| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
4. படிஸாரணீயகம்மகதா²
4. Paṭisāraṇīyakammakathā
33. ஸுத⁴ம்மவத்து²ஸ்மிங் ஏவமத்தோ² வேதி³தப்³போ³தி யோஜனா. அனபலோகெத்வாதி எத்த² அபபுப்³போ³ லோகஸத்³தோ³ ஆபுச்ச²னத்தோ²தி ஆஹ ‘‘ந ஆபுச்சி²த்வா’’தி.
33. Sudhammavatthusmiṃ evamattho veditabboti yojanā. Anapaloketvāti ettha apapubbo lokasaddo āpucchanatthoti āha ‘‘na āpucchitvā’’ti.
34. கிந்தி கிங் நாம கா²த³னீயபோ⁴ஜனீயங். வோதி தும்ஹேஹி. க³ஹபதீதி ஆலபனபத³ங். தே²ரானங் அத்தா²யாதி ஸம்ப³ந்தோ⁴. படியத்தந்தி படியாதி³தங். ‘‘ஏதங் அவோசா’’தி இமினா ஏதத³வோசாதி எத்த² நிக்³க³ஹிதாதே³ஸஸந்தி⁴ங் த³ஸ்ஸேதி. யதி³த³ந்தி ஸத்³தோ³ ‘‘திலஸங்கு³ளிகா’’தி பதே³ன யோஜிதத்தா இத்தி²லிங்கோ³தி ஆஹ ‘‘யா அய’’ந்தி. திலஸக்க²லிகாதி திலேன ஸங்ஸட்டா² ஸக்க²லிகா. ‘‘ஸா நத்தீ²’’தி இமினா உத்தரவாக்யே யங்ஸத்³த³ஸ்ஸ புப்³ப³வாக்யே தங்ஸத்³தா³பெக்க²தங் த³ஸ்ஸேதி. ஏகோ புரிஸோதி ஸம்ப³ந்தோ⁴. பூவியோதி பூவங், பூவேன வா கயவிக்கயோ. தேனாதி காரணேன. நந்தி க³ஹபதிங். தே²ரோதி ஸுத⁴ம்மத்தே²ரோ. யதே³வ கிஞ்சீதி எத்த² கிஞ்சி ஏவ யங் வசனந்தி த³ஸ்ஸெந்தோ ஆஹ ‘‘கிஞ்சிதே³வ திலஸங்கு³ளிகாவசன’’ந்தி. இத³ந்தி இமங் அத்த²ங். ஸோதி குக்குடபோதகோ. காகவஸ்ஸிதந்தி காகஸ்ஸ வஸ்ஸிதங், நேவ அகாஸீதி ஸம்ப³ந்தோ⁴. தயாபீதி பிஸத்³தோ³ குக்குடபோதகங் அபெக்க²தி. நேவ பி⁴க்கு²வசனங் வுத்தங், ந கி³ஹிவசனங் வுத்தங், இதி இமமத்த²ங் த³ஸ்ஸேதீதி யோஜனா.
34.Kinti kiṃ nāma khādanīyabhojanīyaṃ. Voti tumhehi. Gahapatīti ālapanapadaṃ. Therānaṃ atthāyāti sambandho. Paṭiyattanti paṭiyāditaṃ. ‘‘Etaṃ avocā’’ti iminā etadavocāti ettha niggahitādesasandhiṃ dasseti. Yadidanti saddo ‘‘tilasaṃguḷikā’’ti padena yojitattā itthiliṅgoti āha ‘‘yā aya’’nti. Tilasakkhalikāti tilena saṃsaṭṭhā sakkhalikā. ‘‘Sā natthī’’ti iminā uttaravākye yaṃsaddassa pubbavākye taṃsaddāpekkhataṃ dasseti. Eko purisoti sambandho. Pūviyoti pūvaṃ, pūvena vā kayavikkayo. Tenāti kāraṇena. Nanti gahapatiṃ. Theroti sudhammatthero. Yadeva kiñcīti ettha kiñci eva yaṃ vacananti dassento āha ‘‘kiñcideva tilasaṃguḷikāvacana’’nti. Idanti imaṃ atthaṃ. Soti kukkuṭapotako. Kākavassitanti kākassa vassitaṃ, neva akāsīti sambandho. Tayāpīti pisaddo kukkuṭapotakaṃ apekkhati. Neva bhikkhuvacanaṃ vuttaṃ, na gihivacanaṃ vuttaṃ, iti imamatthaṃ dassetīti yojanā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / சூளவக்³க³பாளி • Cūḷavaggapāḷi / 4. படிஸாரணீயகம்மங் • 4. Paṭisāraṇīyakammaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / சூளவக்³க³-அட்ட²கதா² • Cūḷavagga-aṭṭhakathā / படிஸாரணீயகம்மகதா² • Paṭisāraṇīyakammakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / படிஸாரணீயகம்மகதா²வண்ணனா • Paṭisāraṇīyakammakathāvaṇṇanā
