| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
бадисааран̣ийяагаммагат̇ааван̣н̣анаа
Paṭisāraṇīyakammakathāvaṇṇanā
33. суд̇хаммавад̇т̇усмим̣ мажчигаасан̣д̣зд̇и звам̣наамагз наг̇арз. д̇ад̇т̇а гира (д̇ха. ба. адта. 1.72 жид̇д̇аг̇ахабад̇ивад̇т̇у) жид̇д̇о г̇ахабад̇и бан̃жаваг̇г̇ияаанам̣ аб̣бханд̇арам̣ махаанаамад̇т̇зрам̣ бин̣д̣ааяа жарамаанам̣ д̣̇исваа д̇асса ирияаабат̇з басийд̣̇ид̇ваа бад̇д̇ам̣ аад̣̇ааяа г̇зхам̣ бавзсзд̇ваа бхож̇зд̇ваа бхад̇д̇агижжаавасаанз д̇хаммагат̇ам̣ сун̣анд̇о сод̇аабад̇д̇ипалам̣ бад̇ваа ажаласад̣̇д̇хо худ̇ваа амб̣аадагаванам̣ наама ад̇д̇ано уяяаанам̣ сан̇гхаараамам̣ гаад̇угаамо т̇зрасса хад̇т̇з уд̣̇агам̣ баад̇зд̇ваа нияяаад̇зси. д̇асмим̣ кан̣з ‘‘бад̇идтид̇ам̣ б̣уд̣̇д̇хасаасана’’нд̇и уд̣̇агабарияанд̇ам̣ гад̇ваа махаабат̇авий гамби, махаасздти уяяаанз махаавихаарам̣ гаарзси. д̇ад̇т̇ааяам̣ суд̇хаммо бхигку ааваасиго ахоси. д̇ам̣ санд̇хааяа вуд̇д̇ам̣ ‘‘ааяасмаа суд̇хаммо мажчигаасан̣д̣з жид̇д̇асса г̇ахабад̇ино ааваасиго ход̇ий’’д̇иаад̣̇и. д̇ад̇т̇а д̇хувабхад̇д̇игод̇и нижжабхад̇д̇иго.
33. Sudhammavatthusmiṃ macchikāsaṇḍeti evaṃnāmake nagare. Tattha kira (dha. pa. aṭṭha. 1.72 cittagahapativatthu) citto gahapati pañcavaggiyānaṃ abbhantaraṃ mahānāmattheraṃ piṇḍāya caramānaṃ disvā tassa iriyāpathe pasīditvā pattaṃ ādāya gehaṃ pavesetvā bhojetvā bhattakiccāvasāne dhammakathaṃ suṇanto sotāpattiphalaṃ patvā acalasaddho hutvā ambāṭakavanaṃ nāma attano uyyānaṃ saṅghārāmaṃ kātukāmo therassa hatthe udakaṃ pātetvā niyyātesi. Tasmiṃ khaṇe ‘‘patiṭṭhitaṃ buddhasāsana’’nti udakapariyantaṃ katvā mahāpathavī kampi, mahāseṭṭhi uyyāne mahāvihāraṃ kāresi. Tatthāyaṃ sudhammo bhikkhu āvāsiko ahosi. Taṃ sandhāya vuttaṃ ‘‘āyasmā sudhammo macchikāsaṇḍe cittassa gahapatino āvāsiko hotī’’tiādi. Tattha dhuvabhattikoti niccabhattiko.
