| Library / Tipiṭaka / д̇ибидага • Tipiṭaka / вибхан̇г̇а-анудийгаа • Vibhaṅga-anuṭīkā |
15. бадисамбхид̣̇аавибхан̇г̇о
15. Paṭisambhidāvibhaṅgo
1. суд̇д̇анд̇абхааж̇анийяам̣
1. Suttantabhājanīyaṃ
1. сан̇г̇ахаваараван̣н̣анаа
1. Saṅgahavāravaṇṇanā
718. ‘‘зсзва наяо’’д̇и д̇хаммаад̣̇ийсу гад̇о ад̇ид̣̇зсо сан̇кзбад̇о д̇зсам̣ д̣̇ассанам̣ ход̇ийд̇и ааха ‘‘сан̇кзбзна д̣̇ассзд̇ваа’’д̇и. д̇зсам̣ нируд̇д̇ибадибхаанаанам̣ висаяаа д̇аб̣б̣исаяаа, д̇зсам̣, нируд̇д̇ибадибхаанависаяабхууд̇аананд̇и ад̇т̇о. бажжаяуббаннаад̣̇ибхзд̣̇зхийд̇и бажжаяуббаннаниб̣б̣аанабхаасид̇ад̇т̇аад̣̇ибхзд̣̇зхи.
718. ‘‘Eseva nayo’’ti dhammādīsu kato atideso saṅkhepato tesaṃ dassanaṃ hotīti āha ‘‘saṅkhepena dassetvā’’ti. Tesaṃ niruttipaṭibhānānaṃ visayā tabbisayā, tesaṃ, niruttipaṭibhānavisayabhūtānanti attho. Paccayuppannādibhedehīti paccayuppannanibbānabhāsitatthādibhedehi.
д̣̇угкахзд̇упалаж̇аад̇аад̣̇ид̇хаммаж̇араамаран̣аани д̣̇угкаад̣̇ийни. сажжахзд̇уд̇хаммабажжаяаагаараваарзсу д̣̇угкасамуд̣̇аяаад̣̇ибарияааязна ааг̇ад̇о паланиб̣б̣ад̇д̇аго хзд̇у, сажжабажжаяаагаараваарзсу арияамаг̇г̇о, барияад̇д̇иваарз бхаасид̇ам̣, абхид̇хаммабхааж̇анийяз гусалам̣, агусаланд̇и звам̣ баал̣ияам̣ вуд̇д̇аанам̣язва васзна бан̃жа д̇хаммаа взд̣̇ид̇аб̣б̣аад̇и имамад̇т̇амааха ‘‘д̇ат̇аа д̇хаммаа жаа’’д̇и иминаа.
Dukkhahetuphalajātādidhammajarāmaraṇāni dukkhādīni. Saccahetudhammapaccayākāravāresu dukkhasamudayādipariyāyena āgato phalanibbattako hetu, saccapaccayākāravāresu ariyamaggo, pariyattivāre bhāsitaṃ, abhidhammabhājanīye kusalaṃ, akusalanti evaṃ pāḷiyaṃ vuttānaṃyeva vasena pañca dhammā veditabbāti imamatthamāha ‘‘tathā dhammā cā’’ti iminā.
ниб̣б̣ад̇д̇агахзд̇уаад̣̇ийнанд̇и ниб̣б̣ад̇д̇агасамбаабаган̃аабагаанам̣. буримод̇и бавад̇д̇анад̇т̇о. д̇асминд̇и маг̇г̇з. бажчимод̇и баабанад̇т̇о д̣̇адтаб̣б̣о.
Nibbattakahetuādīnanti nibbattakasampāpakañāpakānaṃ. Purimoti pavattanattho. Tasminti magge. Pacchimoti pāpanattho daṭṭhabbo.
авибарийд̇анируд̇д̇ийд̇и б̣уд̣̇д̇хаад̣̇ийхи аажин̣н̣аа д̇асса д̇асса ад̇т̇асса ваажагабхаавз нирул̣хаа яаат̇ааванируд̇д̇и. яасмаа вин̃н̃ад̇д̇ивигаарасахид̇о сад̣̇д̣̇о бан̃н̃ад̇д̇ийд̇и ад̇д̇ано ад̇хиббааяо, д̇асмаа барамад̇ад̇о д̇ам̣ д̣̇ассзнд̇о ‘‘аважанабхууд̇ааяаа’’д̇и висзсзд̇ваа ‘‘гзжи ван̣н̣аяанд̇ий’’д̇и ааха. звам̣ сад̇ийд̇и звам̣ нируд̇д̇ияаа бан̃н̃ад̇д̇ибхаавз сад̇и. бан̃н̃ад̇д̇и абхилабид̇аб̣б̣аад̇и аабаж̇ж̇ад̇ийд̇и вуд̇д̇з, ход̇у, го д̣̇осо д̇ассаа важанийяабхаавад̇од̇и гад̣̇аажи вад̣̇зяяаад̇и аасан̇ганд̇о ааха ‘‘на жа важанад̇о…бз… ужжаарзд̇аб̣б̣ам̣ ад̇т̇ий’’д̇и. д̇зсам̣ ад̇т̇ад̇хаммаанам̣. на важананд̇и аважанам̣ аважанасабхаавам̣. звам̣багааранд̇и звам̣вид̇хам̣ звам̣ нияад̇алин̇г̇ависзсаж̇од̇анаагаарам̣.
Aviparītaniruttīti buddhādīhi āciṇṇā tassa tassa atthassa vācakabhāve niruḷhā yāthāvanirutti. Yasmā viññattivikārasahito saddo paññattīti attano adhippāyo, tasmā paramatato taṃ dassento ‘‘avacanabhūtāyā’’ti visesetvā ‘‘keci vaṇṇayantī’’ti āha. Evaṃ satīti evaṃ niruttiyā paññattibhāve sati. Paññatti abhilapitabbāti āpajjatīti vutte, hotu, ko doso tassā vacanīyabhāvatoti kadāci vadeyyāti āsaṅkanto āha ‘‘na ca vacanato…pe… uccāretabbaṃ atthī’’ti. Tesaṃ atthadhammānaṃ. Na vacananti avacanaṃ avacanasabhāvaṃ. Evaṃpakāranti evaṃvidhaṃ evaṃ niyataliṅgavisesajotanākāraṃ.
