| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
4. бадисааран̣ийяагаммам̣
4. Paṭisāraṇīyakammaṃ
33. д̇зна ко бана самаязна ааяасмаа суд̇хаммо мажчигаасан̣д̣з жид̇д̇асса г̇ахабад̇ино ааваасиго ход̇и, навагаммиго д̇хувабхад̇д̇иго. яад̣̇аа жид̇д̇о г̇ахабад̇и сан̇гхам̣ ваа г̇ан̣ам̣ ваа буг̇г̇алам̣ ваа ниманд̇зд̇угаамо ход̇и д̇ад̣̇аа на ааяасманд̇ам̣ суд̇хаммам̣ анабалогзд̇ваа сан̇гхам̣ ваа г̇ан̣ам̣ ваа буг̇г̇алам̣ ваа ниманд̇зд̇и.
33. Tena kho pana samayena āyasmā sudhammo macchikāsaṇḍe cittassa gahapatino āvāsiko hoti, navakammiko dhuvabhattiko. Yadā citto gahapati saṅghaṃ vā gaṇaṃ vā puggalaṃ vā nimantetukāmo hoti tadā na āyasmantaṃ sudhammaṃ anapaloketvā saṅghaṃ vā gaṇaṃ vā puggalaṃ vā nimanteti.
д̇зна ко бана самаязна самб̣ахулаа т̇зраа бхигкуу, ааяасмаа жа саарибуд̇д̇о, ааяасмаа жа махаамог̇г̇аллаано, ааяасмаа жа махаагажжаано, ааяасмаа жа махаагодтиго , ааяасмаа жа махаагаббино, ааяасмаа жа махаажунд̣̇о, ааяасмаа жа ануруд̣̇д̇хо, ааяасмаа жа рзвад̇о, ааяасмаа жа убаали, ааяасмаа жа аананд̣̇о, ааяасмаа жа раахуло, гаасийсу жааригам̣ жарамаанаа язна мажчигаасан̣д̣о д̇ад̣̇авасарум̣.
Tena kho pana samayena sambahulā therā bhikkhū, āyasmā ca sāriputto, āyasmā ca mahāmoggallāno, āyasmā ca mahākaccāno, āyasmā ca mahākoṭṭhiko , āyasmā ca mahākappino, āyasmā ca mahācundo, āyasmā ca anuruddho, āyasmā ca revato, āyasmā ca upāli, āyasmā ca ānando, āyasmā ca rāhulo, kāsīsu cārikaṃ caramānā yena macchikāsaṇḍo tadavasaruṃ.
ассоси ко жид̇д̇о г̇ахабад̇и т̇зраа гира бхигкуу мажчигаасан̣д̣ам̣ ануббад̇д̇аад̇и. ат̇а ко жид̇д̇о г̇ахабад̇и язна т̇зраа бхигкуу д̇знубасан̇гами , убасан̇гамид̇ваа т̇зрз бхигкуу абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко жид̇д̇ам̣ г̇ахабад̇им̣ ааяасмаа саарибуд̇д̇о д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси.
Assosi kho citto gahapati therā kira bhikkhū macchikāsaṇḍaṃ anuppattāti. Atha kho citto gahapati yena therā bhikkhū tenupasaṅkami , upasaṅkamitvā there bhikkhū abhivādetvā ekamantaṃ nisīdi. Ekamantaṃ nisinnaṃ kho cittaṃ gahapatiṃ āyasmā sāriputto dhammiyā kathāya sandassesi samādapesi samuttejesi sampahaṃsesi.
ат̇а ко жид̇д̇о г̇ахабад̇и ааяасмад̇аа саарибуд̇д̇зна д̇хаммияаа гат̇ааяа санд̣̇ассид̇о самаад̣̇абид̇о самуд̇д̇зж̇ид̇о самбахам̣сид̇о т̇зрз бхигкуу зд̇ад̣̇авожа – ‘‘ад̇хиваасзнд̇у мз, бханд̇з, т̇зраа сваад̇анааяа ааг̇анд̇угабхад̇д̇а’’нд̇и. ад̇хиваасзсум̣ ко т̇зраа бхигкуу 1 д̇ун̣хийбхаавзна.
Atha kho citto gahapati āyasmatā sāriputtena dhammiyā kathāya sandassito samādapito samuttejito sampahaṃsito there bhikkhū etadavoca – ‘‘adhivāsentu me, bhante, therā svātanāya āgantukabhatta’’nti. Adhivāsesuṃ kho therā bhikkhū 2 tuṇhībhāvena.
