| Library / Tipiṭaka / တိပိဋက • Tipiṭaka / ပဋိသမ္ဘိဒာမဂ္ဂပာဠိ • Paṭisambhidāmaggapāḷi |
၈. ပဋိသမ္ဘိဒာဝာရော
8. Paṭisambhidāvāro
၃၇. ‘‘‘ယာဝတာ အတ္ထပဋိသမ္ဘိဒာယ အတ္ထပဋိသမ္ဘိဒဋ္ဌော, ဉာတော ဒိဋ္ဌော ဝိဒိတော သစ္ဆိကတော ဖသ္သိတော ပညာယ။ အဖသ္သိတော ပညာယ အတ္ထပဋိသမ္ဘိဒဋ္ဌော နတ္ထီ’တိ – စက္ခုံ ဥဒပာဒိ။ပေ.။ အာလောကော ဥဒပာဒိ’’။ အတ္ထပဋိသမ္ဘိဒာယ အတ္ထပဋိသမ္ဘိဒဋ္ဌေ ပဉ္စဝီသတိ ဓမ္မာ, ပဉ္စဝီသတိ အတ္ထာ, ပညာသ နိရုတ္တိယော, သတံ ဉာဏာနိ။
37. ‘‘‘Yāvatā atthapaṭisambhidāya atthapaṭisambhidaṭṭho, ñāto diṭṭho vidito sacchikato phassito paññāya. Aphassito paññāya atthapaṭisambhidaṭṭho natthī’ti – cakkhuṃ udapādi…pe… āloko udapādi’’. Atthapaṭisambhidāya atthapaṭisambhidaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
‘‘‘ယာဝတာ ဓမ္မပဋိသမ္ဘိဒာယ ဓမ္မပဋိသမ္ဘိဒဋ္ဌော။ပေ.။ ယာဝတာ နိရုတ္တိပဋိသမ္ဘိဒာယ နိရုတ္တိပဋိသမ္ဘိဒဋ္ဌော။ပေ.။ ယာဝတာ ပဋိဘာနပဋိသမ္ဘိဒာယ ပဋိဘာနပဋိသမ္ဘိဒဋ္ဌော, ဉာတော ဒိဋ္ဌော ဝိဒိတော သစ္ဆိကတော ဖသ္သိတော ပညာယ။ အဖသ္သိတော ပညာယ ပဋိဘာနပဋိသမ္ဘိဒဋ္ဌော နတ္ထီ’တိ – စက္ခုံ ဥဒပာဒိ ။ပေ.။ အာလောကော ဥဒပာဒိ’’။ ပဋိဘာနပဋိသမ္ဘိဒဋ္ဌေ ပဉ္စဝီသတိ ဓမ္မာ, ပဉ္စဝီသတိ အတ္ထာ, ပညာသ နိရုတ္တိယော, သတံ ဉာဏာနိ။
‘‘‘Yāvatā dhammapaṭisambhidāya dhammapaṭisambhidaṭṭho…pe… yāvatā niruttipaṭisambhidāya niruttipaṭisambhidaṭṭho…pe… yāvatā paṭibhānapaṭisambhidāya paṭibhānapaṭisambhidaṭṭho, ñāto diṭṭho vidito sacchikato phassito paññāya. Aphassito paññāya paṭibhānapaṭisambhidaṭṭho natthī’ti – cakkhuṃ udapādi …pe… āloko udapādi’’. Paṭibhānapaṭisambhidaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
စတူသု ပဋိသမ္ဘိဒာသု သတံ ဓမ္မာ, သတံ အတ္ထာ, ဒ္ဝေ နိရုတ္တိသတာနိ, စတ္တာရိ ဉာဏသတာနိ။
Catūsu paṭisambhidāsu sataṃ dhammā, sataṃ atthā, dve niruttisatāni, cattāri ñāṇasatāni.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / ပဋိသမ္ဘိဒာမဂ္ဂ-အဋ္ဌကထာ • Paṭisambhidāmagga-aṭṭhakathā / ၄-၈. သတ္တဗောဓိသတ္တဝာရာဒိဝဏ္ဏနာ • 4-8. Sattabodhisattavārādivaṇṇanā