барад̇од̇и барабхааг̇з ананд̇араманод̣̇ваарз. сад̣̇д̣̇аг̇г̇ахан̣аанусаарзна г̇ахид̇ааяа нааманируд̇д̇ияам̣ нируд̇д̇ибадисамбхид̣̇аа бавад̇д̇ад̇ийд̇и вад̣̇анд̇и. яад̣̇и звам̣ гасмаа баал̣ияам̣ ‘‘нируд̇д̇ибадисамбхид̣̇аа бажжуббаннаарамман̣аа’’д̇и вуд̇д̇аад̇и ааха ‘‘нируд̇д̇и…бз… санд̇хааяа вуд̇д̇а’’нд̇и. бажчаа ж̇аанананд̇и сад̣̇д̣̇аг̇г̇ахан̣уд̇д̇арагаалам̣ нааманируд̇д̇ияаа ж̇аананам̣. званд̇и звам̣ сад̣̇д̣̇аг̇г̇ахан̣ад̇о бажчаа нааманируд̇д̇им̣ аараб̣бха бавад̇д̇ам̣ н̃аан̣ам̣ нируд̇д̇ибадисамбхид̣̇аад̇и г̇аяхамаанз. звам̣ нируд̇д̇ияаа наамабан̃н̃ад̇д̇ибагкз баал̣ияаа, адтагат̇ааяа жа вирод̇хам̣ д̣̇ассзд̇ваа сад̣̇д̣̇абагкз д̇ад̣̇абхаавам̣ д̣̇ассзнд̇о ‘‘яат̇аа банаа’’д̇иаад̣̇имааха. д̇ам̣д̇ам̣сад̣̇д̣̇авибхааваганд̇и яат̇аа д̇асса д̇асса сад̣̇д̣̇аббабхзд̣̇анижчаяасса бажжаяабхууд̇ам̣ д̣̇иб̣б̣асод̇ан̃аан̣ам̣ сад̣̇д̣̇аарамман̣амзва д̇ам̣ д̇ам̣ сад̣̇д̣̇ам̣ вибхууд̇ам̣ гарод̇и, звам̣ нируд̇д̇иббабхзд̣̇анижчаяасса бажжаяабхууд̇ам̣ нируд̇д̇исад̣̇д̣̇аарамман̣амзва нируд̇д̇ибадисамбхид̣̇аан̃аан̣ам̣ д̇ам̣ вибхууд̇ам̣ гарод̇ийд̇и д̇асса бажжуббаннаарамман̣ад̇аа вуд̇д̇аа. сад̣̇д̣̇ам̣ бана вибхаавзнд̇ам̣ зганд̇ад̇о сад̣̇д̣̇уубаниб̣анд̇хам̣ бан̃н̃ад̇д̇имби вибхаавзд̇иязва, яад̇о сабхааваасабхаавависзсавибхааванам̣ самбаж̇ж̇ад̇и. ан̃н̃ат̇аа хи сад̣̇д̣̇амад̇д̇аг̇г̇ахан̣з висзсааваб̣од̇хо зва на сияаад̇и бораан̣аа бан̃н̃ад̇д̇ивибхааванамби д̇асса ижчанд̇и. д̇ам̣вибхааваганд̇и нируд̇д̇исад̣̇д̣̇авибхаавагам̣. на баал̣ивирод̇хо ход̇ийд̇и яад̣̇иби абхид̇хаммабхааж̇анийяз ‘‘яааяа нируд̇д̇ияаа д̇зсам̣ д̇хаммаанам̣ бан̃н̃ад̇д̇и ход̇ий’’д̇и (вибха. 727) вуд̇д̇ам̣, д̇амби сабхааванируд̇д̇исад̣̇д̣̇зна д̇хаммаанам̣ баб̣од̇ханамзва санд̇хааяа вуд̇д̇ам̣, на д̇аб̣б̣инимуд̇д̇ам̣ бан̃н̃ад̇д̇инд̇и ‘‘нируд̇д̇исад̣̇д̣̇аарамман̣аа нируд̇д̇ибадисамбхид̣̇аа’’д̇и вужжамаанз баал̣ияаа вирод̇хо на ход̇ийд̇и ад̇т̇о. ‘‘бажжавзгканд̇ассаа’’д̇и вуд̇д̇ад̇д̇аа сад̣̇д̣̇ам̣ г̇ахзд̇ваа бажчаа г̇ахид̇ааяа бан̃н̃ад̇д̇ияаа бажжавзгкан̣зна бхавид̇аб̣б̣анд̇и аасан̇гзяяаад̇и д̇ад̣̇аасан̇гаанивад̇д̇анад̇т̇амааха ‘‘д̇ам̣ сабхааванируд̇д̇им̣ сад̣̇д̣̇ам̣ аарамман̣ам̣ гад̇ваа’’д̇иаад̣̇и. сабхааванируд̇д̇им̣ вибхаавзнд̇ам̣язваад̇и сабхааванируд̇д̇ивисаяасса саммохасса баг̇зва вид̣̇д̇хам̣сид̇ад̇д̇аа ад̇т̇асаад̇ханавасзна абхин̃н̃аан̃аан̣ам̣ вияа д̇ам̣ вибхаавзнд̇амзва бавад̇д̇ад̇и. д̇знааха ‘‘нируд̇д̇им̣ бхинд̣̇анд̇ам̣ бадивиж̇жханд̇амзва уббаж̇ж̇ад̇ий’’д̇и. бабхзд̣̇аг̇аманан̃жзд̇т̇а анавасзсад̇о нируд̇д̇ивибхааг̇аж̇аананам̣. д̇ат̇аа сзсзсу. саггаданаамаад̣̇ийд̇и саггадавасзна вуд̇д̇анаамаакяаад̇аад̣̇и. нибаад̇абад̣̇ам̣ наамаад̣̇ибад̣̇аани вияа ад̇т̇ам̣ на вад̣̇ад̇и, ат̇а ко б̣яан̃ж̇зд̇и ж̇од̇зд̇ийд̇и ‘‘б̣яан̃ж̇ана’’нд̇и вуд̇д̇ам̣ нибаад̇абад̣̇ам̣.
