| Library / Tipiṭaka / তিপিটক • Tipiṭaka / পটিসম্ভিদামগ্গপাল়ি • Paṭisambhidāmaggapāḷi |
৮. পটিসম্ভিদাৰারো
8. Paṭisambhidāvāro
৩৭. ‘‘‘যাৰতা অত্থপটিসম্ভিদায অত্থপটিসম্ভিদট্ঠো, ঞাতো দিট্ঠো ৰিদিতো সচ্ছিকতো ফস্সিতো পঞ্ঞায। অফস্সিতো পঞ্ঞায অত্থপটিসম্ভিদট্ঠো নত্থী’তি – চক্খুং উদপাদি…পে॰… আলোকো উদপাদি’’। অত্থপটিসম্ভিদায অত্থপটিসম্ভিদট্ঠে পঞ্চৰীসতি ধম্মা, পঞ্চৰীসতি অত্থা, পঞ্ঞাস নিরুত্তিযো, সতং ঞাণানি।
37. ‘‘‘Yāvatā atthapaṭisambhidāya atthapaṭisambhidaṭṭho, ñāto diṭṭho vidito sacchikato phassito paññāya. Aphassito paññāya atthapaṭisambhidaṭṭho natthī’ti – cakkhuṃ udapādi…pe… āloko udapādi’’. Atthapaṭisambhidāya atthapaṭisambhidaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
‘‘‘যাৰতা ধম্মপটিসম্ভিদায ধম্মপটিসম্ভিদট্ঠো…পে॰… যাৰতা নিরুত্তিপটিসম্ভিদায নিরুত্তিপটিসম্ভিদট্ঠো…পে॰… যাৰতা পটিভানপটিসম্ভিদায পটিভানপটিসম্ভিদট্ঠো, ঞাতো দিট্ঠো ৰিদিতো সচ্ছিকতো ফস্সিতো পঞ্ঞায। অফস্সিতো পঞ্ঞায পটিভানপটিসম্ভিদট্ঠো নত্থী’তি – চক্খুং উদপাদি …পে॰… আলোকো উদপাদি’’। পটিভানপটিসম্ভিদট্ঠে পঞ্চৰীসতি ধম্মা, পঞ্চৰীসতি অত্থা, পঞ্ঞাস নিরুত্তিযো, সতং ঞাণানি।
‘‘‘Yāvatā dhammapaṭisambhidāya dhammapaṭisambhidaṭṭho…pe… yāvatā niruttipaṭisambhidāya niruttipaṭisambhidaṭṭho…pe… yāvatā paṭibhānapaṭisambhidāya paṭibhānapaṭisambhidaṭṭho, ñāto diṭṭho vidito sacchikato phassito paññāya. Aphassito paññāya paṭibhānapaṭisambhidaṭṭho natthī’ti – cakkhuṃ udapādi …pe… āloko udapādi’’. Paṭibhānapaṭisambhidaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
চতূসু পটিসম্ভিদাসু সতং ধম্মা, সতং অত্থা, দ্ৰে নিরুত্তিসতানি, চত্তারি ঞাণসতানি।
Catūsu paṭisambhidāsu sataṃ dhammā, sataṃ atthā, dve niruttisatāni, cattāri ñāṇasatāni.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / পটিসম্ভিদামগ্গ-অট্ঠকথা • Paṭisambhidāmagga-aṭṭhakathā / ৪-৮. সত্তবোধিসত্তৰারাদিৰণ্ণনা • 4-8. Sattabodhisattavārādivaṇṇanā
