| Library / Tipiṭaka / д̇ибидага • Tipiṭaka / вибхан̇г̇а-мууладийгаа • Vibhaṅga-mūlaṭīkā |
15. бадисамбхид̣̇аавибхан̇г̇о
15. Paṭisambhidāvibhaṅgo
1. суд̇д̇анд̇абхааж̇анийяам̣
1. Suttantabhājanīyaṃ
1. сан̇г̇ахаваараван̣н̣анаа
1. Saṅgahavāravaṇṇanā
718. зсзва наяод̇и сан̇кзбзна д̣̇ассзд̇ваа д̇амзва наяам̣ вид̇т̇аарад̇о д̣̇ассзд̇ум̣ ‘‘д̇хаммаббабхзд̣̇асса хий’’д̇иаад̣̇имааха. нируд̇д̇ибадибхаанаббабхзд̣̇аа д̇аб̣б̣исаяаанам̣ ад̇т̇аад̣̇ийнам̣ бажжаяуббаннаад̣̇ибхзд̣̇зхи бхинд̣̇ид̇ваа взд̣̇ид̇аб̣б̣аа.
718. Esevanayoti saṅkhepena dassetvā tameva nayaṃ vitthārato dassetuṃ ‘‘dhammappabhedassa hī’’tiādimāha. Niruttipaṭibhānappabhedā tabbisayānaṃ atthādīnaṃ paccayuppannādibhedehi bhinditvā veditabbā.
‘‘яам̣ гин̃жи бажжаяасамуббанна’’нд̇и зд̇зна сажжахзд̇уд̇хаммабажжаяаагаараваарзсу ааг̇ад̇аани д̣̇угкаад̣̇ийни г̇ахид̇аани. сажжабажжаяаагаараваарзсу ниб̣б̣аанам̣, барияад̇д̇иваарз бхаасид̇ад̇т̇о, абхид̇хаммабхааж̇анийяз вибааго гирияан̃жаад̇и звам̣ баал̣ияам̣ вуд̇д̇аанамзва васзна бан̃жа ад̇т̇аа взд̣̇ид̇аб̣б̣аа, д̇ат̇аа д̇хаммаа жа.
‘‘Yaṃ kiñci paccayasamuppanna’’nti etena saccahetudhammapaccayākāravāresu āgatāni dukkhādīni gahitāni. Saccapaccayākāravāresu nibbānaṃ, pariyattivāre bhāsitattho, abhidhammabhājanīye vipāko kiriyañcāti evaṃ pāḷiyaṃ vuttānameva vasena pañca atthā veditabbā, tathā dhammā ca.
вид̣̇ахад̇ийд̇и ниб̣б̣ад̇д̇агахзд̇уаад̣̇ийнам̣ саад̇хааран̣ам̣ ниб̣б̣ажанам̣, д̇ад̣̇ад̇т̇ам̣ бана вибхаавзд̇умааха ‘‘бавад̇д̇зд̇и жзва баабзд̇и жаа’’д̇и. д̇зсу буримо ад̇т̇о маг̇г̇аваж̇ж̇зсу д̣̇адтаб̣б̣о. бхаасид̇амби хи аваб̣од̇ханавасзна ад̇т̇ам̣ бавад̇д̇зд̇ийд̇и. маг̇г̇о бана ниб̣б̣аанам̣ баабзд̇ийд̇и д̇асмим̣ бажчимо.
Vidahatīti nibbattakahetuādīnaṃ sādhāraṇaṃ nibbacanaṃ, tadatthaṃ pana vibhāvetumāha ‘‘pavatteti ceva pāpeti cā’’ti. Tesu purimo attho maggavajjesu daṭṭhabbo. Bhāsitampi hi avabodhanavasena atthaṃ pavattetīti. Maggo pana nibbānaṃ pāpetīti tasmiṃ pacchimo.
д̇хамманируд̇д̇аабхилаабзд̇и зд̇т̇а д̇хамма-сад̣̇д̣̇о сабхаававаажагод̇и гад̇ваа ааха ‘‘яаа сабхааванируд̇д̇ий’’д̇и, авибарийд̇анируд̇д̇ийд̇и ад̇т̇о. д̇ассаа абхилаабзд̇и д̇ассаа нируд̇д̇ияаа аважанабхууд̇ааяа бан̃н̃ад̇д̇ияаа абхилаабзд̇и гзжи ван̣н̣аяанд̇и. звам̣ сад̇и бан̃н̃ад̇д̇и абхилабид̇аб̣б̣аа , на важананд̇и аабаж̇ж̇ад̇и, на жа важанад̇о ан̃н̃ам̣ абхилабид̇аб̣б̣ам̣ ужжаарзд̇аб̣б̣ам̣ ад̇т̇и, ат̇ааби пассаад̣̇иважанзхи б̣од̇хзд̇аб̣б̣ам̣ абхилабид̇аб̣б̣ам̣ сияаа, звам̣ сад̇и ад̇т̇ад̇хаммаваж̇ж̇ам̣ д̇зхи б̣од̇хзд̇аб̣б̣ам̣ на виж̇ж̇ад̇ийд̇и д̇зсам̣ нируд̇д̇ибхааво аабаж̇ж̇ад̇и. ‘‘пассод̇и жа сабхааванируд̇д̇и, пассам̣ пассаад̇и на сабхааванируд̇д̇ий’’д̇и д̣̇ассид̇овааяамад̇т̇о, на жа аважанам̣ звам̣багаарам̣ ад̇т̇и, д̇асмаа важанабхууд̇ааяа зва д̇ассаа сабхааванируд̇д̇ияаа абхилаабз ужжааран̣зд̇и ад̇т̇о д̣̇адтаб̣б̣о.