Paratoti parabhāge anantaramanodvāre. Saddaggahaṇānusārena gahitāya nāmaniruttiyaṃ niruttipaṭisambhidā pavattatīti vadanti. Yadi evaṃ kasmā pāḷiyaṃ ‘‘niruttipaṭisambhidā paccuppannārammaṇā’’ti vuttāti āha ‘‘nirutti…pe… sandhāya vutta’’nti. Pacchā jānananti saddaggahaṇuttarakālaṃ nāmaniruttiyā jānanaṃ. Evanti evaṃ saddaggahaṇato pacchā nāmaniruttiṃ ārabbha pavattaṃ ñāṇaṃ niruttipaṭisambhidāti gayhamāne. Evaṃ niruttiyā nāmapaññattipakkhe pāḷiyā, aṭṭhakathāya ca virodhaṃ dassetvā saddapakkhe tadabhāvaṃ dassento ‘‘yathā panā’’tiādimāha. Taṃtaṃsaddavibhāvakanti yathā tassa tassa saddappabhedanicchayassa paccayabhūtaṃ dibbasotañāṇaṃ saddārammaṇameva taṃ taṃ saddaṃ vibhūtaṃ karoti, evaṃ niruttippabhedanicchayassa paccayabhūtaṃ niruttisaddārammaṇameva niruttipaṭisambhidāñāṇaṃ taṃ vibhūtaṃ karotīti tassa paccuppannārammaṇatā vuttā. Saddaṃ pana vibhāventaṃ ekantato saddūpanibandhaṃ paññattimpi vibhāvetiyeva, yato sabhāvāsabhāvavisesavibhāvanaṃ sampajjati. Aññathā hi saddamattaggahaṇe visesāvabodho eva na siyāti porāṇā paññattivibhāvanampi tassa icchanti. Taṃvibhāvakanti niruttisaddavibhāvakaṃ. Na pāḷivirodho hotīti yadipi abhidhammabhājanīye ‘‘yāya niruttiyā tesaṃ dhammānaṃ paññatti hotī’’ti (vibha. 727) vuttaṃ, tampi sabhāvaniruttisaddena dhammānaṃ pabodhanameva sandhāya vuttaṃ, na tabbinimuttaṃ paññattinti ‘‘niruttisaddārammaṇā niruttipaṭisambhidā’’ti vuccamāne pāḷiyā virodho na hotīti attho. ‘‘Paccavekkhantassā’’ti vuttattā saddaṃ gahetvā pacchā gahitāya paññattiyā paccavekkhaṇena bhavitabbanti āsaṅkeyyāti tadāsaṅkānivattanatthamāha ‘‘taṃ sabhāvaniruttiṃ saddaṃ ārammaṇaṃ katvā’’tiādi. Sabhāvaniruttiṃ vibhāventaṃyevāti sabhāvaniruttivisayassa sammohassa pageva viddhaṃsitattā atthasādhanavasena abhiññāñāṇaṃ viya taṃ vibhāventameva pavattati. Tenāha ‘‘niruttiṃ bhindantaṃ paṭivijjhantameva uppajjatī’’ti. Pabhedagamanañcettha anavasesato niruttivibhāgajānanaṃ. Tathā sesesu. Sakkaṭanāmādīti sakkaṭavasena vuttanāmākhyātādi. Nipātapadaṃ nāmādipadāni viya atthaṃ na vadati, atha kho byañjeti jotetīti ‘‘byañjana’’nti vuttaṃ nipātapadaṃ.
б̣од̇хи н̃аан̣ам̣ ман̣д̣абхууд̇ам̣ зд̇т̇аад̇и б̣од̇химан̣д̣о, махааб̣од̇хидтаанам̣. д̇знааха ‘‘батамаабхисамб̣уд̣̇д̇хадтаанз’’д̇и. ан̃н̃зна багаарзнаад̇и уг̇г̇ахаад̣̇иббагаарзна.
Bodhi ñāṇaṃ maṇḍabhūtaṃ etthāti bodhimaṇḍo, mahābodhiṭṭhānaṃ. Tenāha ‘‘paṭhamābhisambuddhaṭṭhāne’’ti. Aññena pakārenāti uggahādippakārena.
ан̃н̃ат̇аа хонд̇ийд̇и бурисаяуг̇з бурисаяуг̇з згад̣̇зсзна баривад̇д̇анд̇аа гааланд̇арз ан̃н̃аагаараа бхаванд̇и. винассанд̇ийд̇и д̇ам̣д̇ам̣бхаасаанам̣ мануссаанам̣ винаасзна на бан̃н̃ааяанд̇и, мануссаанам̣ д̣̇уруг̇г̇ахан̣аад̣̇инаа гад̇т̇ажи гад̣̇аажи баривад̇д̇анд̇ийби б̣рахмалогаад̣̇ийсу яат̇аасабхаавзнзва авадтаанад̇о на саб̣б̣ад̇т̇а, саб̣б̣ад̣̇аа, саб̣б̣ат̇аа жа баривад̇д̇ад̇и. д̇знааха ‘‘габбавинаасзби д̇идтад̇иязваа’’д̇и. зд̇асса нируд̇д̇ибадисамбхид̣̇аан̃аан̣асса.
