| Library / Tipiṭaka / തിപിടക • Tipiṭaka / പടിസമ്ഭിദാമഗ്ഗപാളി • Paṭisambhidāmaggapāḷi |
൮. പടിസമ്ഭിദാവാരോ
8. Paṭisambhidāvāro
൩൭. ‘‘‘യാവതാ അത്ഥപടിസമ്ഭിദായ അത്ഥപടിസമ്ഭിദട്ഠോ, ഞാതോ ദിട്ഠോ വിദിതോ സച്ഛികതോ ഫസ്സിതോ പഞ്ഞായ. അഫസ്സിതോ പഞ്ഞായ അത്ഥപടിസമ്ഭിദട്ഠോ നത്ഥീ’തി – ചക്ഖും ഉദപാദി…പേ॰… ആലോകോ ഉദപാദി’’. അത്ഥപടിസമ്ഭിദായ അത്ഥപടിസമ്ഭിദട്ഠേ പഞ്ചവീസതി ധമ്മാ, പഞ്ചവീസതി അത്ഥാ, പഞ്ഞാസ നിരുത്തിയോ, സതം ഞാണാനി.
37. ‘‘‘Yāvatā atthapaṭisambhidāya atthapaṭisambhidaṭṭho, ñāto diṭṭho vidito sacchikato phassito paññāya. Aphassito paññāya atthapaṭisambhidaṭṭho natthī’ti – cakkhuṃ udapādi…pe… āloko udapādi’’. Atthapaṭisambhidāya atthapaṭisambhidaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
‘‘‘യാവതാ ധമ്മപടിസമ്ഭിദായ ധമ്മപടിസമ്ഭിദട്ഠോ…പേ॰… യാവതാ നിരുത്തിപടിസമ്ഭിദായ നിരുത്തിപടിസമ്ഭിദട്ഠോ…പേ॰… യാവതാ പടിഭാനപടിസമ്ഭിദായ പടിഭാനപടിസമ്ഭിദട്ഠോ, ഞാതോ ദിട്ഠോ വിദിതോ സച്ഛികതോ ഫസ്സിതോ പഞ്ഞായ. അഫസ്സിതോ പഞ്ഞായ പടിഭാനപടിസമ്ഭിദട്ഠോ നത്ഥീ’തി – ചക്ഖും ഉദപാദി …പേ॰… ആലോകോ ഉദപാദി’’. പടിഭാനപടിസമ്ഭിദട്ഠേ പഞ്ചവീസതി ധമ്മാ, പഞ്ചവീസതി അത്ഥാ, പഞ്ഞാസ നിരുത്തിയോ, സതം ഞാണാനി.
‘‘‘Yāvatā dhammapaṭisambhidāya dhammapaṭisambhidaṭṭho…pe… yāvatā niruttipaṭisambhidāya niruttipaṭisambhidaṭṭho…pe… yāvatā paṭibhānapaṭisambhidāya paṭibhānapaṭisambhidaṭṭho, ñāto diṭṭho vidito sacchikato phassito paññāya. Aphassito paññāya paṭibhānapaṭisambhidaṭṭho natthī’ti – cakkhuṃ udapādi …pe… āloko udapādi’’. Paṭibhānapaṭisambhidaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
ചതൂസു പടിസമ്ഭിദാസു സതം ധമ്മാ, സതം അത്ഥാ, ദ്വേ നിരുത്തിസതാനി, ചത്താരി ഞാണസതാനി.
Catūsu paṭisambhidāsu sataṃ dhammā, sataṃ atthā, dve niruttisatāni, cattāri ñāṇasatāni.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / പടിസമ്ഭിദാമഗ്ഗ-അട്ഠകഥാ • Paṭisambhidāmagga-aṭṭhakathā / ൪-൮. സത്തബോധിസത്തവാരാദിവണ്ണനാ • 4-8. Sattabodhisattavārādivaṇṇanā
