| Library / Tipiṭaka / តិបិដក • Tipiṭaka / ចូឡវគ្គ-អដ្ឋកថា • Cūḷavagga-aṭṭhakathā |
បដិសារណីយកម្មកថា
Paṭisāraṇīyakammakathā
៣៣. សុធម្មវត្ថុស្មិំ បន – អនបលោកេត្វាតិ ន អាបុច្ឆិត្វា។ ឯតទវោចាតិ កិំ តេ គហបតិ ថេរានំ បដិយត្តន្តិ សព្ពំ វិវរាបេត្វា ទិស្វា ឯតំ អវោច។ ឯកា ច ខោ ឥធ នត្ថិ យទិទំ តិលសំគុឡិកាតិ យា អយំ តិលសក្ខលិកា នាម វុច្ចតិ, សា នត្ថីតិ អត្ថោ។ តស្ស កិរ គហបតិនោ វំសេ អាទិម្ហិ ឯកោ បូវិយោ អហោសិ។ តេន នំ ថេរោ ជាតិយា ខុំសេតុកាមោ ឯវមាហ។ យទេវ កិញ្ចីតិ ឯវំ ពហុំ ពុទ្ធវចនំ រតនំ បហាយ កិញ្ចិទេវ តិលសំគុឡិកាវចនំ ភាសិតំ។ កុក្កុដបោតកឧទាហរណេន ឥទំ ទស្សេតិ ‘‘យថា សោ នេវ កាកវស្សិតំ ន កុក្កុដវស្សិតំ អកាសិ, ឯវំ តយាបិ នេវ ភិក្ខុវចនំ ន គិហិវចនំ វុត្ត’’ន្តិ។
33. Sudhammavatthusmiṃ pana – anapaloketvāti na āpucchitvā. Etadavocāti kiṃ te gahapati therānaṃ paṭiyattanti sabbaṃ vivarāpetvā disvā etaṃ avoca. Ekā ca kho idha natthi yadidaṃ tilasaṃguḷikāti yā ayaṃ tilasakkhalikā nāma vuccati, sā natthīti attho. Tassa kira gahapatino vaṃse ādimhi eko pūviyo ahosi. Tena naṃ thero jātiyā khuṃsetukāmo evamāha. Yadeva kiñcīti evaṃ bahuṃ buddhavacanaṃ ratanaṃ pahāya kiñcideva tilasaṃguḷikāvacanaṃ bhāsitaṃ. Kukkuṭapotakaudāharaṇena idaṃ dasseti ‘‘yathā so neva kākavassitaṃ na kukkuṭavassitaṃ akāsi, evaṃ tayāpi neva bhikkhuvacanaṃ na gihivacanaṃ vutta’’nti.
បដិសារណីយកម្មកថា និដ្ឋិតា។
Paṭisāraṇīyakammakathā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ចូឡវគ្គបាឡិ • Cūḷavaggapāḷi / ៤. បដិសារណីយកម្មំ • 4. Paṭisāraṇīyakammaṃ
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / បដិសារណីយកម្មកថាវណ្ណនា • Paṭisāraṇīyakammakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / និយស្សកម្មកថាទិវណ្ណនា • Niyassakammakathādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ៤. បដិសារណីយកម្មកថា • 4. Paṭisāraṇīyakammakathā