Aññathā hontīti purisayuge purisayuge ekadesena parivattantā kālantare aññākārā bhavanti. Vinassantīti taṃtaṃbhāsānaṃ manussānaṃ vināsena na paññāyanti, manussānaṃ duruggahaṇādinā katthaci kadāci parivattantīpi brahmalokādīsu yathāsabhāveneva avaṭṭhānato na sabbattha, sabbadā, sabbathā ca parivattati. Tenāha ‘‘kappavināsepi tiṭṭhatiyevā’’ti. Etassa niruttipaṭisambhidāñāṇassa.
ад̇т̇аад̣̇ийсу н̃аан̣анд̇и ад̇т̇абадисамбхид̣̇аад̣̇и. ад̇т̇ад̇хамманируд̇д̇ивасзна д̇ийсу. ад̇т̇ад̇хамманируд̇д̇ибадибхаанавасзна жад̇уусуби ваа. ад̇т̇ад̇хаммаад̣̇инаа ад̇д̇анаа ж̇од̇зд̇аб̣б̣зна саха ад̇т̇знаад̇и саад̇т̇агаани. саб̣б̣о ад̇т̇ад̇хаммаад̣̇иго ад̇т̇о висаяабхууд̇о зд̇асса н̃аан̣асса ад̇т̇ийд̇и саб̣б̣ад̇т̇агам̣. саб̣б̣асмим̣ ад̇т̇аад̣̇игз висаяз кид̇д̇ам̣ ад̇д̇ано бажжаязхи табид̇ам̣ бавад̇д̇ид̇ам̣. арахад̇д̇аббад̇д̇ияаа висад̣̇аа хонд̇и бадибагкад̇хаммаанам̣ саб̣б̣асо вид̣̇д̇хам̣сид̇ад̇д̇аа. бан̃жаннанд̇и ад̇хиг̇амабарияад̇д̇исаванабарибужчаабуб̣б̣аяог̇аанам̣. яат̇ааяог̇анд̇и яам̣ яам̣ яасса буг̇г̇аласса висад̣̇ад̇ааяа яуж̇ж̇ад̇и, д̇ат̇аа яож̇зд̇аб̣б̣ам̣.
Atthādīsu ñāṇanti atthapaṭisambhidādi. Atthadhammaniruttivasena tīsu. Atthadhammaniruttipaṭibhānavasena catūsupi vā. Atthadhammādinā attanā jotetabbena saha atthenāti sātthakāni. Sabbo atthadhammādiko attho visayabhūto etassa ñāṇassa atthīti sabbatthakaṃ. Sabbasmiṃ atthādike visaye khittaṃ attano paccayehi ṭhapitaṃ pavattitaṃ. Arahattappattiyā visadā honti paṭipakkhadhammānaṃ sabbaso viddhaṃsitattā. Pañcannanti adhigamapariyattisavanaparipucchāpubbayogānaṃ. Yathāyoganti yaṃ yaṃ yassa puggalassa visadatāya yujjati, tathā yojetabbaṃ.
барибужчаахзд̇у бавад̇д̇аа гат̇аа барибужчаад̇и вуд̇д̇аад̇и ааха ‘‘бужчааяа…бз… барибужчаад̇и вуд̇д̇аа’’д̇и.
Paripucchāhetu pavattā kathā paripucchāti vuttāti āha ‘‘pucchāya…pe… paripucchāti vuttā’’ti.
д̇зхийд̇и маг̇г̇зхи. бадилаабхо наама буб̣б̣аяог̇асамбад̇д̇ияаа ад̇т̇аад̣̇ивисаяасса саммохасса самужчинд̣̇анам̣, д̇ам̣ бана маг̇г̇агижжамзваад̇и ааха ‘‘со логуд̇д̇аро’’д̇и. ад̇т̇аад̣̇ийнам̣ бабхзд̣̇ад̇о саллагкан̣авибхааванававад̇т̇аабанаа яат̇аарахам̣ барид̇д̇агусаламахаагирияажид̇д̇авасзна ход̇ийд̇и вуд̇д̇ам̣ ‘‘бабхзд̣̇о гаамааважаро’’д̇и. яат̇аа буб̣б̣аяог̇о ад̇хиг̇амасса б̣алавабажжаяо сабхаавахзд̇убхаавад̇о, на д̇ат̇аа бабхзд̣̇асса асабхаавахзд̇уд̇ааяа, барамбарабажжаяад̇ааяа жаад̇и ад̇хиббааяо. барияад̇д̇иаад̣̇ийнам̣ бабхзд̣̇асса б̣алавабажжаяад̇ааяа , ад̇хиг̇амасса жа д̇ад̣̇абхаавз зсзва наяо. д̇ад̇т̇аад̇и нимид̇д̇ад̇т̇з бхуммам̣, д̇аасу барияад̇д̇исаванабарибужчаасу нимид̇д̇абхууд̇аасууд̇и ад̇т̇о. яам̣ вуд̇д̇ам̣ ход̇ийд̇и ‘‘зд̇зсу банаа’’д̇иаад̣̇инаа адтагат̇ааважанзна яам̣ ад̇т̇аж̇аад̇ам̣ вуд̇д̇ам̣ ход̇и. д̇ам̣ д̣̇ассзнд̇од̇и д̇ам̣ нид̣̇д̇хаарзд̇ваа д̣̇ассзнд̇о. ‘‘буб̣б̣аяог̇аад̇хиг̇амаа’’д̇и вад̇ваа ‘‘д̣̇взбий’’д̇и важанам̣ ад̇хиг̇амасахид̇оязва буб̣б̣аяог̇о бабхзд̣̇асса б̣алавабажжаяо, на гзвалод̇и д̣̇ассанад̇т̇ам̣. д̇зна вуд̇д̇ам̣ адтагат̇ааяам̣ ‘‘д̣̇взби згад̇о худ̇ваа’’д̇и (вибха. адта. 718). ‘‘д̣̇взби висад̣̇агааран̣аа’’д̇и вуд̇д̇з буб̣б̣аяог̇ассааби висад̣̇агааран̣ад̇д̇ам̣ лаб̣бхад̇зваад̇и ааха ‘‘д̣̇взби висад̣̇агааран̣аад̇и…бз… вуд̇д̇а’’нд̇и.
