| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༦. པཊིསམྦྷིདཱཔཏྟསུཏྟཾ
6. Paṭisambhidāpattasuttaṃ
༨༦. ‘‘པཉྩཧི, བྷིཀྑཝེ, དྷམྨེཧི སམནྣཱགཏོ ཐེརོ བྷིཀྑུ སབྲཧྨཙཱརཱིནཾ པིཡོ ཙ ཧོཏི མནཱཔོ ཙ གརུ ཙ བྷཱཝནཱིཡོ ཙ། ཀཏམེཧི པཉྩཧི? ཨཏྠཔཊིསམྦྷིདཱཔཏྟོ ཧོཏི, དྷམྨཔཊིསམྦྷིདཱཔཏྟོ ཧོཏི, ནིརུཏྟིཔཊིསམྦྷིདཱཔཏྟོ ཧོཏི, པཊིབྷཱནཔཊིསམྦྷིདཱཔཏྟོ ཧོཏི , ཡཱནི ཏཱནི སབྲཧྨཙཱརཱིནཾ ཨུཙྩཱཝཙཱནི ཀིཾཀརཎཱིཡཱནི ཏཏྠ དཀྑོ ཧོཏི ཨནལསོ ཏཏྲུཔཱཡཱཡ ཝཱིམཾསཱཡ སམནྣཱགཏོ ཨལཾ ཀཱཏུཾ ཨལཾ སཾཝིདྷཱཏུཾ – ཨིམེཧི ཁོ, བྷིཀྑཝེ, པཉྩཧི དྷམྨེཧི སམནྣཱགཏོ ཐེརོ བྷིཀྑུ སབྲཧྨཙཱརཱིནཾ པིཡོ ཙ ཧོཏི མནཱཔོ ཙ གརུ ཙ བྷཱཝནཱིཡོ ཙཱ’’ཏི། ཚཊྛཾ།
86. ‘‘Pañcahi, bhikkhave, dhammehi samannāgato thero bhikkhu sabrahmacārīnaṃ piyo ca hoti manāpo ca garu ca bhāvanīyo ca. Katamehi pañcahi? Atthapaṭisambhidāpatto hoti, dhammapaṭisambhidāpatto hoti, niruttipaṭisambhidāpatto hoti, paṭibhānapaṭisambhidāpatto hoti , yāni tāni sabrahmacārīnaṃ uccāvacāni kiṃkaraṇīyāni tattha dakkho hoti analaso tatrupāyāya vīmaṃsāya samannāgato alaṃ kātuṃ alaṃ saṃvidhātuṃ – imehi kho, bhikkhave, pañcahi dhammehi samannāgato thero bhikkhu sabrahmacārīnaṃ piyo ca hoti manāpo ca garu ca bhāvanīyo cā’’ti. Chaṭṭhaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༦. པཊིསམྦྷིདཱཔྤཏྟསུཏྟཝཎྞནཱ • 6. Paṭisambhidāppattasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༦-༧. པཊིསམྦྷིདཱཔྤཏྟསུཏྟཱདིཝཎྞནཱ • 6-7. Paṭisambhidāppattasuttādivaṇṇanā