Dhammaniruttābhilāpeti ettha dhamma-saddo sabhāvavācakoti katvā āha ‘‘yā sabhāvaniruttī’’ti, aviparītaniruttīti attho. Tassā abhilāpeti tassā niruttiyā avacanabhūtāya paññattiyā abhilāpeti keci vaṇṇayanti. Evaṃ sati paññatti abhilapitabbā , na vacananti āpajjati, na ca vacanato aññaṃ abhilapitabbaṃ uccāretabbaṃ atthi, athāpi phassādivacanehi bodhetabbaṃ abhilapitabbaṃ siyā, evaṃ sati atthadhammavajjaṃ tehi bodhetabbaṃ na vijjatīti tesaṃ niruttibhāvo āpajjati. ‘‘Phassoti ca sabhāvanirutti, phassaṃ phassāti na sabhāvaniruttī’’ti dassitovāyamattho, na ca avacanaṃ evaṃpakāraṃ atthi, tasmā vacanabhūtāya eva tassā sabhāvaniruttiyā abhilāpe uccāraṇeti attho daṭṭhabbo.
д̇ам̣ сабхааванируд̇д̇им̣ сад̣̇д̣̇ам̣ аарамман̣ам̣ гад̇ваа бажжавзгканд̇асса д̇асмим̣ сабхааванируд̇д̇аабхилаабз бабхзд̣̇аг̇ад̇ам̣ н̃аан̣ам̣ нируд̇д̇ибадисамбхид̣̇аад̇и вуд̇д̇ад̇д̇аа нируд̇д̇исад̣̇д̣̇аарамман̣ааяа сод̇авин̃н̃аан̣авийт̇ияаа барад̇о манод̣̇ваарз нируд̇д̇ибадисамбхид̣̇аа бавад̇д̇ад̇ийд̇и вад̣̇анд̇и. ‘‘нируд̇д̇ибадисамбхид̣̇аа бажжуббаннаарамман̣аа’’д̇и жа важанам̣ сад̣̇д̣̇ам̣ г̇ахзд̇ваа бажчаа ж̇аананам̣ санд̇хааяа вуд̇д̇анд̇и. звам̣ бана ан̃н̃асмим̣ бажжуббаннаарамман̣з ан̃н̃ам̣ бажжуббаннаарамман̣анд̇и вуд̇д̇анд̇и аабаж̇ж̇ад̇и. яат̇аа бана д̣̇иб̣б̣асод̇ан̃аан̣ам̣ мануссаамануссаад̣̇исад̣̇д̣̇аббабхзд̣̇анижчаяасса бажжаяабхууд̇ам̣ д̇ам̣ д̇ам̣ сад̣̇д̣̇авибхаавагам̣, звам̣ сабхааваасабхааванируд̇д̇инижчаяасса бажжаяабхууд̇ам̣ бажжуббаннасабхааванируд̇д̇исад̣̇д̣̇аарамман̣ам̣ д̇ам̣вибхааваган̃аан̣ам̣ нируд̇д̇ибадисамбхид̣̇аад̇и вужжамаанз на баал̣ивирод̇хо ход̇и. д̇ам̣ сабхааванируд̇д̇им̣ сад̣̇д̣̇ам̣ аарамман̣ам̣ гад̇ваа бажжавзгканд̇ассаад̇и жа бажжуббаннасад̣̇д̣̇аарамман̣ам̣ бажжавзгкан̣ам̣ бавад̇д̇аяанд̇ассаад̇и на на саггаа вад̇д̇ум̣. д̇амби хи н̃аан̣ам̣ сабхааванируд̇д̇им̣ вибхаавзнд̇ам̣язва д̇ам̣д̇ам̣сад̣̇д̣̇абажжавзгкан̣аананд̇арам̣ д̇ам̣д̇ам̣бабхзд̣̇анижчаяахзд̇уд̇д̇аа нируд̇д̇им̣ бхинд̣̇анд̇ам̣ бадивиж̇жханд̇амзва уббаж̇ж̇ад̇ийд̇и жа бабхзд̣̇аг̇ад̇амби ход̇ийд̇и. сабхааванируд̇д̇ийд̇и мааг̇ад̇хабхаасаа ад̇хиббзд̇аад̇и д̇ад̇о ан̃н̃ам̣ саггаданаамаад̣̇исад̣̇д̣̇ам̣ санд̇хааяа ‘‘ан̃н̃ам̣ банаа’’д̇и ааха. б̣яан̃ж̇ананд̇и нибаад̇абад̣̇амааха.
