| Library / Tipiṭaka / തിപിടക • Tipiṭaka / അങ്ഗുത്തരനികായ (ടീകാ) • Aṅguttaranikāya (ṭīkā) |
൬-൭. പടിസമ്ഭിദാപ്പത്തസുത്താദിവണ്ണനാ
6-7. Paṭisambhidāppattasuttādivaṇṇanā
൮൬-൮൭. ഛട്ഠേ പടിസമ്ഭിദാസു യം വത്തബ്ബം, തം ഹേട്ഠാ വുത്തമേവ. ഉച്ചാവചാനീതി ഉച്ചനീചാനി. തേനാഹ ‘‘മഹന്തഖുദ്ദകാനീ’’തി. കിംകരണീയാനീതി ‘‘കിം കരോമീ’’തി ഏവം വത്വാ കത്തബ്ബകമ്മാനി. തത്ഥ ഉച്ചകമ്മാനി നാമ ചീവരസ്സ കരണം, രജനം, ചേതിയേ സുധാകമ്മം, ഉപോസഥാഗാരചേതിയഘരബോധിഘരേസു കത്തബ്ബകമ്മന്തി ഏവമാദി. അവചകമ്മം നാമ പാദധോവനമക്ഖനാദി ഖുദ്ദകകമ്മം. തത്രുപായാസാതി തത്രുപഗമനിയാ, തത്ര തത്ര മഹന്തേ ഖുദ്ദകേ ച കമ്മേ സാധനവസേന ഉപഗച്ഛന്തിയാതി അത്ഥോ. തസ്സ തസ്സ കമ്മസ്സ നിപ്ഫാദനേ സമത്ഥായാതി വുത്തം ഹോതി. തത്രുപായായാതി വാ തത്ര തത്ര കമ്മേ സാധേതബ്ബേ ഉപായഭൂതായ. അലം കാതുന്തി കാതും സമത്ഥോ ഹോതി. അലം സംവിധാതുന്തി വിചാരേതും സമത്ഥോ. സത്തമം ഉത്താനമേവ.
86-87. Chaṭṭhe paṭisambhidāsu yaṃ vattabbaṃ, taṃ heṭṭhā vuttameva. Uccāvacānīti uccanīcāni. Tenāha ‘‘mahantakhuddakānī’’ti. Kiṃkaraṇīyānīti ‘‘kiṃ karomī’’ti evaṃ vatvā kattabbakammāni. Tattha uccakammāni nāma cīvarassa karaṇaṃ, rajanaṃ, cetiye sudhākammaṃ, uposathāgāracetiyagharabodhigharesu kattabbakammanti evamādi. Avacakammaṃ nāma pādadhovanamakkhanādi khuddakakammaṃ. Tatrupāyāsāti tatrupagamaniyā, tatra tatra mahante khuddake ca kamme sādhanavasena upagacchantiyāti attho. Tassa tassa kammassa nipphādane samatthāyāti vuttaṃ hoti. Tatrupāyāyāti vā tatra tatra kamme sādhetabbe upāyabhūtāya. Alaṃ kātunti kātuṃ samattho hoti. Alaṃ saṃvidhātunti vicāretuṃ samattho. Sattamaṃ uttānameva.
പടിസമ്ഭിദാപ്പത്തസുത്താദിവണ്ണനാ നിട്ഠിതാ.
Paṭisambhidāppattasuttādivaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya
൬. പടിസമ്ഭിദാപത്തസുത്തം • 6. Paṭisambhidāpattasuttaṃ
൭. സീലവന്തസുത്തം • 7. Sīlavantasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā)
൬. പടിസമ്ഭിദാപ്പത്തസുത്തവണ്ണനാ • 6. Paṭisambhidāppattasuttavaṇṇanā
൭. സീലവന്തസുത്തവണ്ണനാ • 7. Sīlavantasuttavaṇṇanā