абарзна самаязна жид̇д̇асса г̇ун̣агат̇ам̣ суд̇ваа бхигкусахассзна сад̣̇д̇хим̣ д̣̇вз аг̇г̇асаавагаа д̇асса сан̇г̇ахам̣ гад̇д̇угаамаа мажчигаасан̣д̣ам̣ аг̇амам̣су. д̇ам̣ санд̇хааяа вуд̇д̇ам̣ ‘‘д̇зна ко бана самаязна самб̣ахулаа т̇зраа’’д̇иаад̣̇и. жид̇д̇о г̇ахабад̇и д̇зсам̣ ааг̇аманам̣ суд̇ваа ад̣̇д̇хаяож̇анамад̇д̇ам̣ бажжуг̇г̇анд̇ваа д̇з аад̣̇ааяа ад̇д̇ано вихаарам̣ бавзсзд̇ваа ааг̇анд̇угавад̇д̇ам̣ гад̇ваа ‘‘бханд̇з, т̇огам̣ д̇хаммагат̇ам̣ сод̇угаамомхий’’д̇и д̇хаммасзнаабад̇им̣ яаажи. ат̇а нам̣ т̇зро ‘‘убаасага, ад̣̇д̇хаанзнаамхаа гиланд̇аруубаа, абижа т̇огам̣ сун̣аахий’’д̇и д̇асса д̇хаммагат̇ам̣ гат̇зси. д̇зна вуд̇д̇ам̣ ‘‘згаманд̇ам̣ нисиннам̣ ко жид̇д̇ам̣ г̇ахабад̇им̣ ааяасмаа саарибуд̇д̇о д̇хаммияаа гат̇ааяа санд̣̇ассзсий’’д̇иаад̣̇и. со т̇зрасса д̇хаммагат̇ам̣ сун̣анд̇ова анааг̇аамипалам̣ баабун̣и.
Aparena samayena cittassa guṇakathaṃ sutvā bhikkhusahassena saddhiṃ dve aggasāvakā tassa saṅgahaṃ kattukāmā macchikāsaṇḍaṃ agamaṃsu. Taṃ sandhāya vuttaṃ ‘‘tena kho pana samayena sambahulā therā’’tiādi. Citto gahapati tesaṃ āgamanaṃ sutvā addhayojanamattaṃ paccuggantvā te ādāya attano vihāraṃ pavesetvā āgantukavattaṃ katvā ‘‘bhante, thokaṃ dhammakathaṃ sotukāmomhī’’ti dhammasenāpatiṃ yāci. Atha naṃ thero ‘‘upāsaka, addhānenāmhā kilantarūpā, apica thokaṃ suṇāhī’’ti tassa dhammakathaṃ kathesi. Tena vuttaṃ ‘‘ekamantaṃ nisinnaṃ kho cittaṃ gahapatiṃ āyasmā sāriputto dhammiyā kathāya sandassesī’’tiādi. So therassa dhammakathaṃ suṇantova anāgāmiphalaṃ pāpuṇi.
41. наасагки жид̇д̇ам̣ г̇ахабад̇им̣ камаабзд̇унд̇и со д̇ад̇т̇а г̇анд̇ваа ‘‘г̇ахабад̇и, маяхамзва со д̣̇осо , камаахи мз’’д̇и вад̇вааби ‘‘наахам̣ камаамий’’д̇и д̇зна бадигкид̇д̇о ман̇губхууд̇о д̇ам̣ камаабзд̇ум̣ наасагки. бунад̣̇зва сад̇т̇у санд̇игам̣ бажжааг̇амааси. сад̇т̇аа ‘‘наасса убаасаго камиссад̇ий’’д̇и ж̇аананд̇оби ‘‘маанат̇ад̣̇д̇хо зса д̇им̣саяож̇анам̣ г̇анд̇ваава бажжааг̇ажчад̇уу’’д̇и каманубааяам̣ анаажигкид̇ваава уяяож̇зси. ат̇асса буна ааг̇ад̇агаалз нихад̇амаанасса ануд̣̇ууд̇ам̣ д̣̇ад̇ваа ‘‘г̇ажча, иминаа сад̣̇д̇хим̣ г̇анд̇ваа убаасагам̣ камаабзхий’’д̇и вад̇ваа ‘‘саман̣зна наама ‘маяхам̣ вихааро, маяхам̣ ниваасадтаанам̣, маяхам̣ убаасаго, маяхам̣ убаасигаа’д̇и маанам̣ ваа иссам̣ ваа гаад̇ум̣ на ваддад̇и. звам̣ гаронд̇асса хи ижчаамаанаад̣̇аяо гилзсаа вад̣дханд̇ий’’д̇и овад̣̇анд̇о –
41.Nāsakkhi cittaṃ gahapatiṃ khamāpetunti so tattha gantvā ‘‘gahapati, mayhameva so doso , khamāhi me’’ti vatvāpi ‘‘nāhaṃ khamāmī’’ti tena paṭikkhitto maṅkubhūto taṃ khamāpetuṃ nāsakkhi. Punadeva satthu santikaṃ paccāgamāsi. Satthā ‘‘nāssa upāsako khamissatī’’ti jānantopi ‘‘mānathaddho esa tiṃsayojanaṃ gantvāva paccāgacchatū’’ti khamanupāyaṃ anācikkhitvāva uyyojesi. Athassa puna āgatakāle nihatamānassa anudūtaṃ datvā ‘‘gaccha, iminā saddhiṃ gantvā upāsakaṃ khamāpehī’’ti vatvā ‘‘samaṇena nāma ‘mayhaṃ vihāro, mayhaṃ nivāsaṭṭhānaṃ, mayhaṃ upāsako, mayhaṃ upāsikā’ti mānaṃ vā issaṃ vā kātuṃ na vaṭṭati. Evaṃ karontassa hi icchāmānādayo kilesā vaḍḍhantī’’ti ovadanto –
‘‘асанд̇ам̣ бхааванамижчзяяа, бурзгкааран̃жа бхигкусу;
‘‘Asantaṃ bhāvanamiccheyya, purekkhārañca bhikkhusu;
ааваасзсу жа иссарияам̣, бууж̇аа барагулзсу жа.