Tehīti maggehi. Paṭilābho nāma pubbayogasampattiyā atthādivisayassa sammohassa samucchindanaṃ, taṃ pana maggakiccamevāti āha ‘‘so lokuttaro’’ti. Atthādīnaṃ pabhedato sallakkhaṇavibhāvanavavatthāpanā yathārahaṃ parittakusalamahākiriyacittavasena hotīti vuttaṃ ‘‘pabhedo kāmāvacaro’’ti. Yathā pubbayogo adhigamassa balavapaccayo sabhāvahetubhāvato, na tathā pabhedassa asabhāvahetutāya, paramparapaccayatāya cāti adhippāyo. Pariyattiādīnaṃ pabhedassa balavapaccayatāya , adhigamassa ca tadabhāve eseva nayo. Tatthāti nimittatthe bhummaṃ, tāsu pariyattisavanaparipucchāsu nimittabhūtāsūti attho. Yaṃ vuttaṃ hotīti ‘‘etesu panā’’tiādinā aṭṭhakathāvacanena yaṃ atthajātaṃ vuttaṃ hoti. Taṃ dassentoti taṃ niddhāretvā dassento. ‘‘Pubbayogādhigamā’’ti vatvā ‘‘dvepī’’ti vacanaṃ adhigamasahitoyeva pubbayogo pabhedassa balavapaccayo, na kevaloti dassanatthaṃ. Tena vuttaṃ aṭṭhakathāyaṃ ‘‘dvepi ekato hutvā’’ti (vibha. aṭṭha. 718). ‘‘Dvepi visadakāraṇā’’ti vutte pubbayogassāpi visadakāraṇattaṃ labbhatevāti āha ‘‘dvepi visadakāraṇāti…pe… vutta’’nti.
сан̇г̇ахаваараван̣н̣анаа нидтид̇аа.
Saṅgahavāravaṇṇanā niṭṭhitā.
2. сажжаваараад̣̇иван̣н̣анаа
2. Saccavārādivaṇṇanā
719. гаалад̇д̇аязбийд̇и ад̇ийд̇аад̣̇ийсу д̇ийсуби гаалзсу. хзд̇упалад̇хаммаа хзд̇уунам̣ палабхууд̇аа д̇хаммаа, бажжаяаниб̣б̣ад̇д̇аад̇и ад̇т̇о. д̇зсан̃жа хзд̇уд̇хаммаад̇и д̇зсам̣ хзд̇упалаанам̣ бажжаяаниб̣б̣ад̇д̇аанам̣ хзд̇убхууд̇аа д̇хаммаа ‘‘д̇хаммаа’’д̇и вуд̇д̇аад̇и яож̇анаа. винзяяавасзнаад̇и д̇ат̇аавинзд̇аб̣б̣абуг̇г̇алаж̇жхаасаяавасзна. уббаннаа самуббаннаад̇иаад̣̇и на вуд̇д̇анд̇и уббаннаа самуббаннаа удтид̇аа самудтид̇аа бажжуббаннаад̇иаад̣̇и на вуд̇д̇ам̣ зганд̇абажжуббаннассзва сан̇г̇аахагад̇д̇аа. д̇ам̣ниб̣б̣ад̇д̇агаад̇и д̇зсам̣ ад̇т̇абхаавзна вуд̇д̇аанам̣ нибпаад̣̇агаа. д̇хаммаад̇и вуд̇д̇аа д̇хаммабхаавзна гат̇ид̇аа.
719. Kālattayepīti atītādīsu tīsupi kālesu. Hetuphaladhammā hetūnaṃ phalabhūtā dhammā, paccayanibbattāti attho. Tesañca hetudhammāti tesaṃ hetuphalānaṃ paccayanibbattānaṃ hetubhūtā dhammā ‘‘dhammā’’ti vuttāti yojanā. Vineyyavasenāti tathāvinetabbapuggalajjhāsayavasena. Uppannā samuppannātiādi na vuttanti uppannā samuppannā uṭṭhitā samuṭṭhitā paccuppannātiādi na vuttaṃ ekantapaccuppannasseva saṅgāhakattā. Taṃnibbattakāti tesaṃ atthabhāvena vuttānaṃ nipphādakā. Dhammāti vuttā dhammabhāvena kathitā.
сажжаваараад̣̇иван̣н̣анаа нидтид̇аа.
Saccavārādivaṇṇanā niṭṭhitā.
суд̇д̇анд̇абхааж̇анийяаван̣н̣анаа нидтид̇аа.
Suttantabhājanīyavaṇṇanā niṭṭhitā.