ат̇а ко жид̇д̇о г̇ахабад̇и т̇зраанам̣ бхигкуунам̣ ад̇хиваасанам̣ вид̣̇ид̇ваа удтааяаасанаа т̇зрз бхигкуу абхиваад̣̇зд̇ваа бад̣̇агкин̣ам̣ гад̇ваа язнааяасмаа суд̇хаммо д̇знубасан̇гами, убасан̇гамид̇ваа ааяасманд̇ам̣ суд̇хаммам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко жид̇д̇о г̇ахабад̇и ааяасманд̇ам̣ суд̇хаммам̣ зд̇ад̣̇авожа – ‘‘ад̇хиваасзд̇у мз, бханд̇з, аяяо суд̇хаммо сваад̇анааяа бхад̇д̇ам̣ сад̣̇д̇хим̣ т̇зрзхий’’д̇и. ат̇а ко ааяасмаа суд̇хаммо ‘буб̣б̣з квааяам̣ жид̇д̇о г̇ахабад̇и яад̣̇аа сан̇гхам̣ ваа г̇ан̣ам̣ ваа буг̇г̇алам̣ ваа ниманд̇зд̇угаамо на мам̣ анабалогзд̇ваа сан̇гхам̣ ваа г̇ан̣ам̣ ваа буг̇г̇алам̣ ваа ниманд̇зд̇и; сод̣̇аани мам̣ анабалогзд̇ваа т̇зрз бхигкуу ниманд̇зси; д̣̇удтод̣̇аанааяам̣ жид̇д̇о г̇ахабад̇и анабзгко вирад̇д̇аруубо маяий’д̇и жид̇д̇ам̣ г̇ахабад̇им̣ зд̇ад̣̇авожа – ‘‘алам̣, г̇ахабад̇и, наад̇хиваасзмий’’д̇и. д̣̇уд̇ияамби ко…бз… д̇ад̇ияамби ко жид̇д̇о г̇ахабад̇и ааяасманд̇ам̣ суд̇хаммам̣ зд̇ад̣̇авожа – ‘‘ад̇хиваасзд̇у мз, бханд̇з, аяяо суд̇хаммо сваад̇анааяа бхад̇д̇ам̣ сад̣̇д̇хим̣ т̇зрзхий’’д̇и. ‘‘алам̣, г̇ахабад̇и, наад̇хиваасзмий’’д̇и. ат̇а ко жид̇д̇о г̇ахабад̇и ‘гим̣ мз гариссад̇и аяяо суд̇хаммо ад̇хиваасзнд̇о ваа анад̇хиваасзнд̇о ваа’д̇и ааяасманд̇ам̣ суд̇хаммам̣ абхиваад̣̇зд̇ваа бад̣̇агкин̣ам̣ гад̇ваа баггаами.
Atha kho citto gahapati therānaṃ bhikkhūnaṃ adhivāsanaṃ viditvā uṭṭhāyāsanā there bhikkhū abhivādetvā padakkhiṇaṃ katvā yenāyasmā sudhammo tenupasaṅkami, upasaṅkamitvā āyasmantaṃ sudhammaṃ abhivādetvā ekamantaṃ aṭṭhāsi. Ekamantaṃ ṭhito kho citto gahapati āyasmantaṃ sudhammaṃ etadavoca – ‘‘adhivāsetu me, bhante, ayyo sudhammo svātanāya bhattaṃ saddhiṃ therehī’’ti. Atha kho āyasmā sudhammo ‘pubbe khvāyaṃ citto gahapati yadā saṅghaṃ vā gaṇaṃ vā puggalaṃ vā nimantetukāmo na maṃ anapaloketvā saṅghaṃ vā gaṇaṃ vā puggalaṃ vā nimanteti; sodāni maṃ anapaloketvā there bhikkhū nimantesi; duṭṭhodānāyaṃ citto gahapati anapekkho virattarūpo mayī’ti cittaṃ gahapatiṃ etadavoca – ‘‘alaṃ, gahapati, nādhivāsemī’’ti. Dutiyampi kho…pe… tatiyampi kho citto gahapati āyasmantaṃ sudhammaṃ etadavoca – ‘‘adhivāsetu me, bhante, ayyo sudhammo svātanāya bhattaṃ saddhiṃ therehī’’ti. ‘‘Alaṃ, gahapati, nādhivāsemī’’ti. Atha kho citto gahapati ‘kiṃ me karissati ayyo sudhammo adhivāsento vā anadhivāsento vā’ti āyasmantaṃ sudhammaṃ abhivādetvā padakkhiṇaṃ katvā pakkāmi.
