| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৬-৭. পটিসম্ভিদাপ্পত্তসুত্তাদিৰণ্ণনা
6-7. Paṭisambhidāppattasuttādivaṇṇanā
৮৬-৮৭. ছট্ঠে পটিসম্ভিদাসু যং ৰত্তব্বং, তং হেট্ঠা ৰুত্তমেৰ। উচ্চাৰচানীতি উচ্চনীচানি। তেনাহ ‘‘মহন্তখুদ্দকানী’’তি। কিংকরণীযানীতি ‘‘কিং করোমী’’তি এৰং ৰত্ৰা কত্তব্বকম্মানি। তত্থ উচ্চকম্মানি নাম চীৰরস্স করণং, রজনং, চেতিযে সুধাকম্মং, উপোসথাগারচেতিযঘরবোধিঘরেসু কত্তব্বকম্মন্তি এৰমাদি। অৰচকম্মং নাম পাদধোৰনমক্খনাদি খুদ্দককম্মং। তত্রুপাযাসাতি তত্রুপগমনিযা, তত্র তত্র মহন্তে খুদ্দকে চ কম্মে সাধনৰসেন উপগচ্ছন্তিযাতি অত্থো। তস্স তস্স কম্মস্স নিপ্ফাদনে সমত্থাযাতি ৰুত্তং হোতি। তত্রুপাযাযাতি ৰা তত্র তত্র কম্মে সাধেতব্বে উপাযভূতায। অলং কাতুন্তি কাতুং সমত্থো হোতি। অলং সংৰিধাতুন্তি ৰিচারেতুং সমত্থো। সত্তমং উত্তানমেৰ।
86-87. Chaṭṭhe paṭisambhidāsu yaṃ vattabbaṃ, taṃ heṭṭhā vuttameva. Uccāvacānīti uccanīcāni. Tenāha ‘‘mahantakhuddakānī’’ti. Kiṃkaraṇīyānīti ‘‘kiṃ karomī’’ti evaṃ vatvā kattabbakammāni. Tattha uccakammāni nāma cīvarassa karaṇaṃ, rajanaṃ, cetiye sudhākammaṃ, uposathāgāracetiyagharabodhigharesu kattabbakammanti evamādi. Avacakammaṃ nāma pādadhovanamakkhanādi khuddakakammaṃ. Tatrupāyāsāti tatrupagamaniyā, tatra tatra mahante khuddake ca kamme sādhanavasena upagacchantiyāti attho. Tassa tassa kammassa nipphādane samatthāyāti vuttaṃ hoti. Tatrupāyāyāti vā tatra tatra kamme sādhetabbe upāyabhūtāya. Alaṃ kātunti kātuṃ samattho hoti. Alaṃ saṃvidhātunti vicāretuṃ samattho. Sattamaṃ uttānameva.
পটিসম্ভিদাপ্পত্তসুত্তাদিৰণ্ণনা নিট্ঠিতা।
Paṭisambhidāppattasuttādivaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya
৬. পটিসম্ভিদাপত্তসুত্তং • 6. Paṭisambhidāpattasuttaṃ
৭. সীলৰন্তসুত্তং • 7. Sīlavantasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā)
৬. পটিসম্ভিদাপ্পত্তসুত্তৰণ্ণনা • 6. Paṭisambhidāppattasuttavaṇṇanā
৭. সীলৰন্তসুত্তৰণ্ণনা • 7. Sīlavantasuttavaṇṇanā
