| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
4. පටිසාරණීයකම්‌මකථා
4. Paṭisāraṇīyakammakathā
33. සුධම්‌මවත්‌ථුස්‌මිං එවමත්‌ථො වෙදිතබ්‌බොති යොජනා. අනපලොකෙත්‌වාති එත්‌ථ අපපුබ්‌බො ලොකසද්‌දො ආපුච්‌ඡනත්‌ථොති ආහ ‘‘න ආපුච්‌ඡිත්‌වා’’ති.
33. Sudhammavatthusmiṃ evamattho veditabboti yojanā. Anapaloketvāti ettha apapubbo lokasaddo āpucchanatthoti āha ‘‘na āpucchitvā’’ti.
34. කින්‌ති කිං නාම ඛාදනීයභොජනීයං. වොති තුම්‌හෙහි. ගහපතීති ආලපනපදං. ථෙරානං අත්‌ථායාති සම්‌බන්‌ධො. පටියත්‌තන්‌ති පටියාදිතං. ‘‘එතං අවොචා’’ති ඉමිනා එතදවොචාති එත්‌ථ නිග්‌ගහිතාදෙසසන්‌ධිං දස්‌සෙති. යදිදන්‌ති සද්‌දො ‘‘තිලසංගුළිකා’’ති පදෙන යොජිතත්‌තා ඉත්‌ථිලිඞ්‌ගොති ආහ ‘‘යා අය’’න්‌ති. තිලසක්‌ඛලිකාති තිලෙන සංසට්‌ඨා සක්‌ඛලිකා. ‘‘සා නත්‌ථී’’ති ඉමිනා උත්‌තරවාක්‍යෙ යංසද්‌දස්‌ස පුබ්‌බවාක්‍යෙ තංසද්‌දාපෙක්‌ඛතං දස්‌සෙති. එකො පුරිසොති සම්‌බන්‌ධො. පූවියොති පූවං, පූවෙන වා කයවික්‌කයො. තෙනාති කාරණෙන. නන්‌ති ගහපතිං. ථෙරොති සුධම්‌මත්‌ථෙරො. යදෙව කිඤ්‌චීති එත්‌ථ කිඤ්‌චි එව යං වචනන්‌ති දස්‌සෙන්‌තො ආහ ‘‘කිඤ්‌චිදෙව තිලසංගුළිකාවචන’’න්‌ති. ඉදන්‌ති ඉමං අත්‌ථං. සොති කුක්‌කුටපොතකො. කාකවස්‌සිතන්‌ති කාකස්‌ස වස්‌සිතං, නෙව අකාසීති සම්‌බන්‌ධො. තයාපීති පිසද්‌දො කුක්‌කුටපොතකං අපෙක්‌ඛති. නෙව භික්‌ඛුවචනං වුත්‌තං, න ගිහිවචනං වුත්‌තං, ඉති ඉමමත්‌ථං දස්‌සෙතීති යොජනා.
34.Kinti kiṃ nāma khādanīyabhojanīyaṃ. Voti tumhehi. Gahapatīti ālapanapadaṃ. Therānaṃ atthāyāti sambandho. Paṭiyattanti paṭiyāditaṃ. ‘‘Etaṃ avocā’’ti iminā etadavocāti ettha niggahitādesasandhiṃ dasseti. Yadidanti saddo ‘‘tilasaṃguḷikā’’ti padena yojitattā itthiliṅgoti āha ‘‘yā aya’’nti. Tilasakkhalikāti tilena saṃsaṭṭhā sakkhalikā. ‘‘Sā natthī’’ti iminā uttaravākye yaṃsaddassa pubbavākye taṃsaddāpekkhataṃ dasseti. Eko purisoti sambandho. Pūviyoti pūvaṃ, pūvena vā kayavikkayo. Tenāti kāraṇena. Nanti gahapatiṃ. Theroti sudhammatthero. Yadeva kiñcīti ettha kiñci eva yaṃ vacananti dassento āha ‘‘kiñcideva tilasaṃguḷikāvacana’’nti. Idanti imaṃ atthaṃ. Soti kukkuṭapotako. Kākavassitanti kākassa vassitaṃ, neva akāsīti sambandho. Tayāpīti pisaddo kukkuṭapotakaṃ apekkhati. Neva bhikkhuvacanaṃ vuttaṃ, na gihivacanaṃ vuttaṃ, iti imamatthaṃ dassetīti yojanā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / චූළවග්‌ගපාළි • Cūḷavaggapāḷi / 4. පටිසාරණීයකම්‌මං • 4. Paṭisāraṇīyakammaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / චූළවග්‌ග-අට්‌ඨකථා • Cūḷavagga-aṭṭhakathā / පටිසාරණීයකම්‌මකථා • Paṭisāraṇīyakammakathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / පටිසාරණීයකම්‌මකථාවණ්‌ණනා • Paṭisāraṇīyakammakathāvaṇṇanā
