| Library / Tipiṭaka / திபிடக • Tipiṭaka / மஹாவக்³க³பாளி • Mahāvaggapāḷi |
266. படிஸாரணீயகம்மபடிப்பஸ்ஸத்³தி⁴கதா²
266. Paṭisāraṇīyakammapaṭippassaddhikathā
447. இத⁴ பன, பி⁴க்க²வே, பி⁴க்கு² ஸங்கே⁴ன படிஸாரணீயகம்மகதோ ஸம்மா வத்ததி, லோமங் பாதேதி, நெத்தா²ரங் வத்ததி, படிஸாரணீயஸ்ஸ கம்மஸ்ஸ படிப்பஸ்ஸத்³தி⁴ங் யாசதி. தத்ர சே பி⁴க்கூ²னங் ஏவங் ஹோதி – ‘‘அயங் கோ², ஆவுஸோ, பி⁴க்கு² ஸங்கே⁴ன படிஸாரணீயகம்மகதோ ஸம்மா வத்ததி, லோமங் பாதேதி, நெத்தா²ரங் வத்ததி, படிஸாரணீயஸ்ஸ கம்மஸ்ஸ படிப்பஸ்ஸத்³தி⁴ங் யாசதி. ஹந்த³ஸ்ஸ மயங் படிஸாரணீயகம்மங் படிப்பஸ்ஸம்பே⁴மா’’தி. தே தஸ்ஸ படிஸாரணீயகம்மங் படிப்பஸ்ஸம்பெ⁴ந்தி – அத⁴ம்மேன வக்³கா³…பே॰… அத⁴ம்மேன ஸமக்³கா³… த⁴ம்மேன வக்³கா³… த⁴ம்மபதிரூபகேன வக்³கா³… த⁴ம்மபதிரூபகேன ஸமக்³கா³. தத்ரட்டோ² ஸங்கோ⁴ விவத³தி – ‘‘அத⁴ம்மேன வக்³க³கம்மங், அத⁴ம்மேன ஸமக்³க³கம்மங், த⁴ம்மேன வக்³க³கம்மங் , த⁴ம்மபதிரூபகேன வக்³க³கம்மங், த⁴ம்மபதிரூபகேன ஸமக்³க³கம்மங், அகதங் கம்மங் து³க்கடங் கம்மங் புன காதப்³ப³ங் கம்ம’’ந்தி. தத்ர, பி⁴க்க²வே, யே தே பி⁴க்கூ² ஏவமாஹங்ஸு – ‘‘த⁴ம்மபதிரூபகேன ஸமக்³க³கம்ம’’ந்தி, யே ச தே பி⁴க்கூ² ஏவமாஹங்ஸு – ‘‘அகதங் கம்மங் து³க்கடங் கம்மங் புன காதப்³ப³ங் கம்ம’’ந்தி. இமே தத்த² பி⁴க்கூ² த⁴ம்மவாதி³னோ. இமேபி பஞ்ச வாரா ஸங்கி²த்தா.
447. Idha pana, bhikkhave, bhikkhu saṅghena paṭisāraṇīyakammakato sammā vattati, lomaṃ pāteti, netthāraṃ vattati, paṭisāraṇīyassa kammassa paṭippassaddhiṃ yācati. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu saṅghena paṭisāraṇīyakammakato sammā vattati, lomaṃ pāteti, netthāraṃ vattati, paṭisāraṇīyassa kammassa paṭippassaddhiṃ yācati. Handassa mayaṃ paṭisāraṇīyakammaṃ paṭippassambhemā’’ti. Te tassa paṭisāraṇīyakammaṃ paṭippassambhenti – adhammena vaggā…pe… adhammena samaggā… dhammena vaggā… dhammapatirūpakena vaggā… dhammapatirūpakena samaggā. Tatraṭṭho saṅgho vivadati – ‘‘adhammena vaggakammaṃ, adhammena samaggakammaṃ, dhammena vaggakammaṃ , dhammapatirūpakena vaggakammaṃ, dhammapatirūpakena samaggakammaṃ, akataṃ kammaṃ dukkaṭaṃ kammaṃ puna kātabbaṃ kamma’’nti. Tatra, bhikkhave, ye te bhikkhū evamāhaṃsu – ‘‘dhammapatirūpakena samaggakamma’’nti, ye ca te bhikkhū evamāhaṃsu – ‘‘akataṃ kammaṃ dukkaṭaṃ kammaṃ puna kātabbaṃ kamma’’nti. Ime tattha bhikkhū dhammavādino. Imepi pañca vārā saṃkhittā.
படிஸாரணீயகம்மபடிப்பஸ்ஸத்³தி⁴கதா² நிட்டி²தா.
Paṭisāraṇīyakammapaṭippassaddhikathā niṭṭhitā.