2. абхид̇хаммабхааж̇анийяаван̣н̣анаа
2. Abhidhammabhājanīyavaṇṇanā
725. сааман̃н̃зна вад̇ваа висзсзна авуд̇д̇ад̇д̇аад̇и ‘‘д̇зсам̣ вибаагз’’д̇и яат̇аавуд̇д̇агусалавибаагад̇аад̣̇исааман̃н̃зна вад̇ваа сахзд̇угаахзд̇угаад̣̇ивисзсзна авуд̇д̇ад̇д̇аа, саруубзна нид̣̇д̇хаарзд̇ваа авуд̇д̇ад̇д̇аад̇и ад̇т̇о. авибаагад̇д̇аад̇и авибаагад̇хаммад̇д̇аа. яад̣̇и званд̇и бажжаяабхаавад̇о лаб̣бхамааноби д̇хаммабхааво авибаагад̇хаммад̇ааяа гирияаанам̣ яад̣̇и на вуд̇д̇о, звам̣ сад̇и. сад̇иби бажжаяуббаннабхаавз авибаагабхаавад̇о ад̇т̇абхаавоби на вад̇д̇аб̣б̣о. д̇знааха ‘‘вибаагаа на хонд̇ийд̇и ад̇т̇абхааво жа на вад̇д̇аб̣б̣о’’д̇и. зван̃жзд̇и яад̣̇и бажжаяуббаннад̇д̇аа гирияаанам̣ ад̇т̇абхааво вуд̇д̇о. наббадисид̣̇д̇хо ижчид̇оваад̇и ад̇т̇о. яад̣̇и звам̣ гасмаа на вуд̇д̇од̇и ааха ‘‘вибаагасса банаа’’д̇иаад̣̇и. д̇зсанд̇и гусалаагусалаанам̣, вибаагагирияад̇хаммаанан̃жа. ад̇т̇ад̇хаммад̇аад̇и вуд̇д̇анаязна лаб̣бхамааноби яат̇ааггамам̣ ад̇т̇абхааво, д̇хаммабхааво жа на вуд̇д̇о. бажжаяабхаавам̣ сад̇д̇ивисзсам̣ санибпаад̣̇зд̇аб̣б̣ад̇анд̇и бад̣̇ад̇д̇аязнааби вибаагад̇хаммад̇амзвааха. саа хи вибаагаанам̣ хзд̇убхаавад̇о бажжаяабхааво, д̇ад̣̇уббаад̣̇анасамад̇т̇ад̇ааяа сад̇д̇ивисзсо, д̇зхи саг̇аб̣бхаа вияа ход̇ийд̇и ‘‘санибпаад̣̇зд̇аб̣б̣ад̇аа’’д̇и жа вужжад̇и. д̇ам̣ бассанд̇ий нибпаад̣̇агависзсааби нибпаад̣̇зд̇аб̣б̣аабзгкаа ход̇и д̇хаммабадисамбхид̣̇аа. д̇ам̣самб̣анд̇хзнаад̇и нибпаад̣̇зд̇аб̣б̣асамб̣анд̇хзна. д̇хаммабадисамбхид̣̇ам̣ вад̣̇анд̇зна ад̇т̇абадисамбхид̣̇ааби вуд̇д̇аа.
725. Sāmaññenavatvā visesena avuttattāti ‘‘tesaṃ vipāke’’ti yathāvuttakusalavipākatādisāmaññena vatvā sahetukāhetukādivisesena avuttattā, sarūpena niddhāretvā avuttattāti attho. Avipākattāti avipākadhammattā. Yadi evanti paccayabhāvato labbhamānopi dhammabhāvo avipākadhammatāya kiriyānaṃ yadi na vutto, evaṃ sati. Satipi paccayuppannabhāve avipākabhāvato atthabhāvopi na vattabbo. Tenāha ‘‘vipākā na hontīti atthabhāvo ca na vattabbo’’ti. Evañceti yadi paccayuppannattā kiriyānaṃ atthabhāvo vutto. Nappaṭisiddho icchitovāti attho. Yadi evaṃ kasmā na vuttoti āha ‘‘vipākassa panā’’tiādi. Tesanti kusalākusalānaṃ, vipākakiriyadhammānañca. Atthadhammatāti vuttanayena labbhamānopi yathākkamaṃ atthabhāvo, dhammabhāvo ca na vutto. Paccayabhāvaṃ sattivisesaṃ sanipphādetabbatanti padattayenāpi vipākadhammatamevāha. Sā hi vipākānaṃ hetubhāvato paccayabhāvo, taduppādanasamatthatāya sattiviseso, tehi sagabbhā viya hotīti ‘‘sanipphādetabbatā’’ti ca vuccati. Taṃ passantī nipphādakavisesāpi nipphādetabbāpekkhā hoti dhammapaṭisambhidā. Taṃsambandhenāti nipphādetabbasambandhena. Dhammapaṭisambhidaṃ vadantena atthapaṭisambhidāpi vuttā.
сабхаавад̇хаммз бан̃н̃ад̇д̇и сабхаавабан̃н̃ад̇д̇ийд̇и ааха ‘‘на сад̇д̇аад̣̇ибан̃н̃ад̇д̇ияаа’’д̇и. сабхаавзна, нируд̇д̇иязва ваа сабхаавабан̃н̃ад̇д̇ийд̇и вуд̇д̇аад̇и ааха ‘‘авибарийд̇абан̃н̃ад̇д̇ияаа ваа’’д̇и.
Sabhāvadhamme paññatti sabhāvapaññattīti āha ‘‘na sattādipaññattiyā’’ti. Sabhāvena, niruttiyeva vā sabhāvapaññattīti vuttāti āha ‘‘aviparītapaññattiyā vā’’ti.
746. вохаарабхуумим̣, ад̇хиг̇амабхуумин̃жа згаж̇жхам̣ гад̇ваа ааха ‘‘гаамааважараа, логуд̇д̇араа жа бхууми бхуумий’’д̇и. жид̇д̇уббаад̣̇аа ваа бавад̇д̇идтаанабхаавад̇о бхууми.
746. Vohārabhūmiṃ, adhigamabhūmiñca ekajjhaṃ katvā āha ‘‘kāmāvacarā, lokuttarā ca bhūmi bhūmī’’ti. Cittuppādā vā pavattiṭṭhānabhāvato bhūmi.
абхид̇хаммабхааж̇анийяаван̣н̣анаа нидтид̇аа.
Abhidhammabhājanīyavaṇṇanā niṭṭhitā.