34. ат̇а ко жид̇д̇о г̇ахабад̇и д̇ассаа рад̇д̇ияаа ажжаязна т̇зраанам̣ бхигкуунам̣ бан̣ийд̇ам̣ каад̣̇анийяам̣ бхож̇анийяам̣ бадияаад̣̇аабзси. ат̇а ко ааяасмаа суд̇хаммо ‘яам̣нуунаахам̣ жид̇д̇асса г̇ахабад̇ино т̇зраанам̣ бхигкуунам̣ бадияад̇д̇ам̣ бассзяяа’нд̇и буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна жид̇д̇асса г̇ахабад̇ино нивзсанам̣ д̇знубасан̇гами, убасан̇гамид̇ваа бан̃н̃ад̇д̇з аасанз нисийд̣̇и. ат̇а ко жид̇д̇о г̇ахабад̇и язнааяасмаа суд̇хаммо д̇знубасан̇гами, убасан̇гамид̇ваа ааяасманд̇ам̣ суд̇хаммам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко жид̇д̇ам̣ г̇ахабад̇им̣ ааяасмаа суд̇хаммо зд̇ад̣̇авожа – ‘‘бахууд̇ам̣ ко д̇з ид̣̇ам̣, г̇ахабад̇и, каад̣̇анийяам̣ бхож̇анийяам̣ бадияад̇д̇ам̣; згаа жа ко ид̇ха над̇т̇и яад̣̇ид̣̇ам̣ д̇иласан̇г̇ул̣игаа’’д̇и. ‘‘б̣ахумхи вад̇а, бханд̇з, рад̇анз б̣уд̣̇д̇хаважанз 3 виж̇ж̇амаанз аяязна суд̇хаммзна яад̣̇зва гин̃жи бхаасид̇ам̣ яад̣̇ид̣̇ам̣ д̇иласан̇г̇ул̣игаад̇и. бхууд̇абуб̣б̣ам̣, бханд̇з, д̣̇агкин̣аабат̇агаа ваан̣иж̇аа бурад̇т̇имам̣ ж̇анабад̣̇ам̣ аг̇амам̣су ваан̣иж̇ж̇ааяа. д̇з д̇ад̇о гуггудим̣ аанзсум̣. ат̇а ко саа, бханд̇з, гуггудий гаагзна сад̣̇д̇хим̣ сам̣ваасам̣ габбзси. саа бод̇агам̣ ж̇анзси. яад̣̇аа ко со, бханд̇з, гуггудабод̇аго гаагавассам̣ вассид̇угаамо ход̇и, гаагагуггудийд̇и вассад̇и; яад̣̇аа гуггудивассам̣ вассид̇угаамо ход̇и, гуггудигаагаад̇и вассад̇и. звамзва ко, бханд̇з, б̣ахумхи рад̇анз б̣уд̣̇д̇хаважанз виж̇ж̇амаанз аяязна суд̇хаммзна яад̣̇зва гин̃жи бхаасид̇ам̣ яад̣̇ид̣̇ам̣ д̇иласам̣г̇ул̣игаа’’д̇и. ‘‘аггосаси мам̣ д̇вам̣, г̇ахабад̇и, барибхаасаси мам̣ д̇вам̣, г̇ахабад̇и. зсо д̇з, г̇ахабад̇и, ааваасо, баггамиссаамий’’д̇и. ‘‘наахам̣, бханд̇з, аяяам̣ суд̇хаммам̣ аггосаами, барибхаасаами 4. васад̇у, бханд̇з, аяяо суд̇хаммо мажчигаасан̣д̣з. раман̣ийяам̣ амб̣аадагаванам̣. ахам̣ аяяасса суд̇хаммасса уссуггам̣ гариссаами, жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараана’’нд̇и. д̣̇уд̇ияамби ко…бз… д̇ад̇ияамби ко ааяасмаа суд̇хаммо жид̇д̇ам̣ г̇ахабад̇им̣ зд̇ад̣̇авожа – ‘‘аггосаси мам̣ д̇вам̣, г̇ахабад̇и, барибхаасаси мам̣ д̇вам̣, г̇ахабад̇и. зсо д̇з, г̇ахабад̇и, ааваасо, баггамиссаамий’’д̇и. ‘‘гахам̣, бханд̇з, аяяо суд̇хаммо г̇амиссад̇ий’’д̇и? ‘‘саавад̇т̇им̣ ко ахам̣, г̇ахабад̇и, г̇амиссаами бхаг̇аванд̇ам̣ д̣̇ассанааяаа’’д̇и. ‘‘д̇зна хи, бханд̇з, яан̃жа ад̇д̇анаа бхан̣ид̇ам̣, яан̃жа маяаа бхан̣ид̇ам̣ д̇ам̣ саб̣б̣ам̣ бхаг̇авад̇о аарожзхи. анажчарияам̣ ко банзд̇ам̣, бханд̇з, яам̣ аяяо суд̇хаммо бунад̣̇зва мажчигаасан̣д̣ам̣ бажжааг̇ажчзяяаа’’д̇и.
