| Library / Tipiṭaka / ติปิฎก • Tipiṭaka / มิลินฺทปญฺหปาฬิ • Milindapañhapāḷi |
๖. ปฎิสนฺธิปโญฺห
6. Paṭisandhipañho
๖. ราชา อาห ‘‘ภเนฺต นาคเสน, อตฺถิ โกจิ มโต น ปฎิสนฺทหตี’’ติฯ เถโร อาห ‘‘โกจิ ปฎิสนฺทหติ, โกจิ น ปฎิสนฺทหตี’’ติฯ ‘‘โก ปฎิสนฺทหติ, โก น ปฎิสนฺทหตี’’ติ? ‘‘สกิเลโส, มหาราช, ปฎิสนฺทหติ, นิกฺกิเลโส น ปฎิสนฺทหตี’’ติฯ ‘‘ตฺวํ ปน, ภเนฺต นาคเสน, ปฎิสนฺทหิสฺสสี’’ติ? ‘‘สเจ, มหาราช, สอุปาทาโน ภวิสฺสามิ ปฎิสนฺทหิสฺสามิ, สเจ อนุปาทาโน ภวิสฺสามิ น ปฎิสนฺทหิสฺสามี’’ติฯ
6. Rājā āha ‘‘bhante nāgasena, atthi koci mato na paṭisandahatī’’ti. Thero āha ‘‘koci paṭisandahati, koci na paṭisandahatī’’ti. ‘‘Ko paṭisandahati, ko na paṭisandahatī’’ti? ‘‘Sakileso, mahārāja, paṭisandahati, nikkileso na paṭisandahatī’’ti. ‘‘Tvaṃ pana, bhante nāgasena, paṭisandahissasī’’ti? ‘‘Sace, mahārāja, saupādāno bhavissāmi paṭisandahissāmi, sace anupādāno bhavissāmi na paṭisandahissāmī’’ti.
‘‘กโลฺลสิ, ภเนฺต นาคเสนา’’ติฯ
‘‘Kallosi, bhante nāgasenā’’ti.
ปฎิสนฺธิปโญฺห ฉโฎฺฐฯ
Paṭisandhipañho chaṭṭho.
