| Library / Tipiṭaka / तिपिटक • Tipiṭaka / चूळवग्ग-अट्ठकथा • Cūḷavagga-aṭṭhakathā |
पटिसारणीयकम्मकथा
Paṭisāraṇīyakammakathā
३३. सुधम्मवत्थुस्मिं पन – अनपलोकेत्वाति न आपुच्छित्वा। एतदवोचाति किं ते गहपति थेरानं पटियत्तन्ति सब्बं विवरापेत्वा दिस्वा एतं अवोच। एका च खो इध नत्थि यदिदं तिलसंगुळिकाति या अयं तिलसक्खलिका नाम वुच्चति, सा नत्थीति अत्थो। तस्स किर गहपतिनो वंसे आदिम्हि एको पूवियो अहोसि। तेन नं थेरो जातिया खुंसेतुकामो एवमाह। यदेव किञ्चीति एवं बहुं बुद्धवचनं रतनं पहाय किञ्चिदेव तिलसंगुळिकावचनं भासितं। कुक्कुटपोतकउदाहरणेन इदं दस्सेति ‘‘यथा सो नेव काकवस्सितं न कुक्कुटवस्सितं अकासि, एवं तयापि नेव भिक्खुवचनं न गिहिवचनं वुत्त’’न्ति।
33. Sudhammavatthusmiṃ pana – anapaloketvāti na āpucchitvā. Etadavocāti kiṃ te gahapati therānaṃ paṭiyattanti sabbaṃ vivarāpetvā disvā etaṃ avoca. Ekā ca kho idha natthi yadidaṃ tilasaṃguḷikāti yā ayaṃ tilasakkhalikā nāma vuccati, sā natthīti attho. Tassa kira gahapatino vaṃse ādimhi eko pūviyo ahosi. Tena naṃ thero jātiyā khuṃsetukāmo evamāha. Yadeva kiñcīti evaṃ bahuṃ buddhavacanaṃ ratanaṃ pahāya kiñcideva tilasaṃguḷikāvacanaṃ bhāsitaṃ. Kukkuṭapotakaudāharaṇena idaṃ dasseti ‘‘yathā so neva kākavassitaṃ na kukkuṭavassitaṃ akāsi, evaṃ tayāpi neva bhikkhuvacanaṃ na gihivacanaṃ vutta’’nti.
पटिसारणीयकम्मकथा निट्ठिता।
Paṭisāraṇīyakammakathā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / चूळवग्गपाळि • Cūḷavaggapāḷi / ४. पटिसारणीयकम्मं • 4. Paṭisāraṇīyakammaṃ
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / पटिसारणीयकम्मकथावण्णना • Paṭisāraṇīyakammakathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / नियस्सकम्मकथादिवण्णना • Niyassakammakathādivaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / ४. पटिसारणीयकम्मकथा • 4. Paṭisāraṇīyakammakathā