Taṃ sabhāvaniruttiṃ saddaṃ ārammaṇaṃ katvā paccavekkhantassa tasmiṃ sabhāvaniruttābhilāpe pabhedagataṃ ñāṇaṃ niruttipaṭisambhidāti vuttattā niruttisaddārammaṇāya sotaviññāṇavīthiyā parato manodvāre niruttipaṭisambhidā pavattatīti vadanti. ‘‘Niruttipaṭisambhidā paccuppannārammaṇā’’ti ca vacanaṃ saddaṃ gahetvā pacchā jānanaṃ sandhāya vuttanti. Evaṃ pana aññasmiṃ paccuppannārammaṇe aññaṃ paccuppannārammaṇanti vuttanti āpajjati. Yathā pana dibbasotañāṇaṃ manussāmanussādisaddappabhedanicchayassa paccayabhūtaṃ taṃ taṃ saddavibhāvakaṃ, evaṃ sabhāvāsabhāvaniruttinicchayassa paccayabhūtaṃ paccuppannasabhāvaniruttisaddārammaṇaṃ taṃvibhāvakañāṇaṃ niruttipaṭisambhidāti vuccamāne na pāḷivirodho hoti. Taṃ sabhāvaniruttiṃ saddaṃ ārammaṇaṃ katvā paccavekkhantassāti ca paccuppannasaddārammaṇaṃ paccavekkhaṇaṃ pavattayantassāti na na sakkā vattuṃ. Tampi hi ñāṇaṃ sabhāvaniruttiṃ vibhāventaṃyeva taṃtaṃsaddapaccavekkhaṇānantaraṃ taṃtaṃpabhedanicchayahetuttā niruttiṃ bhindantaṃ paṭivijjhantameva uppajjatīti ca pabhedagatampi hotīti. Sabhāvaniruttīti māgadhabhāsā adhippetāti tato aññaṃ sakkaṭanāmādisaddaṃ sandhāya ‘‘aññaṃ panā’’ti āha. Byañjananti nipātapadamāha.
гат̇ид̇ам̣ адтагат̇ааяам̣. б̣од̇химан̣д̣а-сад̣̇д̣̇о батамаабхисамб̣уд̣̇д̇хадтаанз зва д̣̇адтаб̣б̣о, на яад̇т̇а гад̇т̇ажи б̣од̇хиругкасса бад̇идтид̇адтаанз. суван̣н̣асалааганд̇и сздтасалаагам̣, д̇хаммад̣̇зсанад̇т̇ам̣ салаагам̣ г̇ахзд̇ваад̇и ад̇т̇о, на бадисамбхид̣̇ааяам̣ тид̇зна баваарид̇ам̣, д̇асмаа бадисамбхид̣̇аад̇о ан̃н̃знзва багаарзна ж̇аанид̇аб̣б̣ад̇о на саггадабхаасааж̇аананам̣ бадисамбхид̣̇аагижжанд̇и ад̇хиббааяо.
Kathitaṃ aṭṭhakathāyaṃ. Bodhimaṇḍa-saddo paṭhamābhisambuddhaṭṭhāne eva daṭṭhabbo, na yattha katthaci bodhirukkhassa patiṭṭhitaṭṭhāne. Suvaṇṇasalākanti seṭṭhasalākaṃ, dhammadesanatthaṃ salākaṃ gahetvāti attho, na paṭisambhidāyaṃ ṭhitena pavāritaṃ, tasmā paṭisambhidāto aññeneva pakārena jānitabbato na sakkaṭabhāsājānanaṃ paṭisambhidākiccanti adhippāyo.
ид̣̇ам̣ гат̇ид̇анд̇и мааг̇ад̇хабхаасааяа сабхааванируд̇д̇ид̇аан̃аабанад̇т̇ам̣ ид̣̇ам̣ ид̣̇аани вад̇д̇аб̣б̣ам̣ гат̇ид̇анд̇и ад̇т̇о. чад̣̇д̣̇анд̇авааран̣а (ж̇аа. 1.16.97 аад̣̇аяо) -д̇ид̇д̇ираж̇аад̇агаад̣̇ийсу (ж̇аа. 1.4.73 аад̣̇аяо) д̇иражчаанзсу жа мааг̇ад̇хабхаасаа уссаннаа, на оддагаад̣̇ибхаасаа саггадам̣ ваа.
Idaṃ kathitanti māgadhabhāsāya sabhāvaniruttitāñāpanatthaṃ idaṃ idāni vattabbaṃ kathitanti attho. Chaddantavāraṇa (jā. 1.16.97 ādayo) -tittirajātakādīsu (jā. 1.4.73 ādayo) tiracchānesu ca māgadhabhāsā ussannā, na oṭṭakādibhāsā sakkaṭaṃ vā.
д̇ад̇т̇аад̇и мааг̇ад̇хасзсабхаасаасу. сзсаа баривад̇д̇анд̇и зганд̇зна гааланд̇арз ан̃н̃ат̇аа хонд̇и винассанд̇и жа. мааг̇ад̇хаа бана гад̇т̇ажи гад̣̇аажи баривад̇д̇анд̇ийби на саб̣б̣ад̇т̇а саб̣б̣ад̣̇аа саб̣б̣ат̇аа жа баривад̇д̇ад̇и, габбавинаасзби д̇идтад̇иязваад̇и ‘‘аяамзвзгаа на баривад̇д̇ад̇ий’’д̇и ааха. бабан̃жод̇и жирааяананд̇и ад̇т̇о. б̣уд̣̇д̇хаважанамзва жзд̇асса висаяо, д̇знзва ‘‘нзлан̇г̇о сзд̇абажчаад̣̇о’’д̇и г̇аат̇ам̣ бужчид̇о жид̇д̇о г̇ахабад̇и ‘‘‘гим̣ ну ко зд̇ам̣, бханд̇з, бхаг̇авад̇аа бхаасид̇а’нд̇и? ‘звам̣ г̇ахабад̇ий’д̇и. ‘д̇зна хи, бханд̇з, мухуд̇д̇ам̣ ааг̇амзт̇а, яаавасса ад̇т̇ам̣ бзгкаамий’’’д̇и (сам̣. ни. 4.347) аахаад̇и вад̣̇анд̇и.
