| Library / Tipiṭaka / တိပိဋက • Tipiṭaka / မိလိန္ဒပဉ္ဟပာဠိ • Milindapañhapāḷi |
၆. ပဋိသန္ဓိပဉ္ဟော
6. Paṭisandhipañho
၆. ရာဇာ အာဟ ‘‘ဘန္တေ နာဂသေန, အတ္ထိ ကောစိ မတော န ပဋိသန္ဒဟတီ’’တိ။ ထေရော အာဟ ‘‘ကောစိ ပဋိသန္ဒဟတိ, ကောစိ န ပဋိသန္ဒဟတီ’’တိ။ ‘‘ကော ပဋိသန္ဒဟတိ, ကော န ပဋိသန္ဒဟတီ’’တိ? ‘‘သကိလေသော, မဟာရာဇ, ပဋိသန္ဒဟတိ, နိက္ကိလေသော န ပဋိသန္ဒဟတီ’’တိ။ ‘‘တ္ဝံ ပန, ဘန္တေ နာဂသေန, ပဋိသန္ဒဟိသ္သသီ’’တိ? ‘‘သစေ, မဟာရာဇ, သဥပာဒာနော ဘဝိသ္သာမိ ပဋိသန္ဒဟိသ္သာမိ, သစေ အနုပာဒာနော ဘဝိသ္သာမိ န ပဋိသန္ဒဟိသ္သာမီ’’တိ။
6. Rājā āha ‘‘bhante nāgasena, atthi koci mato na paṭisandahatī’’ti. Thero āha ‘‘koci paṭisandahati, koci na paṭisandahatī’’ti. ‘‘Ko paṭisandahati, ko na paṭisandahatī’’ti? ‘‘Sakileso, mahārāja, paṭisandahati, nikkileso na paṭisandahatī’’ti. ‘‘Tvaṃ pana, bhante nāgasena, paṭisandahissasī’’ti? ‘‘Sace, mahārāja, saupādāno bhavissāmi paṭisandahissāmi, sace anupādāno bhavissāmi na paṭisandahissāmī’’ti.
‘‘ကလ္လောသိ, ဘန္တေ နာဂသေနာ’’တိ။
‘‘Kallosi, bhante nāgasenā’’ti.
ပဋိသန္ဓိပဉ္ဟော ဆဋ္ဌော။
Paṭisandhipañho chaṭṭho.