3. бан̃хабужчагаван̣н̣анаа
3. Pañhapucchakavaṇṇanā
747. саб̣б̣ан̃аан̣аарамман̣ад̇ааяаад̇и бадисамбхид̣̇аабадисамбхид̣̇аан̃аан̣аарамман̣ад̇ааяа. ‘‘суд̇д̇анд̇абхааж̇анийяз бана…бз… сияаа’’д̇и ид̣̇ам̣ абхид̇хаммабхааж̇анийязна вируж̇жхад̇и, д̇асса ваа саавасзсад̣̇зсанад̇аа аабаж̇ж̇ад̇ийд̇и жод̣̇анам̣ манаси гад̇ваа ааха ‘‘абхид̇хаммабхааж̇анийяз’’д̇иаад̣̇и. ниравасзсагат̇ананд̇и асзсзд̇ваа гат̇анам̣. д̇зна жид̇д̇уббаад̣̇асан̇г̇ахид̇з ад̇т̇з асзсзд̇ваа д̣̇зсанаа ид̇ха абхид̇хаммабхааж̇анийяасса бхааро, на саб̣б̣ан̃зяяад̇хаммзд̇и д̣̇ассзд̇и. яат̇аад̣̇ассид̇ависаяаважанавасзнаад̇и д̣̇ассид̇аббагаарависаяасса гат̇анавасзна, д̇хаммад̇т̇авасзна д̣̇ассид̇з д̇ам̣д̇ам̣жид̇д̇уббаад̣̇з д̇ад̇т̇а д̇хамманируд̇д̇аабхилаабзна н̃аан̣асса гат̇анавасзнаад̇и ад̇т̇о. ан̃н̃аарамман̣ад̇ам̣ на бадисзд̇хзд̇и ад̇аббарабхаавад̇од̇и ад̇хиббааяо. на ниравасзсзна гат̇анам̣ ажид̇д̇уббаад̣̇абарияаабаннасса висаяасса агат̇ид̇ад̇д̇аа. звам̣ бадибхаанабадисамбхид̣̇аависаяассааби на ниравасзсзна гат̇ананд̇и суд̇д̇анд̇абхааж̇анийяз ависзсаважанзна саб̣б̣ан̃аан̣аарамман̣ад̇ам̣язва бадибхаанабадисамбхид̣̇ааяа бад̇идтаабзд̇и. д̇ат̇аа д̇иссо бадисамбхид̣̇аад̇иаад̣̇ибан̃хабужчагабаал̣ияааби. д̇иссод̇и ад̇т̇ад̇хаммабадибхаанабадисамбхид̣̇аа. нируд̇д̇ибадисамбхид̣̇аа хи ‘‘барид̇д̇аарамман̣аа’’д̇зва вуд̇д̇аа.
747. Sabbañāṇārammaṇatāyāti paṭisambhidāpaṭisambhidāñāṇārammaṇatāya. ‘‘Suttantabhājanīye pana…pe… siyā’’ti idaṃ abhidhammabhājanīyena virujjhati, tassa vā sāvasesadesanatā āpajjatīti codanaṃ manasi katvā āha ‘‘abhidhammabhājanīye’’tiādi. Niravasesakathananti asesetvā kathanaṃ. Tena cittuppādasaṅgahite atthe asesetvā desanā idha abhidhammabhājanīyassa bhāro, na sabbañeyyadhammeti dasseti. Yathādassitavisayavacanavasenāti dassitappakāravisayassa kathanavasena, dhammatthavasena dassite taṃtaṃcittuppāde tattha dhammaniruttābhilāpena ñāṇassa kathanavasenāti attho. Aññārammaṇataṃ na paṭisedheti atapparabhāvatoti adhippāyo. Na niravasesena kathanaṃ acittuppādapariyāpannassa visayassa akathitattā. Evaṃ paṭibhānapaṭisambhidāvisayassāpi na niravasesena kathananti suttantabhājanīye avisesavacanena sabbañāṇārammaṇataṃyeva paṭibhānapaṭisambhidāya patiṭṭhāpeti. Tathā tisso paṭisambhidātiādipañhapucchakapāḷiyāpi. Tissoti atthadhammapaṭibhānapaṭisambhidā. Niruttipaṭisambhidā hi ‘‘parittārammaṇā’’teva vuttā.
яад̣̇иби сияаа на д̇ассаа махаг̇г̇ад̇аарамман̣ад̇аад̇и самб̣анд̇хо. ‘‘на хи маг̇г̇о бажжаяуббанно на ход̇ий’’д̇и иминаа ‘‘ад̇т̇абадисамбхид̣̇аа на маг̇г̇аарамман̣аа’’д̇и важанасса яат̇аавуд̇д̇ад̇т̇асаад̇хагад̇ам̣ вибхаавзд̇и. д̇ассаад̇и бадибхаанабадисамбхид̣̇ааяа на махаг̇г̇ад̇аарамман̣ад̇аа самбхавад̇и нану наяам̣ ануссаранд̇ассаад̇и ад̇хиббааяо. д̣̇взбийд̇и ‘‘ад̇т̇абадисамбхид̣̇аа на маг̇г̇аарамман̣аа, д̇иссо бадисамбхид̣̇аа сияаа барид̇д̇аарамман̣аа, сияаа махаг̇г̇ад̇аарамман̣аа, сияаа аббамаан̣аарамман̣аа’’д̇и жа д̣̇взби зд̇аа баал̣ияо. д̇аасу б̣алавад̇арааяа таанасса, ид̇арааяа ад̇хиббааяамаг̇г̇анасса жа убааяад̣̇ассанамукзна д̇аасам̣ ан̃н̃аман̃н̃ам̣ авирод̇хам̣ д̣̇ассзд̇ум̣ ‘‘гусалаагусалаанам̣ банаа’’д̇иаад̣̇имааха. ‘‘ниббарияааяаа д̇ад̇т̇а д̇хаммабадисамбхид̣̇аа’’д̇и зд̇зна д̇ад̇т̇а ад̇т̇абадисамбхид̣̇ааяа барияааяабхаавамааха. д̇ат̇аа вибаагагирияаананд̇иаад̣̇и яат̇аад̇хиббзд̇асса ад̇т̇асса висад̣̇исууд̣̇аахаран̣ад̣̇ассанам̣. убхаязнаби ‘‘ад̇т̇абадисамбхид̣̇аа на маг̇г̇аарамман̣аа’’д̇и (вибха. 749) важанам̣ суд̇д̇анд̇анаяаануг̇ад̇ам̣ ниббарияааяад̇т̇асса д̇ад̇т̇а ад̇хиббзд̇ад̇д̇аад̇и д̣̇ийбзд̇и. гин̃жи бана н̃аан̣анд̇иаад̣̇и ‘‘д̇иссо бадисамбхид̣̇аа’’д̇иаад̣̇ибаал̣ияаа самад̇т̇агам̣. яат̇аад̇хиббзд̇асса ад̇т̇асса бадибхаанам̣ д̣̇ийбанам̣ бадибхаанам̣. д̇знааха ‘‘н̃зяяаббагаасанад̇о’’д̇и. ид̇и яаа ‘‘д̇иссо бадисамбхид̣̇аа’’д̇и баал̣и, д̇ассаа б̣алавабхаававибхааванзна ид̇арааяа ад̇хиббааяамаг̇г̇анам̣ гад̇анд̇и взд̣̇ид̇аб̣б̣ам̣. ниббарияааяаад̇и барияааяарахид̇аа уж̇угам̣ саруубзнзва бавад̇д̇аа. ниббарияааяа…бз… бавад̇д̇ияанд̇и зганд̇игаад̇т̇аарамман̣ам̣ н̃аан̣ам̣ ад̇т̇абадисамбхид̣̇аа, н̃аан̣аарамман̣ам̣ бадибхаанабадисамбхид̣̇аад̇и г̇ахзд̇ваа д̣̇зсанааяам̣.