34. Atha kho citto gahapati tassā rattiyā accayena therānaṃ bhikkhūnaṃ paṇītaṃ khādanīyaṃ bhojanīyaṃ paṭiyādāpesi. Atha kho āyasmā sudhammo ‘yaṃnūnāhaṃ cittassa gahapatino therānaṃ bhikkhūnaṃ paṭiyattaṃ passeyya’nti pubbaṇhasamayaṃ nivāsetvā pattacīvaramādāya yena cittassa gahapatino nivesanaṃ tenupasaṅkami, upasaṅkamitvā paññatte āsane nisīdi. Atha kho citto gahapati yenāyasmā sudhammo tenupasaṅkami, upasaṅkamitvā āyasmantaṃ sudhammaṃ abhivādetvā ekamantaṃ nisīdi. Ekamantaṃ nisinnaṃ kho cittaṃ gahapatiṃ āyasmā sudhammo etadavoca – ‘‘pahūtaṃ kho te idaṃ, gahapati, khādanīyaṃ bhojanīyaṃ paṭiyattaṃ; ekā ca kho idha natthi yadidaṃ tilasaṅguḷikā’’ti. ‘‘Bahumhi vata, bhante, ratane buddhavacane 5 vijjamāne ayyena sudhammena yadeva kiñci bhāsitaṃ yadidaṃ tilasaṅguḷikāti. Bhūtapubbaṃ, bhante, dakkhiṇāpathakā vāṇijā puratthimaṃ janapadaṃ agamaṃsu vāṇijjāya. Te tato kukkuṭiṃ ānesuṃ. Atha kho sā, bhante, kukkuṭī kākena saddhiṃ saṃvāsaṃ kappesi. Sā potakaṃ janesi. Yadā kho so, bhante, kukkuṭapotako kākavassaṃ vassitukāmo hoti, kākakukkuṭīti vassati; yadā kukkuṭivassaṃ vassitukāmo hoti, kukkuṭikākāti vassati. Evameva kho, bhante, bahumhi ratane buddhavacane vijjamāne ayyena sudhammena yadeva kiñci bhāsitaṃ yadidaṃ tilasaṃguḷikā’’ti. ‘‘Akkosasi maṃ tvaṃ, gahapati, paribhāsasi maṃ tvaṃ, gahapati. Eso te, gahapati, āvāso, pakkamissāmī’’ti. ‘‘Nāhaṃ, bhante, ayyaṃ sudhammaṃ akkosāmi, paribhāsāmi 6. Vasatu, bhante, ayyo sudhammo macchikāsaṇḍe. Ramaṇīyaṃ ambāṭakavanaṃ. Ahaṃ ayyassa sudhammassa ussukkaṃ karissāmi, cīvarapiṇḍapātasenāsanagilānappaccayabhesajjaparikkhārāna’’nti. Dutiyampi kho…pe… tatiyampi kho āyasmā sudhammo cittaṃ gahapatiṃ etadavoca – ‘‘akkosasi maṃ tvaṃ, gahapati, paribhāsasi maṃ tvaṃ, gahapati. Eso te, gahapati, āvāso, pakkamissāmī’’ti. ‘‘Kahaṃ, bhante, ayyo sudhammo gamissatī’’ti? ‘‘Sāvatthiṃ kho ahaṃ, gahapati, gamissāmi bhagavantaṃ dassanāyā’’ti. ‘‘Tena hi, bhante, yañca attanā bhaṇitaṃ, yañca mayā bhaṇitaṃ taṃ sabbaṃ bhagavato ārocehi. Anacchariyaṃ kho panetaṃ, bhante, yaṃ ayyo sudhammo punadeva macchikāsaṇḍaṃ paccāgaccheyyā’’ti.