Tatthāti māgadhasesabhāsāsu. Sesā parivattanti ekantena kālantare aññathā honti vinassanti ca. Māgadhā pana katthaci kadāci parivattantīpi na sabbattha sabbadā sabbathā ca parivattati, kappavināsepi tiṭṭhatiyevāti ‘‘ayamevekā na parivattatī’’ti āha. Papañcoti cirāyananti attho. Buddhavacanameva cetassa visayo, teneva ‘‘nelaṅgo setapacchādo’’ti gāthaṃ pucchito citto gahapati ‘‘‘kiṃ nu kho etaṃ, bhante, bhagavatā bhāsita’nti? ‘Evaṃ gahapatī’ti. ‘Tena hi, bhante, muhuttaṃ āgametha, yāvassa atthaṃ pekkhāmī’’’ti (saṃ. ni. 4.347) āhāti vadanti.
саб̣б̣ад̇т̇аган̃аан̣анд̇и ад̇т̇аад̣̇ийсу н̃аан̣ам̣. д̇ан̃хи саб̣б̣зсу д̇зсу д̇ийсу жад̇уусуби ваа бавад̇д̇ад̇д̇аа, гусалагирияабхууд̇ааяа бадибхаанабадисамбхид̣̇ааяа д̇хаммад̇т̇абхаавад̇о д̇ийсу зва ваа бавад̇д̇ад̇д̇аа ‘‘саб̣б̣ад̇т̇аган̃аан̣а’’нд̇и вуд̇д̇ам̣. имаани н̃аан̣аани ид̣̇амад̇т̇аж̇од̇агаанийд̇и саад̇т̇агаанам̣ бажжавзгкид̇аб̣б̣ад̇д̇аа саб̣б̣о ад̇т̇о зд̇ассаад̇иби саб̣б̣ад̇т̇агам̣, саб̣б̣асмим̣ кид̇д̇анд̇и ваа. сзгкз бавад̇д̇аа арахад̇д̇аббад̇д̇ияаа висад̣̇аа хонд̇ийд̇и вад̣̇анд̇и. буб̣б̣аяог̇о вияа бана арахад̇д̇аббад̇д̇и арахад̇оби бадисамбхид̣̇аависад̣̇ад̇ааяа бажжаяо на на ход̇ийд̇и бан̃жаннамби яат̇ааяог̇ам̣ сзгкаасзгкабадисамбхид̣̇аависад̣̇ад̇д̇агааран̣ад̇аа яож̇зд̇аб̣б̣аа.
Sabbatthakañāṇanti atthādīsu ñāṇaṃ. Tañhi sabbesu tesu tīsu catūsupi vā pavattattā, kusalakiriyabhūtāya paṭibhānapaṭisambhidāya dhammatthabhāvato tīsu eva vā pavattattā ‘‘sabbatthakañāṇa’’nti vuttaṃ. Imāni ñāṇāni idamatthajotakānīti sātthakānaṃ paccavekkhitabbattā sabbo attho etassātipi sabbatthakaṃ, sabbasmiṃ khittanti vā. Sekkhe pavattā arahattappattiyā visadā hontīti vadanti. Pubbayogo viya pana arahattappatti arahatopi paṭisambhidāvisadatāya paccayo na na hotīti pañcannampi yathāyogaṃ sekkhāsekkhapaṭisambhidāvisadattakāraṇatā yojetabbā.
бужчааяа барад̇о бавад̇д̇аа гат̇аад̇и гад̇ваа адтагат̇аа ‘‘барибужчаа’’д̇и вуд̇д̇аа. бадибад̇д̇им̣ буурзд̇аб̣б̣ам̣ ман̃н̃иссанд̇ийд̇и бадибад̇д̇иг̇аруд̇ааяа лаабхам̣ хийл̣знд̇зна сад̇асахассаг̇гханагамби гамб̣алам̣ ваасияаа годдзд̇ваа барибхан̣д̣агаран̣ам̣ маяаа гад̇ам̣ ааваж̇ж̇ид̇ваа лаабхаг̇аруно барияад̇д̇ид̇хараа д̇хаммагат̇игаава бхавид̇ум̣ на ман̃н̃иссанд̇ийд̇и вуд̇д̇ам̣ ход̇и. зд̇т̇а жа т̇зрасса ган̇куббад̇д̇ияаа буб̣б̣з ависад̣̇ад̇ам̣ д̣̇ассзд̇ваа арахад̇д̇аббад̇д̇асса бан̃хависсаж̇ж̇анзна арахад̇д̇аббад̇д̇ияаа висад̣̇ад̇аа д̣̇ассид̇аа. д̇иссад̇т̇зро ананд̇арам̣ вуд̇д̇о д̇иссад̇т̇зро зваад̇и вад̣̇анд̇и.
Pucchāya parato pavattā kathāti katvā aṭṭhakathā ‘‘paripucchā’’ti vuttā. Paṭipattiṃ pūretabbaṃ maññissantīti paṭipattigarutāya lābhaṃ hīḷentena satasahassagghanakampi kambalaṃ vāsiyā koṭṭetvā paribhaṇḍakaraṇaṃ mayā kataṃ āvajjitvā lābhagaruno pariyattidharā dhammakathikāva bhavituṃ na maññissantīti vuttaṃ hoti. Ettha ca therassa kaṅkhuppattiyā pubbe avisadataṃ dassetvā arahattappattassa pañhavissajjanena arahattappattiyā visadatā dassitā. Tissatthero anantaraṃ vutto tissatthero evāti vadanti.
