| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
៦-៧. បដិសម្ភិទាប្បត្តសុត្តាទិវណ្ណនា
6-7. Paṭisambhidāppattasuttādivaṇṇanā
៨៦-៨៧. ឆដ្ឋេ បដិសម្ភិទាសុ យំ វត្តព្ពំ, តំ ហេដ្ឋា វុត្តមេវ។ ឧច្ចាវចានីតិ ឧច្ចនីចានិ។ តេនាហ ‘‘មហន្តខុទ្ទកានី’’តិ។ កិំករណីយានីតិ ‘‘កិំ ករោមី’’តិ ឯវំ វត្វា កត្តព្ពកម្មានិ។ តត្ថ ឧច្ចកម្មានិ នាម ចីវរស្ស ករណំ, រជនំ, ចេតិយេ សុធាកម្មំ, ឧបោសថាគារចេតិយឃរពោធិឃរេសុ កត្តព្ពកម្មន្តិ ឯវមាទិ។ អវចកម្មំ នាម បាទធោវនមក្ខនាទិ ខុទ្ទកកម្មំ។ តត្រុបាយាសាតិ តត្រុបគមនិយា, តត្រ តត្រ មហន្តេ ខុទ្ទកេ ច កម្មេ សាធនវសេន ឧបគច្ឆន្តិយាតិ អត្ថោ។ តស្ស តស្ស កម្មស្ស និប្ផាទនេ សមត្ថាយាតិ វុត្តំ ហោតិ។ តត្រុបាយាយាតិ វា តត្រ តត្រ កម្មេ សាធេតព្ពេ ឧបាយភូតាយ។ អលំ កាតុន្តិ កាតុំ សមត្ថោ ហោតិ។ អលំ សំវិធាតុន្តិ វិចារេតុំ សមត្ថោ។ សត្តមំ ឧត្តានមេវ។
86-87. Chaṭṭhe paṭisambhidāsu yaṃ vattabbaṃ, taṃ heṭṭhā vuttameva. Uccāvacānīti uccanīcāni. Tenāha ‘‘mahantakhuddakānī’’ti. Kiṃkaraṇīyānīti ‘‘kiṃ karomī’’ti evaṃ vatvā kattabbakammāni. Tattha uccakammāni nāma cīvarassa karaṇaṃ, rajanaṃ, cetiye sudhākammaṃ, uposathāgāracetiyagharabodhigharesu kattabbakammanti evamādi. Avacakammaṃ nāma pādadhovanamakkhanādi khuddakakammaṃ. Tatrupāyāsāti tatrupagamaniyā, tatra tatra mahante khuddake ca kamme sādhanavasena upagacchantiyāti attho. Tassa tassa kammassa nipphādane samatthāyāti vuttaṃ hoti. Tatrupāyāyāti vā tatra tatra kamme sādhetabbe upāyabhūtāya. Alaṃ kātunti kātuṃ samattho hoti. Alaṃ saṃvidhātunti vicāretuṃ samattho. Sattamaṃ uttānameva.
បដិសម្ភិទាប្បត្តសុត្តាទិវណ្ណនា និដ្ឋិតា។
Paṭisambhidāppattasuttādivaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya
៦. បដិសម្ភិទាបត្តសុត្តំ • 6. Paṭisambhidāpattasuttaṃ
៧. សីលវន្តសុត្តំ • 7. Sīlavantasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā)
៦. បដិសម្ភិទាប្បត្តសុត្តវណ្ណនា • 6. Paṭisambhidāppattasuttavaṇṇanā
៧. សីលវន្តសុត្តវណ្ណនា • 7. Sīlavantasuttavaṇṇanā
