| Library / Tipiṭaka / ติปิฎก • Tipiṭaka / ปญฺจปกรณ-อฎฺฐกถา • Pañcapakaraṇa-aṭṭhakathā |
๕. ปฎิสมฺภิทากถาวณฺณนา
5. Paṭisambhidākathāvaṇṇanā
๔๓๒-๔๓๓. อิทานิ ปฎิสมฺภิทากถา นาม โหติฯ ตตฺถ เยสํ ‘‘ยํกิญฺจิ อริยานํ ญาณํ, สพฺพํ โลกุตฺตรเมวา’’ติ คเหตฺวา ‘‘สพฺพํ ญาณํ ปฎิสมฺภิทา’’ติ ลทฺธิ, เสยฺยถาปิ อนฺธกานํ; เต สนฺธาย ปุจฺฉา สกวาทิสฺส, ปฎิญฺญา อิตรสฺสฯ สมฺมุติญาณปเญฺหสุ ปถวีกสิณสมฺมุติยํ สมาปตฺติญาณํ สนฺธาย ปฎิกฺขิปติ, นิรุตฺติญาณํ สนฺธาย ปฎิชานาติฯ เย เกจิ สมฺมุตินฺติ ปเญฺห ปุถุชฺชเน สนฺธาย ปฎิกฺขิปติฯ เจโตปริยายปเญฺหสุ ปุถุชฺชนสฺส ญาณํ สนฺธาย ปฎิกฺขิปติ, อริยสฺส ญาณํ สนฺธาย ปฎิชานาติฯ สพฺพา ปญฺญาติปเญฺหสุ กสิณสมาปตฺติปญฺหํ สนฺธาย ปฎิกฺขิปติ, โลกุตฺตรํ สนฺธาย ปฎิชานาติฯ ปถวีกสิณสมาปตฺตินฺติอาทิ ‘‘ยา เอเตสุ เอตฺตเกสุ ฐาเนสุ ปญฺญา, กิํ สพฺพา สา ปฎิสมฺภิทา’’ติ ปุจฺฉนตฺถํ วุตฺตํฯ เตน หิ สพฺพํ ญาณนฺติ ยสฺมา สพฺพา โลกุตฺตรปญฺญา ปฎิสมฺภิทา , ตสฺมา สพฺพนฺติ วจนํ สามญฺญผเลน สทฺธิํ ปติฎฺฐาเปตีติฯ
432-433. Idāni paṭisambhidākathā nāma hoti. Tattha yesaṃ ‘‘yaṃkiñci ariyānaṃ ñāṇaṃ, sabbaṃ lokuttaramevā’’ti gahetvā ‘‘sabbaṃ ñāṇaṃ paṭisambhidā’’ti laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Sammutiñāṇapañhesu pathavīkasiṇasammutiyaṃ samāpattiñāṇaṃ sandhāya paṭikkhipati, niruttiñāṇaṃ sandhāya paṭijānāti. Ye keci sammutinti pañhe puthujjane sandhāya paṭikkhipati. Cetopariyāyapañhesu puthujjanassa ñāṇaṃ sandhāya paṭikkhipati, ariyassa ñāṇaṃ sandhāya paṭijānāti. Sabbā paññātipañhesu kasiṇasamāpattipañhaṃ sandhāya paṭikkhipati, lokuttaraṃ sandhāya paṭijānāti. Pathavīkasiṇasamāpattintiādi ‘‘yā etesu ettakesu ṭhānesu paññā, kiṃ sabbā sā paṭisambhidā’’ti pucchanatthaṃ vuttaṃ. Tenahi sabbaṃ ñāṇanti yasmā sabbā lokuttarapaññā paṭisambhidā , tasmā sabbanti vacanaṃ sāmaññaphalena saddhiṃ patiṭṭhāpetīti.
ปฎิสมฺภิทากถาวณฺณนาฯ
Paṭisambhidākathāvaṇṇanā.
Related texts:
ติปิฎก (มูล) • Tipiṭaka (Mūla) / อภิธมฺมปิฎก • Abhidhammapiṭaka / กถาวตฺถุปาฬิ • Kathāvatthupāḷi / (๔๗) ๕. ปฎิสมฺภิทากถา • (47) 5. Paṭisambhidākathā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๕. ปฎิสมฺภิทากถาวณฺณนา • 5. Paṭisambhidākathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๕. ปฎิสมฺภิทากถาวณฺณนา • 5. Paṭisambhidākathāvaṇṇanā