бабхзд̣̇о наама маг̇г̇зхи ад̇хиг̇ад̇аанам̣ бадисамбхид̣̇аанам̣ бабхзд̣̇аг̇аманам̣. ад̇хиг̇амо д̇зхи бадилаабхо, д̇асмаа со логуд̇д̇аро, бабхзд̣̇о гаамааважаро д̣̇адтаб̣б̣о. на бана д̇ат̇аад̇и яат̇аа ад̇хиг̇амасса б̣алавабажжаяо ход̇и, на д̇ат̇аа бабхзд̣̇ассаад̇и ад̇т̇о. ид̣̇аани барияад̇д̇ияаад̣̇ийнам̣ ад̇хиг̇амасса б̣алавабажжаяад̇д̇аабхаавам̣, буб̣б̣аяог̇асса жа б̣алавабажжаяад̇д̇ам̣ д̣̇ассзнд̇о ‘‘барияад̇д̇исаванабарибужчаа хий’’д̇иаад̣̇имааха. д̇ад̇т̇а бадисамбхид̣̇аа наама над̇т̇ийд̇и бадисамбхид̣̇аад̇хиг̇амо над̇т̇ийд̇и ад̇хиббааяо. ид̣̇аани яам̣ вуд̇д̇ам̣ ход̇и, д̇ам̣ д̣̇ассзнд̇о ‘‘имз банаа’’д̇иаад̣̇имааха. буб̣б̣аяог̇аад̇хиг̇амаа хи д̣̇взби висад̣̇агааран̣аад̇и ‘‘буб̣б̣аяог̇о бабхзд̣̇асса б̣алавабажжаяо ход̇ий’’д̇и вуд̇д̇анд̇и.
Pabhedo nāma maggehi adhigatānaṃ paṭisambhidānaṃ pabhedagamanaṃ. Adhigamo tehi paṭilābho, tasmā so lokuttaro, pabhedo kāmāvacaro daṭṭhabbo. Na pana tathāti yathā adhigamassa balavapaccayo hoti, na tathā pabhedassāti attho. Idāni pariyattiyādīnaṃ adhigamassa balavapaccayattābhāvaṃ, pubbayogassa ca balavapaccayattaṃ dassento ‘‘pariyattisavanaparipucchā hī’’tiādimāha. Tattha paṭisambhidā nāma natthīti paṭisambhidādhigamo natthīti adhippāyo. Idāni yaṃ vuttaṃ hoti, taṃ dassento ‘‘ime panā’’tiādimāha. Pubbayogādhigamā hi dvepi visadakāraṇāti ‘‘pubbayogo pabhedassa balavapaccayo hotī’’ti vuttanti.
сан̇г̇ахаваараван̣н̣анаа нидтид̇аа.
Saṅgahavāravaṇṇanā niṭṭhitā.
2. сажжаваараад̣̇иван̣н̣анаа
2. Saccavārādivaṇṇanā
719. хзд̇уваарз гаалад̇д̇аязби хзд̇упалад̇хаммаа ‘‘ад̇т̇аа’’д̇и вуд̇д̇аа, д̇зсан̃жа хзд̇уд̇хаммаа ‘‘д̇хаммаа’’д̇и, д̇хаммаваарз взнзяяавасзна ад̇ийд̇аанан̃жа сан̇г̇ахид̇ад̇д̇аа ‘‘уббаннаа самуббаннаа’’д̇иаад̣̇и на вуд̇д̇анд̇и ад̇ийд̇абажжуббаннаа ‘‘ад̇т̇аа’’д̇и вуд̇д̇аа, д̇ам̣ниб̣б̣ад̇д̇агаа жа ‘‘д̇хаммаа’’д̇и ид̣̇амзд̇зсам̣ д̣̇виннамби ваараанам̣ наанад̇д̇ам̣.
719. Hetuvāre kālattayepi hetuphaladhammā ‘‘atthā’’ti vuttā, tesañca hetudhammā ‘‘dhammā’’ti, dhammavāre veneyyavasena atītānañca saṅgahitattā ‘‘uppannā samuppannā’’tiādi na vuttanti atītapaccuppannā ‘‘atthā’’ti vuttā, taṃnibbattakā ca ‘‘dhammā’’ti idametesaṃ dvinnampi vārānaṃ nānattaṃ.
сажжаваараад̣̇иван̣н̣анаа нидтид̇аа.
Saccavārādivaṇṇanā niṭṭhitā.
суд̇д̇анд̇абхааж̇анийяаван̣н̣анаа нидтид̇аа.
Suttantabhājanīyavaṇṇanā niṭṭhitā.