35. ат̇а ко ааяасмаа суд̇хаммо сзнаасанам̣ сам̣саамзд̇ваа бад̇д̇ажийварамаад̣̇ааяа язна саавад̇т̇и д̇зна баггаами. анубуб̣б̣зна язна саавад̇т̇и ж̇зд̇аванам̣ анаат̇абин̣д̣игасса аараамо язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа суд̇хаммо яан̃жа ад̇д̇анаа бхан̣ид̇ам̣ яан̃жа жид̇д̇зна г̇ахабад̇инаа бхан̣ид̇ам̣ д̇ам̣ саб̣б̣ам̣ бхаг̇авад̇о аарожзси.
35. Atha kho āyasmā sudhammo senāsanaṃ saṃsāmetvā pattacīvaramādāya yena sāvatthi tena pakkāmi. Anupubbena yena sāvatthi jetavanaṃ anāthapiṇḍikassa ārāmo yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā sudhammo yañca attanā bhaṇitaṃ yañca cittena gahapatinā bhaṇitaṃ taṃ sabbaṃ bhagavato ārocesi.
виг̇арахи б̣уд̣̇д̇хо бхаг̇аваа – ‘‘ананужчавигам̣, могхабуриса, анануломигам̣ аббад̇ируубам̣ ассааман̣агам̣ агаббияам̣ агаран̣ийяам̣. гат̇ан̃хи наама д̇вам̣, могхабуриса, жид̇д̇ам̣ г̇ахабад̇им̣ сад̣̇д̇хам̣ басаннам̣ д̣̇ааяагам̣ гаарагам̣ сан̇гхубадтаагам̣ хийнзна кум̣сзссаси, хийнзна вамбхзссаси? нзд̇ам̣, могхабуриса, аббасаннаанам̣ ваа басаад̣̇ааяа…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – д̇зна хи, бхигкавз, сан̇гхо суд̇хаммасса бхигкуно бадисааран̣ийяагаммам̣ гарод̇у – жид̇д̇о д̇з г̇ахабад̇и камаабзд̇аб̣б̣од̇и. зван̃жа бана, бхигкавз, гаад̇аб̣б̣ам̣ – батамам̣ суд̇хаммо бхигку жод̣̇зд̇аб̣б̣о, жод̣̇зд̇ваа саарзд̇аб̣б̣о, саарзд̇ваа аабад̇д̇им̣ ааробзд̇аб̣б̣о, аабад̇д̇им̣ ааробзд̇ваа б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
Vigarahi buddho bhagavā – ‘‘ananucchavikaṃ, moghapurisa, ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma tvaṃ, moghapurisa, cittaṃ gahapatiṃ saddhaṃ pasannaṃ dāyakaṃ kārakaṃ saṅghupaṭṭhākaṃ hīnena khuṃsessasi, hīnena vambhessasi? Netaṃ, moghapurisa, appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi – tena hi, bhikkhave, saṅgho sudhammassa bhikkhuno paṭisāraṇīyakammaṃ karotu – citto te gahapati khamāpetabboti. Evañca pana, bhikkhave, kātabbaṃ – paṭhamaṃ sudhammo bhikkhu codetabbo, codetvā sāretabbo, sāretvā āpattiṃ āropetabbo, āpattiṃ āropetvā byattena bhikkhunā paṭibalena saṅgho ñāpetabbo –
36. ‘‘сун̣аад̇у мз, бханд̇з, сан̇гхо. аяам̣ суд̇хаммо бхигку жид̇д̇ам̣ г̇ахабад̇им̣ сад̣̇д̇хам̣ басаннам̣ д̣̇ааяагам̣ гаарагам̣ сан̇гхубадтаагам̣ хийнзна кум̣сзд̇и, хийнзна вамбхзд̇и. яад̣̇и сан̇гхасса бад̇д̇агаллам̣, сан̇гхо суд̇хаммасса бхигкуно бадисааран̣ийяагаммам̣ гарзяяа – жид̇д̇о д̇з г̇ахабад̇и камаабзд̇аб̣б̣од̇и. зсаа н̃ад̇д̇и.
36. ‘‘Suṇātu me, bhante, saṅgho. Ayaṃ sudhammo bhikkhu cittaṃ gahapatiṃ saddhaṃ pasannaṃ dāyakaṃ kārakaṃ saṅghupaṭṭhākaṃ hīnena khuṃseti, hīnena vambheti. Yadi saṅghassa pattakallaṃ, saṅgho sudhammassa bhikkhuno paṭisāraṇīyakammaṃ kareyya – citto te gahapati khamāpetabboti. Esā ñatti.
