| Library / Tipiṭaka / තිපිටක • Tipiṭaka / චූළවග්‌ග-අට්‌ඨකථා • Cūḷavagga-aṭṭhakathā |
පටිසාරණීයකම්‌මකථා
Paṭisāraṇīyakammakathā
33. සුධම්‌මවත්‌ථුස්‌මිං පන – අනපලොකෙත්‌වාති න ආපුච්‌ඡිත්‌වා. එතදවොචාති කිං තෙ ගහපති ථෙරානං පටියත්‌තන්‌ති සබ්‌බං විවරාපෙත්‌වා දිස්‌වා එතං අවොච. එකා ච ඛො ඉධ නත්‌ථි යදිදං තිලසංගුළිකාති යා අයං තිලසක්‌ඛලිකා නාම වුච්‌චති, සා නත්‌ථීති අත්‌ථො. තස්‌ස කිර ගහපතිනො වංසෙ ආදිම්‌හි එකො පූවියො අහොසි. තෙන නං ථෙරො ජාතියා ඛුංසෙතුකාමො එවමාහ. යදෙව කිඤ්‌චීති එවං බහුං බුද්‌ධවචනං රතනං පහාය කිඤ්‌චිදෙව තිලසංගුළිකාවචනං භාසිතං. කුක්‌කුටපොතකඋදාහරණෙන ඉදං දස්‌සෙති ‘‘යථා සො නෙව කාකවස්‌සිතං න කුක්‌කුටවස්‌සිතං අකාසි, එවං තයාපි නෙව භික්‌ඛුවචනං න ගිහිවචනං වුත්‌ත’’න්‌ති.
33. Sudhammavatthusmiṃ pana – anapaloketvāti na āpucchitvā. Etadavocāti kiṃ te gahapati therānaṃ paṭiyattanti sabbaṃ vivarāpetvā disvā etaṃ avoca. Ekā ca kho idha natthi yadidaṃ tilasaṃguḷikāti yā ayaṃ tilasakkhalikā nāma vuccati, sā natthīti attho. Tassa kira gahapatino vaṃse ādimhi eko pūviyo ahosi. Tena naṃ thero jātiyā khuṃsetukāmo evamāha. Yadeva kiñcīti evaṃ bahuṃ buddhavacanaṃ ratanaṃ pahāya kiñcideva tilasaṃguḷikāvacanaṃ bhāsitaṃ. Kukkuṭapotakaudāharaṇena idaṃ dasseti ‘‘yathā so neva kākavassitaṃ na kukkuṭavassitaṃ akāsi, evaṃ tayāpi neva bhikkhuvacanaṃ na gihivacanaṃ vutta’’nti.
පටිසාරණීයකම්‌මකථා නිට්‌ඨිතා.
Paṭisāraṇīyakammakathā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / චූළවග්‌ගපාළි • Cūḷavaggapāḷi / 4. පටිසාරණීයකම්‌මං • 4. Paṭisāraṇīyakammaṃ
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / පටිසාරණීයකම්‌මකථාවණ්‌ණනා • Paṭisāraṇīyakammakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / නියස්‌සකම්‌මකථාදිවණ්‌ණනා • Niyassakammakathādivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 4. පටිසාරණීයකම්‌මකථා • 4. Paṭisāraṇīyakammakathā