2. абхид̇хаммабхааж̇анийяаван̣н̣анаа
2. Abhidhammabhājanīyavaṇṇanā
725. авуд̇д̇ад̇д̇аад̇и ‘‘д̇зсам̣ вибаагз н̃аан̣а’’нд̇и сааман̃н̃зна вад̇ваа висзсзна авуд̇д̇ад̇д̇аад̇и ад̇хиббааяо. зд̇т̇а жа гирияаанам̣ авибаагад̇д̇аа д̇хаммабхааво на вуд̇д̇од̇и. яад̣̇и звам̣ вибаагаа на хонд̇ийд̇и ад̇т̇абхааво жа на вад̇д̇аб̣б̣од̇и? на, бажжаяуббаннад̇д̇аа. зван̃жз гусалаагусалаанамби ад̇т̇абхааво аабаж̇ж̇ад̇ийд̇и. наббадисид̣̇д̇хо, вибаагасса бана бад̇хаанахзд̇уд̇ааяа баагадад̇д̇аа д̇хаммабхаавова д̇зсам̣ вуд̇д̇о. гирияаанам̣ бажжаяад̇д̇аа д̇хаммабхааво аабаж̇ж̇ад̇ийд̇и жз? нааяам̣ д̣̇осо аббадисид̣̇д̇хад̇д̇аа, гаммапаласамб̣анд̇хасса бана ахзд̇уд̇д̇аа д̇хаммабхааво на вуд̇д̇о. абижа ‘‘аяам̣ имасса бажжаяо, ид̣̇ам̣ бажжаяуббанна’’нд̇и звам̣ бхзд̣̇ам̣ агад̇ваа гзвалам̣ гусалаагусалз вибаагагирияад̇хаммз жа сабхаавад̇о бажжавзгканд̇асса д̇хаммабадисамбхид̣̇аа ад̇т̇абадисамбхид̣̇аа жа ход̇ийд̇иби д̇зсам̣ ад̇т̇ад̇хаммад̇аа на вуд̇д̇аад̇и взд̣̇ид̇аб̣б̣аа . гусалаагусалаваарзсу жа д̇хаммабадисамбхид̣̇аа гусалаагусалаанам̣ бажжаяабхаавам̣ сад̇д̇ивисзсам̣ санибпаад̣̇зд̇аб̣б̣ад̇ам̣ бассанд̇ий нибпаад̣̇зд̇аб̣б̣аабзгкаа ход̇ийд̇и д̇ам̣самб̣анд̇хзнзва ‘‘д̇зсам̣ вибаагз н̃аан̣ам̣ ад̇т̇абадисамбхид̣̇аа’’д̇и вуд̇д̇ам̣. сабхаавад̣̇ассанамад̇д̇амзва бана ад̇т̇абадисамбхид̣̇ааяа гижжам̣ нибпаннапаламад̇д̇ад̣̇ассанад̇од̇и д̇ассаа нибпаад̣̇агаанабзгкад̇д̇аа вибаагаваарз ‘‘д̇зсам̣ вибажжанагз н̃аан̣ам̣ д̇хаммабадисамбхид̣̇аа’’д̇и на вуд̇д̇анд̇и взд̣̇ид̇аб̣б̣ам̣.
725. Avuttattāti ‘‘tesaṃ vipāke ñāṇa’’nti sāmaññena vatvā visesena avuttattāti adhippāyo. Ettha ca kiriyānaṃ avipākattā dhammabhāvo na vuttoti. Yadi evaṃ vipākā na hontīti atthabhāvo ca na vattabboti? Na, paccayuppannattā. Evañce kusalākusalānampi atthabhāvo āpajjatīti. Nappaṭisiddho, vipākassa pana padhānahetutāya pākaṭattā dhammabhāvova tesaṃ vutto. Kiriyānaṃ paccayattā dhammabhāvo āpajjatīti ce? Nāyaṃ doso appaṭisiddhattā, kammaphalasambandhassa pana ahetuttā dhammabhāvo na vutto. Apica ‘‘ayaṃ imassa paccayo, idaṃ paccayuppanna’’nti evaṃ bhedaṃ akatvā kevalaṃ kusalākusale vipākakiriyadhamme ca sabhāvato paccavekkhantassa dhammapaṭisambhidā atthapaṭisambhidā ca hotītipi tesaṃ atthadhammatā na vuttāti veditabbā . Kusalākusalavāresu ca dhammapaṭisambhidā kusalākusalānaṃ paccayabhāvaṃ sattivisesaṃ sanipphādetabbataṃ passantī nipphādetabbāpekkhā hotīti taṃsambandheneva ‘‘tesaṃ vipāke ñāṇaṃ atthapaṭisambhidā’’ti vuttaṃ. Sabhāvadassanamattameva pana atthapaṭisambhidāya kiccaṃ nipphannaphalamattadassanatoti tassā nipphādakānapekkhattā vipākavāre ‘‘tesaṃ vipaccanake ñāṇaṃ dhammapaṭisambhidā’’ti na vuttanti veditabbaṃ.
сабхаавабан̃н̃ад̇д̇ияаад̇и на сад̇д̇аад̣̇ибан̃н̃ад̇д̇ияаа, авибарийд̇абан̃н̃ад̇д̇ияаа ваа. кобхзд̇ваад̇и ломахам̣саж̇ананасаад̇хугаарад̣̇аанаад̣̇ийхи кобхзд̇ваа. буна д̇хаммассаванз ж̇ааниссат̇аад̇и аббассуд̇ад̇д̇аа д̣̇уд̇ияаваарам̣ гат̇знд̇о д̇ад̣̇зва гат̇зссад̇ийд̇и ад̇хиббааяо.
Sabhāvapaññattiyāti na sattādipaññattiyā, aviparītapaññattiyā vā. Khobhetvāti lomahaṃsajananasādhukāradānādīhi khobhetvā. Puna dhammassavanejānissathāti appassutattā dutiyavāraṃ kathento tadeva kathessatīti adhippāyo.
746. бхуумид̣̇ассанад̇т̇анд̇и зд̇т̇а гаамааважараа логуд̇д̇араа жа бхууми ‘‘бхуумий’’д̇и взд̣̇ид̇аб̣б̣аа, жид̇д̇уббаад̣̇аа ваад̇и.
