| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੪. ਪਟਿਸਾਰਣੀਯਕਮ੍ਮਕਥਾ
4. Paṭisāraṇīyakammakathā
੩੩. ਸੁਧਮ੍ਮવਤ੍ਥੁਸ੍ਮਿਂ ਏવਮਤ੍ਥੋ વੇਦਿਤਬ੍ਬੋਤਿ ਯੋਜਨਾ। ਅਨਪਲੋਕੇਤ੍વਾਤਿ ਏਤ੍ਥ ਅਪਪੁਬ੍ਬੋ ਲੋਕਸਦ੍ਦੋ ਆਪੁਚ੍ਛਨਤ੍ਥੋਤਿ ਆਹ ‘‘ਨ ਆਪੁਚ੍ਛਿਤ੍વਾ’’ਤਿ।
33. Sudhammavatthusmiṃ evamattho veditabboti yojanā. Anapaloketvāti ettha apapubbo lokasaddo āpucchanatthoti āha ‘‘na āpucchitvā’’ti.
੩੪. ਕਿਨ੍ਤਿ ਕਿਂ ਨਾਮ ਖਾਦਨੀਯਭੋਜਨੀਯਂ। વੋਤਿ ਤੁਮ੍ਹੇਹਿ। ਗਹਪਤੀਤਿ ਆਲਪਨਪਦਂ। ਥੇਰਾਨਂ ਅਤ੍ਥਾਯਾਤਿ ਸਮ੍ਬਨ੍ਧੋ। ਪਟਿਯਤ੍ਤਨ੍ਤਿ ਪਟਿਯਾਦਿਤਂ। ‘‘ਏਤਂ ਅવੋਚਾ’’ਤਿ ਇਮਿਨਾ ਏਤਦવੋਚਾਤਿ ਏਤ੍ਥ ਨਿਗ੍ਗਹਿਤਾਦੇਸਸਨ੍ਧਿਂ ਦਸ੍ਸੇਤਿ। ਯਦਿਦਨ੍ਤਿ ਸਦ੍ਦੋ ‘‘ਤਿਲਸਂਗੁਲ਼ਿਕਾ’’ਤਿ ਪਦੇਨ ਯੋਜਿਤਤ੍ਤਾ ਇਤ੍ਥਿਲਿਙ੍ਗੋਤਿ ਆਹ ‘‘ਯਾ ਅਯ’’ਨ੍ਤਿ। ਤਿਲਸਕ੍ਖਲਿਕਾਤਿ ਤਿਲੇਨ ਸਂਸਟ੍ਠਾ ਸਕ੍ਖਲਿਕਾ। ‘‘ਸਾ ਨਤ੍ਥੀ’’ਤਿ ਇਮਿਨਾ ਉਤ੍ਤਰવਾਕ੍ਯੇ ਯਂਸਦ੍ਦਸ੍ਸ ਪੁਬ੍ਬવਾਕ੍ਯੇ ਤਂਸਦ੍ਦਾਪੇਕ੍ਖਤਂ ਦਸ੍ਸੇਤਿ। ਏਕੋ ਪੁਰਿਸੋਤਿ ਸਮ੍ਬਨ੍ਧੋ। ਪੂવਿਯੋਤਿ ਪੂવਂ, ਪੂવੇਨ વਾ ਕਯવਿਕ੍ਕਯੋ। ਤੇਨਾਤਿ ਕਾਰਣੇਨ। ਨਨ੍ਤਿ ਗਹਪਤਿਂ। ਥੇਰੋਤਿ ਸੁਧਮ੍ਮਤ੍ਥੇਰੋ। ਯਦੇવ ਕਿਞ੍ਚੀਤਿ ਏਤ੍ਥ ਕਿਞ੍ਚਿ ਏવ ਯਂ વਚਨਨ੍ਤਿ ਦਸ੍ਸੇਨ੍ਤੋ ਆਹ ‘‘ਕਿਞ੍ਚਿਦੇવ ਤਿਲਸਂਗੁਲ਼ਿਕਾવਚਨ’’ਨ੍ਤਿ। ਇਦਨ੍ਤਿ ਇਮਂ ਅਤ੍ਥਂ। ਸੋਤਿ ਕੁਕ੍ਕੁਟਪੋਤਕੋ। ਕਾਕવਸ੍ਸਿਤਨ੍ਤਿ ਕਾਕਸ੍ਸ વਸ੍ਸਿਤਂ, ਨੇવ ਅਕਾਸੀਤਿ ਸਮ੍ਬਨ੍ਧੋ। ਤਯਾਪੀਤਿ ਪਿਸਦ੍ਦੋ ਕੁਕ੍ਕੁਟਪੋਤਕਂ ਅਪੇਕ੍ਖਤਿ। ਨੇવ ਭਿਕ੍ਖੁવਚਨਂ વੁਤ੍ਤਂ, ਨ ਗਿਹਿવਚਨਂ વੁਤ੍ਤਂ, ਇਤਿ ਇਮਮਤ੍ਥਂ ਦਸ੍ਸੇਤੀਤਿ ਯੋਜਨਾ।
34.Kinti kiṃ nāma khādanīyabhojanīyaṃ. Voti tumhehi. Gahapatīti ālapanapadaṃ. Therānaṃ atthāyāti sambandho. Paṭiyattanti paṭiyāditaṃ. ‘‘Etaṃ avocā’’ti iminā etadavocāti ettha niggahitādesasandhiṃ dasseti. Yadidanti saddo ‘‘tilasaṃguḷikā’’ti padena yojitattā itthiliṅgoti āha ‘‘yā aya’’nti. Tilasakkhalikāti tilena saṃsaṭṭhā sakkhalikā. ‘‘Sā natthī’’ti iminā uttaravākye yaṃsaddassa pubbavākye taṃsaddāpekkhataṃ dasseti. Eko purisoti sambandho. Pūviyoti pūvaṃ, pūvena vā kayavikkayo. Tenāti kāraṇena. Nanti gahapatiṃ. Theroti sudhammatthero. Yadeva kiñcīti ettha kiñci eva yaṃ vacananti dassento āha ‘‘kiñcideva tilasaṃguḷikāvacana’’nti. Idanti imaṃ atthaṃ. Soti kukkuṭapotako. Kākavassitanti kākassa vassitaṃ, neva akāsīti sambandho. Tayāpīti pisaddo kukkuṭapotakaṃ apekkhati. Neva bhikkhuvacanaṃ vuttaṃ, na gihivacanaṃ vuttaṃ, iti imamatthaṃ dassetīti yojanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ੪. ਪਟਿਸਾਰਣੀਯਕਮ੍ਮਂ • 4. Paṭisāraṇīyakammaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਪਟਿਸਾਰਣੀਯਕਮ੍ਮਕਥਾ • Paṭisāraṇīyakammakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਟਿਸਾਰਣੀਯਕਮ੍ਮਕਥਾવਣ੍ਣਨਾ • Paṭisāraṇīyakammakathāvaṇṇanā