‘‘сун̣аад̇у мз, бханд̇з, сан̇гхо. аяам̣ суд̇хаммо бхигку жид̇д̇ам̣ г̇ахабад̇им̣ сад̣̇д̇хам̣ басаннам̣ д̣̇ааяагам̣ гаарагам̣ сан̇гхубадтаагам̣ хийнзна кум̣сзд̇и, хийнзна вамбхзд̇и. сан̇гхо суд̇хаммасса бхигкуно бадисааран̣ийяагаммам̣ гарод̇и – жид̇д̇о д̇з г̇ахабад̇и камаабзд̇аб̣б̣од̇и. яассааяасмад̇о камад̇и суд̇хаммасса бхигкуно бадисааран̣ийяасса гаммасса гаран̣ам̣ – жид̇д̇о д̇з г̇ахабад̇и камаабзд̇аб̣б̣од̇и, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Ayaṃ sudhammo bhikkhu cittaṃ gahapatiṃ saddhaṃ pasannaṃ dāyakaṃ kārakaṃ saṅghupaṭṭhākaṃ hīnena khuṃseti, hīnena vambheti. Saṅgho sudhammassa bhikkhuno paṭisāraṇīyakammaṃ karoti – citto te gahapati khamāpetabboti. Yassāyasmato khamati sudhammassa bhikkhuno paṭisāraṇīyassa kammassa karaṇaṃ – citto te gahapati khamāpetabboti, so tuṇhassa; yassa nakkhamati, so bhāseyya.
‘‘д̣̇уд̇ияамби зд̇амад̇т̇ам̣ вад̣̇аами…бз… д̇ад̇ияамби зд̇амад̇т̇ам̣ вад̣̇аами – сун̣аад̇у мз, бханд̇з, сан̇гхо. аяам̣ суд̇хаммо бхигку жид̇д̇ам̣ г̇ахабад̇им̣ сад̣̇д̇хам̣ басаннам̣ д̣̇ааяагам̣ гаарагам̣ сан̇гхубадтаагам̣ хийнзна кум̣сзд̇и, хийнзна вамбхзд̇и. сан̇гхо суд̇хаммасса бхигкуно бадисааран̣ийяагаммам̣ гарод̇и – жид̇д̇о д̇з г̇ахабад̇и камаабзд̇аб̣б̣од̇и. яассааяасмад̇о камад̇и суд̇хаммасса бхигкуно бадисааран̣ийяасса гаммасса гаран̣ам̣ – жид̇д̇о д̇з г̇ахабад̇и камаабзд̇аб̣б̣од̇и, со д̇ун̣хасса; яасса нагкамад̇и, со бхаасзяяа.
‘‘Dutiyampi etamatthaṃ vadāmi…pe… tatiyampi etamatthaṃ vadāmi – suṇātu me, bhante, saṅgho. Ayaṃ sudhammo bhikkhu cittaṃ gahapatiṃ saddhaṃ pasannaṃ dāyakaṃ kārakaṃ saṅghupaṭṭhākaṃ hīnena khuṃseti, hīnena vambheti. Saṅgho sudhammassa bhikkhuno paṭisāraṇīyakammaṃ karoti – citto te gahapati khamāpetabboti. Yassāyasmato khamati sudhammassa bhikkhuno paṭisāraṇīyassa kammassa karaṇaṃ – citto te gahapati khamāpetabboti, so tuṇhassa; yassa nakkhamati, so bhāseyya.
‘‘гад̇ам̣ сан̇гхзна суд̇хаммасса бхигкуно бадисааран̣ийяагаммам̣ – жид̇д̇о д̇з г̇ахабад̇и камаабзд̇аб̣б̣од̇и. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Kataṃ saṅghena sudhammassa bhikkhuno paṭisāraṇīyakammaṃ – citto te gahapati khamāpetabboti. Khamati saṅghassa, tasmā tuṇhī, evametaṃ dhārayāmī’’ti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / бадисааран̣ийяагаммагат̇аа • Paṭisāraṇīyakammakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бадисааран̣ийяагаммагат̇ааван̣н̣анаа • Paṭisāraṇīyakammakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / нияассагаммагат̇аад̣̇иван̣н̣анаа • Niyassakammakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 4. бадисааран̣ийяагаммагат̇аа • 4. Paṭisāraṇīyakammakathā
