| Library / Tipiṭaka / တိပိဋက • Tipiṭaka / မဟာဝဂ္ဂပာဠိ • Mahāvaggapāḷi |
၂၄၅. ပဋိသာရဏီယကမ္မကထာ
245. Paṭisāraṇīyakammakathā
၄၁၄. ဣဓ ပန, ဘိက္ခဝေ, ဘိက္ခု ဂိဟီ အက္ကောသတိ ပရိဘာသတိ။ တတ္ရ စေ ဘိက္ခူနံ ဧဝံ ဟောတိ – ‘‘အယံ ခော, အာဝုသော, ဘိက္ခု ဂိဟီ အက္ကောသတိ ပရိဘာသတိ။ ဟန္ဒသ္သ မယံ ပဋိသာရဏီယကမ္မံ ကရောမာ’’တိ။ တေ တသ္သ ပဋိသာရဏီယကမ္မံ ကရောန္တိ – အဓမ္မေန ဝဂ္ဂာ။ သော တမ္ဟာ အာဝာသာ အညံ အာဝာသံ ဂစ္ဆတိ။ တတ္ထပိ ဘိက္ခူနံ ဧဝံ ဟောတိ – ‘‘အယံ ခော, အာဝုသော, ဘိက္ခု သင္ဃေန ပဋိသာရဏီယကမ္မကတော အဓမ္မေန ဝဂ္ဂေဟိ။ ဟန္ဒသ္သ မယံ ပဋိသာရဏီယကမ္မံ ကရောမာ’’တိ။ တေ တသ္သ ပဋိသာရဏီယကမ္မံ ကရောန္တိ – အဓမ္မေန သမဂ္ဂာ။ပေ.။ ဓမ္မေန ဝဂ္ဂာ။ ဓမ္မပတိရူပကေန ဝဂ္ဂာ။ ဓမ္မပတိရူပကေန သမဂ္ဂာ။ပေ.။။
414. Idha pana, bhikkhave, bhikkhu gihī akkosati paribhāsati. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu gihī akkosati paribhāsati. Handassa mayaṃ paṭisāraṇīyakammaṃ karomā’’ti. Te tassa paṭisāraṇīyakammaṃ karonti – adhammena vaggā. So tamhā āvāsā aññaṃ āvāsaṃ gacchati. Tatthapi bhikkhūnaṃ evaṃ hoti – ‘‘ayaṃ kho, āvuso, bhikkhu saṅghena paṭisāraṇīyakammakato adhammena vaggehi. Handassa mayaṃ paṭisāraṇīyakammaṃ karomā’’ti. Te tassa paṭisāraṇīyakammaṃ karonti – adhammena samaggā…pe… dhammena vaggā… dhammapatirūpakena vaggā… dhammapatirūpakena samaggā…pe….
စက္ကံ ကာတဗ္ဗံ။
Cakkaṃ kātabbaṃ.
ပဋိသာရဏီယကမ္မကထာ နိဋ္ဌိတာ။
Paṭisāraṇīyakammakathā niṭṭhitā.
