. Cetopariyāyapañhesu puthujjanassa ñāṇaṃ sandhāya paṭikkhipati, ariyassa ñāṇaṃ sandhāya paṭijānāti. Sabbā paññātipañhesu kasiṇasamāpattipañhaṃ sandhāya paṭikkhipati, lokuttaraṃ sandhāya paṭijānāti. Pathavīkasiṇasamāpattintiādi ‘‘yā etesu ettakesu ṭhānesu paññā, kiṃ sabbā sā paṭisambhidā’’ti pucchanatthaṃ vuttaṃ. Tenahi sabbaṃ ñāṇanti yasmā sabbā lokuttarapaññā paṭisambhidā , tasmā sabbanti vacanaṃ sāmaññaphalena saddhiṃ patiṭṭhāpetīti.
бадисамбхид̣̇аагат̇ааван̣н̣анаа.
Paṭisambhidākathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (47) 5. бадисамбхид̣̇аагат̇аа • (47) 5. Paṭisambhidākathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 5. бадисамбхид̣̇аагат̇ааван̣н̣анаа • 5. Paṭisambhidākathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 5. бадисамбхид̣̇аагат̇ааван̣н̣анаа • 5. Paṭisambhidākathāvaṇṇanā