746. Bhūmidassanatthanti ettha kāmāvacarā lokuttarā ca bhūmi ‘‘bhūmī’’ti veditabbā, cittuppādā vāti.
абхид̇хаммабхааж̇анийяаван̣н̣анаа нидтид̇аа.
Abhidhammabhājanīyavaṇṇanā niṭṭhitā.
3. бан̃хабужчагаван̣н̣анаа
3. Pañhapucchakavaṇṇanā
747. бажжаяасамуббаннан̃жа ад̇т̇ам̣ бажжаяад̇хамман̃жаад̇и важанзхи хзд̇аад̣̇ибажжаяасамуббаннаанам̣ гусалаагусаларуубаанамби ад̇т̇абарияааяам̣, хзд̇аад̣̇ибажжаяабхууд̇аанам̣ вибаагагирияаруубаанамби д̇хаммабарияааяан̃жа д̣̇ассзд̇и. бадибхаанабадисамбхид̣̇ааяа гаамааважаравибаагаарамман̣ад̇аа махаг̇г̇ад̇аарамман̣ад̇аа жа бадисамбхид̣̇аан̃аан̣аарамман̣ад̇д̇з на яуж̇ж̇ад̇и бадисамбхид̣̇аан̃аан̣аанам̣ гаамааважаралогуд̇д̇арагусалзсу гаамааважарагирияаалогуд̇д̇аравибаагзсу жа уббад̇д̇ид̇о. саб̣б̣ан̃аан̣аарамман̣ад̇ааяа сад̇и яуж̇ж̇зяяа, ‘‘язна н̃аан̣зна д̇аани н̃аан̣аани ж̇аанаад̇ий’’д̇и (вибха. 726) важанад̇о бана на саб̣б̣ан̃аан̣аарамман̣ад̇аад̇и гат̇аяанд̇и. суд̇д̇анд̇абхааж̇анийяз бана ‘‘н̃аан̣зсу н̃аан̣ам̣ бадибхаанабадисамбхид̣̇аа’’д̇и ависзсзна вуд̇д̇ад̇д̇аа саб̣б̣ан̃аан̣аарамман̣ад̇аа сияаа. абхид̇хаммабхааж̇анийязби жид̇д̇уббаад̣̇авасзна гат̇анам̣ ниравасзсагат̇ананд̇и яат̇аад̣̇ассид̇ависаяаважанавасзна ‘‘язна н̃аан̣зна д̇аани н̃аан̣аани ж̇аанаад̇ий’’д̇и яам̣ вуд̇д̇ам̣, д̇ам̣ ан̃н̃аарамман̣ад̇ам̣ на бадисзд̇хзд̇ийд̇и. яат̇аа жа ад̇т̇абадисамбхид̣̇аависаяаанам̣ на ниравасзсзна гат̇анам̣ абхид̇хаммабхааж̇анийяз, звам̣ бадибхаанабадисамбхид̣̇аависаяассабийд̇и. звам̣ бадибхаанабадисамбхид̣̇ааяа саб̣б̣ан̃аан̣ависаяад̇д̇аа ‘‘д̇иссо бадисамбхид̣̇аа сияаа барид̇д̇аарамман̣аа сияаа махаг̇г̇ад̇аарамман̣аа сияаа аббамаан̣аарамман̣аа’’д̇и (вибха. 749) вуд̇д̇аа.
747. Paccayasamuppannañca atthaṃ paccayadhammañcāti vacanehi hetādipaccayasamuppannānaṃ kusalākusalarūpānampi atthapariyāyaṃ, hetādipaccayabhūtānaṃ vipākakiriyarūpānampi dhammapariyāyañca dasseti. Paṭibhānapaṭisambhidāya kāmāvacaravipākārammaṇatā mahaggatārammaṇatā ca paṭisambhidāñāṇārammaṇatte na yujjati paṭisambhidāñāṇānaṃ kāmāvacaralokuttarakusalesu kāmāvacarakiriyālokuttaravipākesu ca uppattito. Sabbañāṇārammaṇatāya sati yujjeyya, ‘‘yena ñāṇena tāni ñāṇāni jānātī’’ti (vibha. 726) vacanato pana na sabbañāṇārammaṇatāti kathayanti. Suttantabhājanīye pana ‘‘ñāṇesu ñāṇaṃ paṭibhānapaṭisambhidā’’ti avisesena vuttattā sabbañāṇārammaṇatā siyā. Abhidhammabhājanīyepi cittuppādavasena kathanaṃ niravasesakathananti yathādassitavisayavacanavasena ‘‘yena ñāṇena tāni ñāṇāni jānātī’’ti yaṃ vuttaṃ, taṃ aññārammaṇataṃ na paṭisedhetīti. Yathā ca atthapaṭisambhidāvisayānaṃ na niravasesena kathanaṃ abhidhammabhājanīye, evaṃ paṭibhānapaṭisambhidāvisayassapīti. Evaṃ paṭibhānapaṭisambhidāya sabbañāṇavisayattā ‘‘tisso paṭisambhidā siyā parittārammaṇā siyā mahaggatārammaṇā siyā appamāṇārammaṇā’’ti (vibha. 749) vuttā.
