| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
6-7. படிஸம்பி⁴தா³ப்பத்தஸுத்தாதி³வண்ணனா
6-7. Paṭisambhidāppattasuttādivaṇṇanā
86-87. ச²ட்டே² படிஸம்பி⁴தா³ஸு யங் வத்தப்³ப³ங், தங் ஹெட்டா² வுத்தமேவ. உச்சாவசானீதி உச்சனீசானி. தேனாஹ ‘‘மஹந்தகு²த்³த³கானீ’’தி. கிங்கரணீயானீதி ‘‘கிங் கரோமீ’’தி ஏவங் வத்வா கத்தப்³ப³கம்மானி. தத்த² உச்சகம்மானி நாம சீவரஸ்ஸ கரணங், ரஜனங், சேதியே ஸுதா⁴கம்மங், உபோஸதா²கா³ரசேதியக⁴ரபோ³தி⁴க⁴ரேஸு கத்தப்³ப³கம்மந்தி ஏவமாதி³. அவசகம்மங் நாம பாத³தோ⁴வனமக்க²னாதி³ கு²த்³த³ககம்மங். தத்ருபாயாஸாதி தத்ருபக³மனியா, தத்ர தத்ர மஹந்தே கு²த்³த³கே ச கம்மே ஸாத⁴னவஸேன உபக³ச்ச²ந்தியாதி அத்தோ². தஸ்ஸ தஸ்ஸ கம்மஸ்ஸ நிப்பா²த³னே ஸமத்தா²யாதி வுத்தங் ஹோதி. தத்ருபாயாயாதி வா தத்ர தத்ர கம்மே ஸாதே⁴தப்³பே³ உபாயபூ⁴தாய. அலங் காதுந்தி காதுங் ஸமத்தோ² ஹோதி. அலங் ஸங்விதா⁴துந்தி விசாரேதுங் ஸமத்தோ². ஸத்தமங் உத்தானமேவ.
86-87. Chaṭṭhe paṭisambhidāsu yaṃ vattabbaṃ, taṃ heṭṭhā vuttameva. Uccāvacānīti uccanīcāni. Tenāha ‘‘mahantakhuddakānī’’ti. Kiṃkaraṇīyānīti ‘‘kiṃ karomī’’ti evaṃ vatvā kattabbakammāni. Tattha uccakammāni nāma cīvarassa karaṇaṃ, rajanaṃ, cetiye sudhākammaṃ, uposathāgāracetiyagharabodhigharesu kattabbakammanti evamādi. Avacakammaṃ nāma pādadhovanamakkhanādi khuddakakammaṃ. Tatrupāyāsāti tatrupagamaniyā, tatra tatra mahante khuddake ca kamme sādhanavasena upagacchantiyāti attho. Tassa tassa kammassa nipphādane samatthāyāti vuttaṃ hoti. Tatrupāyāyāti vā tatra tatra kamme sādhetabbe upāyabhūtāya. Alaṃ kātunti kātuṃ samattho hoti. Alaṃ saṃvidhātunti vicāretuṃ samattho. Sattamaṃ uttānameva.
படிஸம்பி⁴தா³ப்பத்தஸுத்தாதி³வண்ணனா நிட்டி²தா.
Paṭisambhidāppattasuttādivaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya
6. படிஸம்பி⁴தா³பத்தஸுத்தங் • 6. Paṭisambhidāpattasuttaṃ
7. ஸீலவந்தஸுத்தங் • 7. Sīlavantasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā)
6. படிஸம்பி⁴தா³ப்பத்தஸுத்தவண்ணனா • 6. Paṭisambhidāppattasuttavaṇṇanā
7. ஸீலவந்தஸுத்தவண்ணனா • 7. Sīlavantasuttavaṇṇanā