Āvāsesu ca issariyaṃ, pūjā parakulesu ca.
‘‘мамзва гад̇а ман̃н̃анд̇у, г̇ихий баб̣б̣аж̇ид̇аа убхо;
‘‘Mameva kata maññantu, gihī pabbajitā ubho;
мамзваад̇ивасаа ассу, гижжаагижжзсу гисмижи;
Mamevātivasā assu, kiccākiccesu kismici;
ид̇и б̣ааласса сан̇габбо, ижчаа маано жа вад̣дхад̇ий’’д̇и. (д̇ха. ба. 73-74) –
Iti bālassa saṅkappo, icchā māno ca vaḍḍhatī’’ti. (dha. pa. 73-74) –
д̇хаммабад̣̇з имаа г̇аат̇аа абхааси.
Dhammapade imā gāthā abhāsi.
суд̇хаммад̇т̇зроби имам̣ оваад̣̇ам̣ суд̇ваа сад̇т̇аарам̣ ванд̣̇ид̇ваа удтааяаасанаа бад̣̇агкин̣ам̣ гад̇ваа д̇зна ануд̣̇ууд̇зна бхигкунаа сад̣̇д̇хим̣ г̇анд̇ваа убаасагасса жагкубат̇з аабад̇д̇им̣ бадигарид̇ваа убаасагам̣ камаабзси. со убаасагзна ‘‘камаамахам̣ бханд̇з, сажз маяхам̣ д̣̇осо ад̇т̇и, камат̇а мз’’д̇и бадикамаабид̇о сад̇т̇аараа д̣̇иннаоваад̣̇з тад̇ваа гад̇ибаахзнзва саха бадисамбхид̣̇аахи арахад̇д̇ам̣ баабун̣и.
Sudhammattheropi imaṃ ovādaṃ sutvā satthāraṃ vanditvā uṭṭhāyāsanā padakkhiṇaṃ katvā tena anudūtena bhikkhunā saddhiṃ gantvā upāsakassa cakkhupathe āpattiṃ paṭikaritvā upāsakaṃ khamāpesi. So upāsakena ‘‘khamāmahaṃ bhante, sace mayhaṃ doso atthi, khamatha me’’ti paṭikhamāpito satthārā dinnaovāde ṭhatvā katipāheneva saha paṭisambhidāhi arahattaṃ pāpuṇi.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi
4. бадисааран̣ийяагаммам̣ • 4. Paṭisāraṇīyakammaṃ
адтаарасавад̇д̇ам̣ • Aṭṭhārasavattaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / бадисааран̣ийяагаммагат̇аа • Paṭisāraṇīyakammakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ад̇хаммагаммад̣̇ваад̣̇асагагат̇ааван̣н̣анаа • Adhammakammadvādasakakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / нияассагаммагат̇аад̣̇иван̣н̣анаа • Niyassakammakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 4. бадисааран̣ийяагаммагат̇аа • 4. Paṭisāraṇīyakammakathā
