| Library / Tipiṭaka / တိပိဋက • Tipiṭaka / စူဠဝဂ္ဂ-အဋ္ဌကထာ • Cūḷavagga-aṭṭhakathā |
ပဋိသာရဏီယကမ္မကထာ
Paṭisāraṇīyakammakathā
၃၃. သုဓမ္မဝတ္ထုသ္မိံ ပန – အနပလောကေတ္ဝာတိ န အာပုစ္ဆိတ္ဝာ။ ဧတဒဝောစာတိ ကိံ တေ ဂဟပတိ ထေရာနံ ပဋိယတ္တန္တိ သဗ္ဗံ ဝိဝရာပေတ္ဝာ ဒိသ္ဝာ ဧတံ အဝောစ။ ဧကာ စ ခော ဣဓ နတ္ထိ ယဒိဒံ တိလသံဂုဠိကာတိ ယာ အယံ တိလသက္ခလိကာ နာမ ဝုစ္စတိ, သာ နတ္ထီတိ အတ္ထော။ တသ္သ ကိရ ဂဟပတိနော ဝံသေ အာဒိမ္ဟိ ဧကော ပူဝိယော အဟောသိ။ တေန နံ ထေရော ဇာတိယာ ခုံသေတုကာမော ဧဝမာဟ။ ယဒေဝ ကိဉ္စီတိ ဧဝံ ဗဟုံ ဗုဒ္ဓဝစနံ ရတနံ ပဟာယ ကိဉ္စိဒေဝ တိလသံဂုဠိကာဝစနံ ဘာသိတံ။ ကုက္ကုဋပောတကဥဒာဟရဏေန ဣဒံ ဒသ္သေတိ ‘‘ယထာ သော နေဝ ကာကဝသ္သိတံ န ကုက္ကုဋဝသ္သိတံ အကာသိ, ဧဝံ တယာပိ နေဝ ဘိက္ခုဝစနံ န ဂိဟိဝစနံ ဝုတ္တ’’န္တိ။
33. Sudhammavatthusmiṃ pana – anapaloketvāti na āpucchitvā. Etadavocāti kiṃ te gahapati therānaṃ paṭiyattanti sabbaṃ vivarāpetvā disvā etaṃ avoca. Ekā ca kho idha natthi yadidaṃ tilasaṃguḷikāti yā ayaṃ tilasakkhalikā nāma vuccati, sā natthīti attho. Tassa kira gahapatino vaṃse ādimhi eko pūviyo ahosi. Tena naṃ thero jātiyā khuṃsetukāmo evamāha. Yadeva kiñcīti evaṃ bahuṃ buddhavacanaṃ ratanaṃ pahāya kiñcideva tilasaṃguḷikāvacanaṃ bhāsitaṃ. Kukkuṭapotakaudāharaṇena idaṃ dasseti ‘‘yathā so neva kākavassitaṃ na kukkuṭavassitaṃ akāsi, evaṃ tayāpi neva bhikkhuvacanaṃ na gihivacanaṃ vutta’’nti.
ပဋိသာရဏီယကမ္မကထာ နိဋ္ဌိတာ။
Paṭisāraṇīyakammakathā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / စူဠဝဂ္ဂပာဠိ • Cūḷavaggapāḷi / ၄. ပဋိသာရဏီယကမ္မံ • 4. Paṭisāraṇīyakammaṃ
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ပဋိသာရဏီယကမ္မကထာဝဏ္ဏနာ • Paṭisāraṇīyakammakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / နိယသ္သကမ္မကထာဒိဝဏ္ဏနာ • Niyassakammakathādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၄. ပဋိသာရဏီယကမ္မကထာ • 4. Paṭisāraṇīyakammakathā