яад̣̇иби ‘‘сияаа ад̇т̇абадисамбхид̣̇аа на маг̇г̇аарамман̣аа’’д̇и (вибха. 749) важанад̇о абхид̇хаммабхааж̇анийяз вуд̇д̇абадисамбхид̣̇аасвзва бан̃хабужчаганаяо бавад̇д̇о. на хи маг̇г̇о бажжаяуббанно на ход̇и, абхид̇хаммабхааж̇анийяз жа бадисамбхид̣̇аан̃аан̣ависаяаа зва бадибхаанабадисамбхид̣̇аа вуд̇д̇аад̇и на д̇ассаа махаг̇г̇ад̇аарамман̣ад̇аад̇и. звамаби д̣̇взби зд̇аа баал̣ияо вируж̇жханд̇и, д̇аасу б̣алавад̇арааяа тад̇ваа ид̇арааяа ад̇хиббааяо маг̇г̇ид̇аб̣б̣о. гусалаагусалаанам̣ бана бажжаяуббаннад̇д̇абадивзд̇хоби гусалаагусалабхаавабадивзд̇хавинимуд̇д̇о над̇т̇ийд̇и ниббарияааяаа д̇ад̇т̇а д̇хаммабадисамбхид̣̇аа зганд̇ад̇хаммависаяад̇д̇аа, д̇ат̇аа вибаагагирияаанам̣ бажжаяабхаавабадивзд̇хоби вибаагагирияабхаавабадивзд̇хавинимуд̇д̇о над̇т̇ийд̇и ниббарияааяаа д̇ад̇т̇а ад̇т̇абадисамбхид̣̇аа зганд̇игаад̇т̇ависаяад̇д̇аа. гин̃жи бана н̃аан̣ам̣ аббадибхаанабхууд̇ам̣ над̇т̇и н̃зяяаббагаасанад̇од̇и саб̣б̣асмимби н̃аан̣з ниббарияааяаа бадибхаанабадисамбхид̣̇аа бхавид̇ум̣ арахад̇и. ниббарияааяабадисамбхид̣̇аасу бан̃хабужчагасса бавад̇д̇ияам̣ д̣̇взби баал̣ияо на вируж̇жханд̇и.
Yadipi ‘‘siyā atthapaṭisambhidā na maggārammaṇā’’ti (vibha. 749) vacanato abhidhammabhājanīye vuttapaṭisambhidāsveva pañhapucchakanayo pavatto. Na hi maggo paccayuppanno na hoti, abhidhammabhājanīye ca paṭisambhidāñāṇavisayā eva paṭibhānapaṭisambhidā vuttāti na tassā mahaggatārammaṇatāti. Evamapi dvepi etā pāḷiyo virujjhanti, tāsu balavatarāya ṭhatvā itarāya adhippāyo maggitabbo. Kusalākusalānaṃ pana paccayuppannattapaṭivedhopi kusalākusalabhāvapaṭivedhavinimutto natthīti nippariyāyā tattha dhammapaṭisambhidā ekantadhammavisayattā, tathā vipākakiriyānaṃ paccayabhāvapaṭivedhopi vipākakiriyabhāvapaṭivedhavinimutto natthīti nippariyāyā tattha atthapaṭisambhidā ekantikaatthavisayattā. Kiñci pana ñāṇaṃ appaṭibhānabhūtaṃ natthi ñeyyappakāsanatoti sabbasmimpi ñāṇe nippariyāyā paṭibhānapaṭisambhidā bhavituṃ arahati. Nippariyāyapaṭisambhidāsu pañhapucchakassa pavattiyaṃ dvepi pāḷiyo na virujjhanti.
сад̣̇д̣̇аарамман̣ад̇д̇аа б̣ахид̣̇д̇хаарамман̣аад̇и зд̇т̇а барасса абхилаабасад̣̇д̣̇аарамман̣ад̇д̇аад̇и бхавид̇аб̣б̣ам̣. на хи сад̣̇д̣̇аарамман̣ад̇аа б̣ахид̣̇д̇хаарамман̣ад̇ааяа гааран̣ам̣ сад̣̇д̣̇асса аж̇жхад̇д̇асса жа саб̣бхааваад̇и. анувад̇д̇амаано жа со зва сад̣̇д̣̇од̇и висзсанам̣ на гад̇анд̇и д̣̇адтаб̣б̣ам̣.
Saddārammaṇattā bahiddhārammaṇāti ettha parassa abhilāpasaddārammaṇattāti bhavitabbaṃ. Na hi saddārammaṇatā bahiddhārammaṇatāya kāraṇaṃ saddassa ajjhattassa ca sabbhāvāti. Anuvattamāno ca so eva saddoti visesanaṃ na katanti daṭṭhabbaṃ.
бан̃хабужчагаван̣н̣анаа нидтид̇аа.
Pañhapucchakavaṇṇanā niṭṭhitā.
бадисамбхид̣̇аавибхан̇г̇аван̣н̣анаа нидтид̇аа.
Paṭisambhidāvibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 15. бадисамбхид̣̇аавибхан̇г̇о • 15. Paṭisambhidāvibhaṅgo
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / саммохавинод̣̇аний-адтагат̇аа • Sammohavinodanī-aṭṭhakathā
1. суд̇д̇анд̇абхааж̇анийяам̣ • 1. Suttantabhājanīyaṃ
2. абхид̇хаммабхааж̇анийяаван̣н̣анаа • 2. Abhidhammabhājanīyavaṇṇanā
3. бан̃хаабужчагаван̣н̣анаа • 3. Pañhāpucchakavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 15. бадисамбхид̣̇аавибхан̇г̇о • 15. Paṭisambhidāvibhaṅgo
