| Library / Tipiṭaka / ติปิฎก • Tipiṭaka / องฺคุตฺตรนิกาย (ฎีกา) • Aṅguttaranikāya (ṭīkā) |
๖-๗. ปฎิสมฺภิทาปฺปตฺตสุตฺตาทิวณฺณนา
6-7. Paṭisambhidāppattasuttādivaṇṇanā
๘๖-๘๗. ฉเฎฺฐ ปฎิสมฺภิทาสุ ยํ วตฺตพฺพํ, ตํ เหฎฺฐา วุตฺตเมวฯ อุจฺจาวจานีติ อุจฺจนีจานิฯ เตนาห ‘‘มหนฺตขุทฺทกานี’’ติฯ กิํกรณียานีติ ‘‘กิํ กโรมี’’ติ เอวํ วตฺวา กตฺตพฺพกมฺมานิฯ ตตฺถ อุจฺจกมฺมานิ นาม จีวรสฺส กรณํ, รชนํ, เจติเย สุธากมฺมํ, อุโปสถาคารเจติยฆรโพธิฆเรสุ กตฺตพฺพกมฺมนฺติ เอวมาทิฯ อวจกมฺมํ นาม ปาทโธวนมกฺขนาทิ ขุทฺทกกมฺมํฯ ตตฺรุปายาสาติ ตตฺรุปคมนิยา, ตตฺร ตตฺร มหเนฺต ขุทฺทเก จ กเมฺม สาธนวเสน อุปคจฺฉนฺติยาติ อโตฺถฯ ตสฺส ตสฺส กมฺมสฺส นิปฺผาทเน สมตฺถายาติ วุตฺตํ โหติฯ ตตฺรุปายายาติ วา ตตฺร ตตฺร กเมฺม สาเธตเพฺพ อุปายภูตายฯ อลํ กาตุนฺติ กาตุํ สมโตฺถ โหติฯ อลํ สํวิธาตุนฺติ วิจาเรตุํ สมโตฺถฯ สตฺตมํ อุตฺตานเมวฯ
86-87. Chaṭṭhe paṭisambhidāsu yaṃ vattabbaṃ, taṃ heṭṭhā vuttameva. Uccāvacānīti uccanīcāni. Tenāha ‘‘mahantakhuddakānī’’ti. Kiṃkaraṇīyānīti ‘‘kiṃ karomī’’ti evaṃ vatvā kattabbakammāni. Tattha uccakammāni nāma cīvarassa karaṇaṃ, rajanaṃ, cetiye sudhākammaṃ, uposathāgāracetiyagharabodhigharesu kattabbakammanti evamādi. Avacakammaṃ nāma pādadhovanamakkhanādi khuddakakammaṃ. Tatrupāyāsāti tatrupagamaniyā, tatra tatra mahante khuddake ca kamme sādhanavasena upagacchantiyāti attho. Tassa tassa kammassa nipphādane samatthāyāti vuttaṃ hoti. Tatrupāyāyāti vā tatra tatra kamme sādhetabbe upāyabhūtāya. Alaṃ kātunti kātuṃ samattho hoti. Alaṃ saṃvidhātunti vicāretuṃ samattho. Sattamaṃ uttānameva.
ปฎิสมฺภิทาปฺปตฺตสุตฺตาทิวณฺณนา นิฎฺฐิตาฯ
Paṭisambhidāppattasuttādivaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya
๖. ปฎิสมฺภิทาปตฺตสุตฺตํ • 6. Paṭisambhidāpattasuttaṃ
๗. สีลวนฺตสุตฺตํ • 7. Sīlavantasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā)
๖. ปฎิสมฺภิทาปฺปตฺตสุตฺตวณฺณนา • 6. Paṭisambhidāppattasuttavaṇṇanā
๗. สีลวนฺตสุตฺตวณฺณนา • 7. Sīlavantasuttavaṇṇanā