Yadipi siyā na tassā mahaggatārammaṇatāti sambandho. ‘‘Na hi maggo paccayuppanno na hotī’’ti iminā ‘‘atthapaṭisambhidā na maggārammaṇā’’ti vacanassa yathāvuttatthasādhakataṃ vibhāveti. Tassāti paṭibhānapaṭisambhidāya na mahaggatārammaṇatā sambhavati nanu nayaṃ anussarantassāti adhippāyo. Dvepīti ‘‘atthapaṭisambhidā na maggārammaṇā, tisso paṭisambhidā siyā parittārammaṇā, siyā mahaggatārammaṇā, siyā appamāṇārammaṇā’’ti ca dvepi etā pāḷiyo. Tāsu balavatarāya ṭhānassa, itarāya adhippāyamagganassa ca upāyadassanamukhena tāsaṃ aññamaññaṃ avirodhaṃ dassetuṃ ‘‘kusalākusalānaṃ panā’’tiādimāha. ‘‘Nippariyāyā tattha dhammapaṭisambhidā’’ti etena tattha atthapaṭisambhidāya pariyāyabhāvamāha. Tathā vipākakiriyānantiādi yathādhippetassa atthassa visadisūdāharaṇadassanaṃ. Ubhayenapi ‘‘atthapaṭisambhidā na maggārammaṇā’’ti (vibha. 749) vacanaṃ suttantanayānugataṃ nippariyāyatthassa tattha adhippetattāti dīpeti. Kiñci pana ñāṇantiādi ‘‘tisso paṭisambhidā’’tiādipāḷiyā samatthakaṃ. Yathādhippetassa atthassa paṭibhānaṃ dīpanaṃ paṭibhānaṃ. Tenāha ‘‘ñeyyappakāsanato’’ti. Iti yā ‘‘tisso paṭisambhidā’’ti pāḷi, tassā balavabhāvavibhāvanena itarāya adhippāyamagganaṃ katanti veditabbaṃ. Nippariyāyāti pariyāyarahitā ujukaṃ sarūpeneva pavattā. Nippariyāya…pe… pavattiyanti ekantikaatthārammaṇaṃ ñāṇaṃ atthapaṭisambhidā, ñāṇārammaṇaṃ paṭibhānapaṭisambhidāti gahetvā desanāyaṃ.
со зваад̇и барасса абхилаабасад̣̇д̣̇о зва. анувад̇д̇амаанад̇аа жасса нируд̇д̇ибадисамбхид̣̇аа бажжуббаннамзва сад̣̇д̣̇ам̣ аарамман̣ам̣ гаронд̇ий, сад̣̇д̣̇ам̣ суд̇ваа ‘‘аяам̣ сабхааванируд̇д̇и, аяам̣ на сабхааванируд̇д̇ий’’д̇и ж̇аананд̇ийд̇и жа аад̣̇иважанавасзна взд̣̇ид̇аб̣б̣о.
So evāti parassa abhilāpasaddo eva. Anuvattamānatā cassa niruttipaṭisambhidā paccuppannameva saddaṃ ārammaṇaṃ karontī, saddaṃ sutvā ‘‘ayaṃ sabhāvanirutti, ayaṃ na sabhāvaniruttī’’ti jānantīti ca ādivacanavasena veditabbo.
бан̃хабужчагаван̣н̣анаа нидтид̇аа.
Pañhapucchakavaṇṇanā niṭṭhitā.
бадисамбхид̣̇аавибхан̇г̇аван̣н̣анаа нидтид̇аа.
Paṭisambhidāvibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 15. бадисамбхид̣̇аавибхан̇г̇о • 15. Paṭisambhidāvibhaṅgo
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / саммохавинод̣̇аний-адтагат̇аа • Sammohavinodanī-aṭṭhakathā
1. суд̇д̇анд̇абхааж̇анийяам̣ • 1. Suttantabhājanīyaṃ
2. абхид̇хаммабхааж̇анийяаван̣н̣анаа • 2. Abhidhammabhājanīyavaṇṇanā
3. бан̃хаабужчагаван̣н̣анаа • 3. Pañhāpucchakavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 15. бадисамбхид̣̇аавибхан̇г̇о • 15. Paṭisambhidāvibhaṅgo
