| Library / Tipiṭaka / তিপিটক • Tipiṭaka / চূল়ৰগ্গ-অট্ঠকথা • Cūḷavagga-aṭṭhakathā |
পটিসারণীযকম্মকথা
Paṭisāraṇīyakammakathā
৩৩. সুধম্মৰত্থুস্মিং পন – অনপলোকেত্ৰাতি ন আপুচ্ছিত্ৰা। এতদৰোচাতি কিং তে গহপতি থেরানং পটিযত্তন্তি সব্বং ৰিৰরাপেত্ৰা দিস্ৰা এতং অৰোচ। একা চ খো ইধ নত্থি যদিদং তিলসংগুল়িকাতি যা অযং তিলসক্খলিকা নাম ৰুচ্চতি, সা নত্থীতি অত্থো। তস্স কির গহপতিনো ৰংসে আদিম্হি একো পূৰিযো অহোসি। তেন নং থেরো জাতিযা খুংসেতুকামো এৰমাহ। যদেৰ কিঞ্চীতি এৰং বহুং বুদ্ধৰচনং রতনং পহায কিঞ্চিদেৰ তিলসংগুল়িকাৰচনং ভাসিতং। কুক্কুটপোতকউদাহরণেন ইদং দস্সেতি ‘‘যথা সো নেৰ কাকৰস্সিতং ন কুক্কুটৰস্সিতং অকাসি, এৰং তযাপি নেৰ ভিক্খুৰচনং ন গিহিৰচনং ৰুত্ত’’ন্তি।
33. Sudhammavatthusmiṃ pana – anapaloketvāti na āpucchitvā. Etadavocāti kiṃ te gahapati therānaṃ paṭiyattanti sabbaṃ vivarāpetvā disvā etaṃ avoca. Ekā ca kho idha natthi yadidaṃ tilasaṃguḷikāti yā ayaṃ tilasakkhalikā nāma vuccati, sā natthīti attho. Tassa kira gahapatino vaṃse ādimhi eko pūviyo ahosi. Tena naṃ thero jātiyā khuṃsetukāmo evamāha. Yadeva kiñcīti evaṃ bahuṃ buddhavacanaṃ ratanaṃ pahāya kiñcideva tilasaṃguḷikāvacanaṃ bhāsitaṃ. Kukkuṭapotakaudāharaṇena idaṃ dasseti ‘‘yathā so neva kākavassitaṃ na kukkuṭavassitaṃ akāsi, evaṃ tayāpi neva bhikkhuvacanaṃ na gihivacanaṃ vutta’’nti.
পটিসারণীযকম্মকথা নিট্ঠিতা।
Paṭisāraṇīyakammakathā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / চূল়ৰগ্গপাল়ি • Cūḷavaggapāḷi / ৪. পটিসারণীযকম্মং • 4. Paṭisāraṇīyakammaṃ
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / পটিসারণীযকম্মকথাৰণ্ণনা • Paṭisāraṇīyakammakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / নিযস্সকম্মকথাদিৰণ্ণনা • Niyassakammakathādivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৪. পটিসারণীযকম্মকথা • 4. Paṭisāraṇīyakammakathā
